Սոցիալական ապահովության վարչությունը օժանդակում է Երևանի քաղաքապետին՝ Երևան քաղաքում  պետական սոցիալական  քաղաքականության իրագործման,  սոցիալական ապահովության բնագավառում քաղաքապետին տրված լիազորությունների կենսագործման  և պետության կողմից պատվիրակված լիազորություններն իրականացնելիս, կազմակերպում է Երևանի 12 ՍԾՏԲ-ների գործունեությունը, որոնք իրագործում են կարիքավոր բնակչության հաշվառումը, պետական նպաստների նշանակումը:
2011թ. 9 ամիսներին /հունվար-սեպտեմբեր/ ընտանիքների անապահովության գնահատման համակարգում փաստագրվել են 14057 ընտանիքներ,
Ընտանեկան նպաստներ և հրատապ դրամական օգնություններ են ստացել շուրջ 17295 ընտանիքներ, փաստացի ծախսը  կազմել է շուրջ 3401,0  մլն դրամ:
Մինչև 2 տարեկան երեխայի խնամքի նպաստներ  (ամսական 18000 դրամ) նշանակվել  են շուրջ 5010  երեխաների աշխատող մայրերի, փաստացի ծախսը կազմել է  907,7 մլն դրամ:
Երեխայի ծննդյան միանվագ նպաստներ  են ստացել շուրջ  9075  ընտանիքներ,  փաստացի ծախսը կազմել է 796,6 մլն դրամ։
Նախկին ԽՍՀՄ խնայբանկի ՀԽՍՀ hանրապետական բանկում մինչև 1993թ. հունիսի 10-ը ներդրված դրամական ավանդների դիմաց ՍԾՏԲ-ներից փոխհատուցում  են ստացել շուրջ 1195 քաղաքացիներ. նրանց վճարվել է  շուրջ 195,9  մլն դրամ։
ՀՀ ազգային հերոսների և մարտական խաչ 1-ին, 2-րդ աստիճանի շքանշակիրներին` 46 անձանց ընտանիքներին վճարվել է 50,5  մլն դրամ:

Ընդամենը պետական նպաստների մասով փաստացի ծախսը կազմում է 5141,5 մլն դրամ
Հետգանձումներ  Համաձայն ՀՀ կառավարության   04.12.2008թ. հ. 1523-Ն և 26.06.2009թ. հ 723-Ն որոշումների՝ ընտանիքի (քաղաքացու) ներկայացրած փաստաթղթերում նպաստի իրավունք տվող կամ նպաստի չափի փոփոխություն առաջացնող ոչ հավաստի տեղեկությունների հիման վրա ավելի վճարված գումարներից՝ Սոցիալական ապահովության վարչության ձեռնարկած միջոցառումների և կազմած ժամանակացույցի շնորհիվ՝  ՍԾՏԲ-ների  կողմից 2011թ. ՀՀ պետբյուջե է  հետգանձվել շուրջ 25,5 մլն  դրամ, 2009-2011թթ. ընդհանրական տվյալներով` շուրջ 80.3 մլն դրամ:
Վարչության կողմից Մալաթիա-Սեբաստիա, Շենգավիթ, Կենտրոն, Ավան, Նորք-Մարաշ ՍԾՏԲ-ներում անցկացված ընտրանքային ուսումնասիրության արդյունքում  նպաստների հիմքային և համակարգչային բազաների համադրմամբ  հայտնաբերվել է շուրջ 1.896.0 հազ. դրամի նպաստի ավելի վճարում, որը հետգանձվում է ՀՀ պետբյուջե,  տարաբնույթ խախտումների պատճառով որոշ ընտանիքների գործերով նպաստի հետագա վճարումը կասեցվել է, թերացումները շտկվել են:
Հայտնաբերված խախտումների և թերացումների համար վերոհիշյալ ՍԾՏԲ-ների 10 աշխատակիցների նկատմամբ կիրառվել են կարգապահական տույժեր, 2-ը ազատվել են զբաղեցրած պաշտոններից:
Վարձատրվող հասարակական աշխատանքներ
Զբաղվածության աջակցության նպատակով ՀՀ կառավարության համապատասխան որոշմամբ <<Վարձատրվող հասարակական աշխատանքներ>> ծրագրով Երևանի Էրեբունի, Ավան, Նոր Նորք, Քանաքեռ-Զեյթուն, Արաբկիր Շենգավիթ, Մալաթիա-Սեբաստիա վարչական շրջանների  սոցիալ-կենցաղային նշանակության 13 ծրագրերը քննարկվել են <<Զբաղվածության աջակցության քաղաքային հանձնաժողովի>> կողմից և հաստատվել են քաղաքապետի համապատասխան որոշմամբ, համաձայն որի` ս/թ. ապրիլի 1-ից մեկնարկած Քանաքեռ-Զեյթուն և Ավան վարչական շրջանների մեկական ծրագրերը սկսվել և շարունակվելու են սահմանված ժամկետում /ընդամենը շուրջ 7,0 մլն դրամ արժողությամբ/: Սակայն ՀՀ կառավարության կողմից 28,04,2011թ. կայացրած որոշման համաձայն մայիսի 1-ից հետո նախատեսված ծրագրերը գործողության մեջ չեն դրվելու, որի հետևանքով չեն իրագործվելու արդեն հաստատված թվով 11 ծրագրեր:




