ԵՐԵՎԱՆԻ ՔԱՂԱՔԱՊԵՏԱՐԱՆ

ՊԱՇՏՈՆԱԿԱՆ ԿԱՅՔ

ընդլայնված որոնում

Համայնքային ենթակայության շախմատի դպրոցների աշխատակիցները ևս կընդգրկվեն առողջապահական ապահովագրության փաթեթում

02.10.2017

Երևանի քաղաքապետարանում կայացած աշխատանքային խորհրդակցության ժամանակ քաղաքապետ Տարոն Մարգարյանը, անդրադառնալով քաղաքապետարանի ենթակայության կառույցների աշխատակիցներին առողջապահական ապահովագրության փաթեթներով ապահովելու գործընթացին, քաղաքապետի տեղակալ Վահե Նիկոյանին և աշխատակազմի սպորտի բաժնի աշխատանքները համակարգող քաղաքապետի խորհրդականին ու մյուս պատասխանատուներին հանձնարարել է համապատասխան քայլեր ձեռնարկել արդեն հաջորդ տարեսկզբից քաղաքապետարանի ենթակայության շախմատի դպրոցների շուրջ 170 աշխատակիցներին ևս առողջապահական ապահովագրության փաթեթներով ապահովելու ուղղությամբ:

Հիշեցնենք, որ ի կատարումն քաղաքապետի հանձնարարականի՝ 2018 թվականի հունվարի 1-ից, ի թիվս համայնքային ծառայողների ու քաղաքապետարանի ենթակայության մի շարք կազմակերպությունների աշխատակիցների, համայնքային մանկապարտեզների 4700 աշխատակիցներ նույնպես կստանան առողջապահական ապահովագրության փաթեթներ:

 

Երևանի քաղաքապետարանի տեղեկատվության
և հասարակայնության հետ կապերի վարչություն

Լուսանկարներ
x

Alternative content

Get Adobe Flash player