Փակել
«Երևանյան ամառ 2018». «Երևանյան բարդ» հեղինակ-կատարողների երեկոն՝ Շառլ Ազնավուրի անվան հրապարակում
Մայրաքաղաքի Շառլ Ազնավուրի անվան հրապարակում կայացել է բազմաթիվ երևանցիների կողմից ամենասիրված և սպասված միջոցառումներից մեկը՝ «Երևանյան բարդ» հեղինակ-կատարողների երեկոն: Երևանի քաղաքապետարանի «Երևանյան ամառ» եռամսյա միջոցառումների ծրագրով այն անցկացվում է 5-րդ անգամ և արդեն դարձել է ավանդական:
Երեկոյի ընթացքում, «բարդ» ժանրի լավագույն ավանդույթներին համապատասխան, իրենց «երաժշտական պատմությունները» պատմեցին Վահան Արծրունին, Վախթանգ Հարությունյանը, Արմեն Ադամյանը, Կարեն Մամիկոնյանը, Արևիկ Կարապետյանը և այլ հեղինակ-կատարողներ:
Բացօթյա համերգը մայրաքաղաքի բնակիչների և հյուրերի համար ապահովել էր բարձր տրամադրություն և երևանյան յուրահատուկ մթնոլորտ: Այստեղ հավաքվել էին ինչպես հեղինակային երգի մոլի երկրպագուները, այնպես էլ բազմաթիվ անցորդներ, ովքեր չէին կարողացել անտարբեր մնալ գերող երաժշտության նկատմամբ:
Երևանի քաղաքապետարանի տեղեկատվության
և հասարակայնության հետ կապերի վարչություն
Լուսանկարներ