Վերապատրաստման բոլոր մասնակիցներին Երևանի քաղաքապետարանի և <<Վորլդ Վիժն>> կազմակերպության կողմից տրվել են վերապատրաստման վկայագրեր:
● Մայիսի 9-ի կապակցությամբ միջոցառում է իրականացվել Հայրենական պատերազմի վետերանների խորհրդում։  Ծրագրի համար նախատեսված էր 1,0 մլն դրամ, որի շրջանակներում դրամական աջակցություն է ցուցաբերվել շուրջ 50 հայրենական պատերազմի վետերանների։
● Մայիսի 28-ի կապակցությամբ դրամական աջակցություն է ցուցաբերվել  <<Արցախյան պատերազմի մասնակից կանանց հանրապետական խորհրդին>>` 900.000 դրամի չափով և <<Արաբո>> ՀԿ հաշմանդամներին` 600.000 դրամի չափով։
● 100.000 դրամի չափով դրամական աջակցություն է ցուցաբերվել <<Մարտիկներ, վետերան-ազատարարներ>> կանանց հասարակական կազմակերպությանը:
● Կարիքավոր ընտանիքների շուրջ 800 երեխաների համար հուլիս-օգոստոս ամիսներին իրականացվել է երեխաների ամառային հանգստի կազմակերպում Հանքավանի և Ծաղկաձորի ճամբարներում։ Ծրագրի ֆինանսավորումն իրականացվել է ՀՀ պետբյուջեի միջոցներով, իսկ կազմակերպական և տրանսպորտային ծախսերը հոգացել  է Երևանի քաղաքապետարանը։                   
● Վարչության նախաձեռնությամբ Հանքավանի <<Արագած>>, <<Հասմիկ>>, <<Լուսաբաց>> և <<Հեքիաթների կիրճ>> ճամբարների երեխաների մասնակցությամբ կազմակերպվել է փառատոն` նվիրված մայրաքաղաք Երևանին: Փառատոնին աշխույժ մասնակցության համար Երևանի քաղաքապետի շնորհակալագրերով են պարգևատրվել <<Հասմիկ>>, <<Լուսաբաց>>  ճամբարները, <<Արագած>> ճամբարի ավագ-մանկավարժ Հ. Ավագյանը, իսկ <<Արագած>> ճամբարի տնօրեն Ա. Բաբայանը պարգևատրվել է Երևանի քաղաքապետի պատվոգրով: Երևանի քաղաքապետի հանձնարարությամբ վերոհիշյալ 4 ճամբարներին նվիրաբերվել են սպորտային խաղեր և մարզագույք 500.000 դրամի չափով /Երևան հիմնադրամի միջոցների հաշվին/:
● Երևանի քաղաքապետարանի և <<Վորլդ Վիժն>> միջազգային ԲՀԿ-ի նախաձեռնությամբ իրականացվել է կոշկեղենով և հագուստեղենով ապահովման ծրագիր` հարազատների խնամակալության ներքո ապրող շուրջ 125 երկկողմանի ծնողազուրկ երեխաների համար:

• Մշակվել և քաղաքապետարանի կայքէջում գործողության մեջ է դրվել <<Ցանկությունների իրականացում>> բարեգործական նախագիծը, որի շնորհիվ 2 երկկողմանի ծնողազուրկ երեխաներ ունեցող ընտանիքների հատկացվել են մահճակալներ, համակարգիչ, անկնողնային պարագաներ և հագուստեղեն: Ծրագիրը շարունակական բնույթ ունի և ծայրահեղ կարիքի մեջ գտնվող երեխաներին աջակցության յուրահատուկ դրսևորում է:

