Բնապահպանություն
2012 թվականին Երևանում իրականացված կանաչապատման միջոցառումները
2012 թվականին Երևան քաղաքում կատարվել են մի շարք դեկորատիվ և բնապահպանական նշանակություն ունեցող կանաչապատման միջոցառումներ:
Սիզամարգերի բարելավում
2012 թվականին մայրաքաղաքում շուրջ 14 հա սիզամարգերի բարելավման և վերականգնման համար Արագածոտնի և Կոտայքի մարզերից ներկրվել է 11000 խմ բուսահող և 2500 խմ կարմիր ավազ։
Ծաղկապատում
Այս տարի Երևան քաղաքի բոլոր վարչական շրջանների կանաչ տարածքները զարդարվել են 1.800.000 հատ ծաղկասածիլներից և 20000 հատ վարդի թփերից կազմված ծաղկային ձևավորումներով։ Երևան քաղաքի ծաղկային տարածքները 2011 թվականի համեմատ ավելացել են 1.2 հա-ով` կազմելով 6.5 հա մակերես։ 
Վարչական շրջաններում տեղադրվել են 20 սայլեր և մետաղական 20 կոնստրուկցիաներ՝ ծաղկային կոմպոզիցիաների տեսքով։
Շենգավիթ և Էրեբունի վարչական շրջաններում բարեկարգվել են Շողակաթ հեռուստաընկերության հարևանությամբ գտնվող և Էրեբունու մանկական զբոսայգիները, որոնց ընդհանուր մակերեսը կազմում է 3.8 հեկտար։
Ձևավորվել են 14000 և կրապատվել 37000 հատ ծառ, բուժման են ենթարկվել ավելի քան 54000 հատ ծառ և թուփ։
Մշտադալար տնկիների և ծաղկասածիլների սնուցման համար օգտագործվել է է 1տ համակցված պարարտանյութ։
2012թ. առաջին կիսամյակում անց է կացվել 16 կմ երկարությամբ ոռոգման նոր ցանց։
Քաղաքային տնտեսություն
