Քաղաքապետի որոշումներ
ՔԱՂԱՔԱՊԵՏԻ ՈՐՈՇՈՒՄՆԵՐ
ԵՐԵՎԱՆԻ ՔԱՂԱՔԱՊԵՏ
ՈՐՈՇՈՒՄ
3099-Ա 19.09.2018թ.
ԵՐԵՎԱՆԻ ՔԱՂԱՔԱՊԵՏԻ 2018 ԹՎԱԿԱՆԻ ՓԵՏՐՎԱՐԻ 26-Ի Հ.700-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Երևան քաղաքում տեղական ինքնակառավարման մասին» օրենքի 48-րդ հոդվածի 2-րդ մասով, «Նորմատիվ իրավական ակտերի մասին» օրենքի 33-րդ հոդվածի 1-ին մասի 1-ին կետով, Հայաստանի Հանրապետության աշխատանքի և սոցիալական հարցերի նախարարի 2016 թվականի փետրվարի 11-ի հ.25–Ն հրամանի N 1 հավելվածի 3.8–րդ, 3.11-րդ, 3.12-րդ կետերով, հիմք ընդունելով Նոր Նորք վարչական շրջանի ղեկավարի տեղակալի ժամանակավոր պաշտոնակատարի 10.09.2018թ. հ.27/02-418 և Շենգավիթ վարչական շրջանի ղեկավարի ժամանակավոր պաշտոնակատարի 11.09.2018թ. հ.22/01-19988 գրությունները.
1.Երևանի քաղաքապետի 2018 թվականի փետրվարի 26-ի «Տարածքային մակարդակում կնքված սոցիալական համագործակցության համաձայնագրի համաձայն ձևավորված համակարգող խորհրդի անհատական կազմը հաստատելու և Երևանի քաղաքապետի 2016 թվականի հուլիսի 13-ի հ.2566-Ա որոշումն ուժը կորցրած ճանաչելու մասին» հ.700-Ա որոշման մեջ կատարել հետևյալ փոփոխությունները.
1) որոշման N 6 հավելվածի 1-ին կետում՝ «Ա. Ուլիխանյան» բառերը փոխարինել «Ա. Զաքոյան» բառերով, «Նոր Նորք վարչական շրջանի ղեկավար» բառերը փոխարինել «Նոր Նորք վարչական շրջանի ղեկավարի տեղակալի ժամանակավոր պաշտոնակատար» բառերով.
2) որոշման N 7 հավելվածի 2-րդ կետում՝ «Ս. Միքայելյան» բառերը փոխարինել «Կ.Ասլանյան» բառերով, «Երևանի քաղաքապետարանի աշխատակազմի սոցիալական աջակցության Շենգավիթի տարածքային բաժնի պետ» բառերը փոխարինել «Երևանի քաղաքապետարանի աշխատակազմի սոցիալական աջակցության Շենգավիթի տարածքային բաժնի պետի տեղակալ» բառերով:
2. Սույն որոշման կատարման կազմակերպումն ու պատասխանա-տվությունը դնել Երևանի քաղաքապետարանի աշխատակազմի սոցիալական ապահովության վարչության պետի վրա։
3. Որոշման կատարման հսկողությունն իրականացնում է Երևանի քաղաքապետի առաջին տեղակալ, Երևանի քաղաքապետի պաշտոնակատար Կ.Արեյանը։
ԵՐԵՎԱՆԻ ՔԱՂԱՔԱՊԵՏԻ ԱՌԱՋԻՆ ՏԵՂԱԿԱԼ,
ԵՐԵՎԱՆԻ ՔԱՂԱՔԱՊԵՏԻ ՊԱՇՏՈՆԱԿԱՏԱՐ Կ.ԱՐԵՅԱՆ