• Սեպտեմբերի 1-ի կապակցությամբ  վարչության և վարչական շրջանների համատեղ ջանքերով դպրոցական պարագաների և գրենական պիտույքների աջակցության ծրագիր է իրականացվել Երևան քաղաքի կարիքավոր ընտանիքների 1-4-րդ դասարան հաճախող երեխաների համար։ Ծրագրում ընդգրկվել են 6900  կարիքավոր երեխաներ:

• Մայրաքաղաքի Գ. Սունդուկյանի, Ստանիսլավսկու, Հ. Պարոնյանի անվան թատրոնների հետ համատեղ կարիքավորության գնահատման համակարգում հաշվառված 940 կարիքավոր անձանց /այդ թվում նաև ազգային փոքրամասնությունները ներկայացնող համայնքներին/ անվճար թատերական ներկայացումների ենք մասնակից դարձրել:

Մշակվել և Երևանի քաղաքապետարանի կայքէջում տեղադրվել են

• <<Մեր սոցիալական գործընկերները>> գովազդային նյութը, որտեղ ըստ էության ներկայացվում են <<Հայռուսգազարդ>> ընկերության,   Երևանի Գ. Սունդուկյանի, Ստանիսլավսկու և Հ. Պարոնյանի թատրոնների <<Վորլդ Վիժն>> միջազգային բարեգործական կազմակերպության համատեղ իրականացված սոցիալական ակցիաների վերաբերյալ տեղեկատվությունը:
  
• Երևանի սոցիալական սպասարկման կենտրոնների /սոցիալական քարտեզ/ վերաբերյալ տեղեկատվությունը` ըստ վարչական շրջանների:
• Քաղաքապետարանի և սոցիալական հարցերով  քաղաքացիների կապը ամրապնդելու նպատակով  կայքում բացվել է <<Տուր քո հարցը>> խորագիրը, որը հնարավորություն է տալիս քաղաքացիներին իրենց հարցադրումներն ուղղելու մեզ և ստանալու օրենքից բխող հիմնավորված պատասխաններ: 
  

Մշակվել  և գործողության մեջ է դրվել <<Սոցիալապես անապահով քաղաքացիներին սոցիալական աջակցության հայեցակարգը>>, որը քաղաքացիներին տրամադրվող սոցիալական աջակցության հիմնական ձևերի, խնդիրների, նպատակների և Երևանի քաղաքապետարանի կողմից` վարչական շրջանների միջոցով և համատեղ իրականացվող քաղաքականության վերաբերյալ պաշտոնական հայացքների ամբողջություն է:
Կազմակերպվել և անցկացվել են  <<Հաշմանդամների հիմնահարցերով զբաղվող>> Երևանի քաղաքային հանձնաժողովի 3 նիստեր, որտեղ քննարկվել են <<ՀՀ-ում հաշմանդամություն ունեցող անձանց իրավունքների պաշտպանության և սոցիալական ներառման մասին>> ՀՀ օրենքի նախագիծը, ինչպես նաև քաղաքային հանձնաժողովի 2011թ. անելիքները:

Առաջիկա ամիսների ընթացքում ևս կիրակամացվեն այն բոլոր ծրագրերն ու միջոցառումները, որոնք նախատեսված են վարչության  2011թ. գործունեության ծրագրով:
Նախատեսվում են.
● Աջակցություն նորածին երեխաներ ունեցող կարիքավոր 200 ընտանիքներին:
● Հոկտեմբերի 1-ին՝ տարեցների միջազգային օրվա կապակցությամբ, 100 և ավելի  տարիք ունեցող շուրջ 24 երևանաբնակ տարեցների համար նախատեսվում է իրականացնել սոցիալական աջակցության ակցիա, որի շրջանակներում յուրաքանչյուրին կհատկացվի  միանվագ օգնություն։
● Հաշմանդամների միջազգային օրվա կապակցությամբ նախատեսվում է աջակցություն հաշմանդամների հիմնահարցերով զբաղվող կառույցներին։
● Ամանորյա տոների կապակցությամբ նախատեսվում են տոնական միջոցառումներ կարիքավոր ընտանիքների երեխաների համար, ինչպես նաև ամանորյա նվերների տրամադրում։  Ծրագրի համար նախատեսված է 2,0 մլն դրամ։