Փակել
«Երևանյան ամառ» ծրագիրը եզրափակվեց նոր ուսումնական տարվա նախօրյակին
Երևանի քաղաքապետարանի «Երևանյան ամառ» եռամսյա ծրագրի եզրափակիչ միջոցառումը «Դեպի դպրոց, բուհ ու գործ» խորագրով համերգն էր, որին մասնակցում էին հայկական էստրադայի տասնյակից ավելի երգիչներ։
Ողջունելով ներկաներին՝ Երևանի քաղաքապետի տեղակալ Արամ Սուքիասյանը Երևանի քաղաքապետ Տարոն Մարգարյանի անունից շնորհակալություն է հայտնել բոլոր մասնակիցներին, ինչպես նաև այն անհատներին ու կազմակերպություններին, ովքեր քաղաքապետարանի աջակիցը եղան եռամսյա այս ծրագիրն իրականացնելիս։
Միջոցառումը մեկնարկել է Կարապի լճի շուրջ անակնկալ ֆլեշմոբով, որին միացան նաև բազմաթիվ քաղաքացիներ։
«Այս տարվա «Երևանյան ամառ» ծրագրի մի քանի տասնյակ բազմաբովանդակ միջոռացումները ի մի բերելով և երևանցիների ու մայրաքաղաքի հյուրերի ակտիվությունը հաշվի առնելով՝ կարող ենք ասել՝ քաղաքապետարանին հաջողվեց Երևանում, այն էլ այսպիսի շոգ օրերին, մշակութային առումով էլ բավականին թեժ ու աշխույժ ամառ պարգևել ամառային օրերը Երևանում անցկացնողներին։ Որոշ միջոցառումներ, կարծում ենք, որ կդառնան ավանդական և դա ևս կլինի «Երևանյան ամառ 2014» ծրագրի ձեռքբերումը»,- նշել է Երևանի քաղաքապետի տեղակալ Արամ Սուքիասյանը։
Երևանի քաղաքապետարանի տեղեկատվության
և հասարակայնության հետ կապերի վարչություն
Լուսանկարներ
