Փակել
«Երևանյան ամառ 2018» ծրագիրն ամփոփվել է «Ցտեսություն ամառ» միջոցառումով
Երևանի քաղաքապետարանի «Երևանյան ամառ 2018» եռամսյա միջոցառումների ծրագիրն, ավանդույթի համաձայն, ավարտվել է «Ցտեսություն ամառ» խորագիրը կրող միջոցառմամբ, որը մեկնարկել է ազգագրական երգ ու պարի ուսուցմամբ: Մայրաքաղաքի բնակիչներն ու հյուրերը մեծ սիրով մասնակցում էին պարերին, յուրացնում պարային շարժումներն ու ծանոթանում տարբեր ազգագրական երգերի ու պարերի խորհուրդներին:
Այնուհետև հանդիսատեսի համար ելույթ են ունեցել սիրված և ճանաչված երգիչ-երգչուհիներ, երաժշտական և պարային խմբեր:
Եզրափակիչ միջոցառման ընթացքում Երևանի քաղաքապետի տեղակալ Արամ Սուքիասյանը և քաղաքապետարանի աշխատակազմի մշակույթի վարչության պետ Ռուբեն Հովհաննիսյանը «Երևանյան ամառ 2018» ծրագրի կազմակերպմանն աջակցած բոլոր անհատներին և կազմակերպություններին հանձնել են շնորհակալագրեր:
«Երևանյան ամառ» ծրագիրը, իր մշակութային, մարզական, զբոսաշրջային, փառատոնային, մանկական և բազմաթիվ այլ միջոցառումներով, հերթական անցամ ապացուցեց, որ սիրված և սպասված է ինչպես մայրաքաղաքի հազարավոր բնակիչների, այնպես էլ բազմաթիվ զբոսաշրջիկների կողմից, ովքեր ամեն տարի վերադառնում են հետաքրքիր միջոցառումներին մասնակցելու համար:
Երևանի քաղաքապետարանի տեղեկատվության
և հասարակայնության հետ կապերի վարչություն
Լուսանկարներ
