Կ. Սարաջյանի անվան երաժշտական դպրոցի առաջին համերգը՝ հիմնանորոգումից հետո

20.11.2014

Կ. Սարաջյանի անվան երաժշտական դպրոցի սաներն իրենց կրթօջախի հիմնանորոգման ավարտը նշանավորել են տոնական համերգով։ Ելույթներ են ունեցել կրթօջախի, միջազգային տարբեր բեմերում ելույթ ունեցած և հաջողությունների հասած սաները: 

Միջոցառմանը ներկա են եղել Երևանի քաղաքապետի տեղակալ Արամ Սուքիասյանը, Արաբկիր վարչական շրջանի ղեկավար Հրայր Անտոնյանը, մշակույթի գործիչներ և այլ հարգարժան հյուրեր: Երևանի քաղաքապետ Տարոն Մարգարյանի կողմից Կ. Սարաջյանի անվան դպրոցին է հանձնվել նոր, ժամանակակից էլեկտրոնային դաշնամուր:

Երևանի քաղաքապետի տեղակալ Արամ Սուքիասյանը շնորհակալություն է հայտնել երաժշտական դպրոցի ուսուցիչներին և սաներին միջոցառումը նախաձեռնելու և մասնակցության համար՝ նշելով, որ Երևանի քաղաքապետի նախաձեռնությամբ երաժշտական դպրոցներին հատկացված միջոցները 2015 թվականի բյուջեում գերազանցում են ընթացիկ տարվա չափը, կրթօջախները համալրվելու են երաժշտական նոր գործիքներով: Նա նաեւ ընդգծել է, որ ավելանալու են լավագույն սաներին խրախուսելու և աջակցելու ձեռնարկումները։

 

Երևանի քաղաքապետարանի տեղեկատվության
և հասարակայնության հետ կապերի վարչություն

Լուսանկարներ

Տեսնել ավելին