2013 թվականից ի վեր Երևանի քաղաքապետարանի տարեկան ծրագրերում նախատեսվում են նաև բազմաբնակարան շենքերի վթարային շքապատշգամբների նորոգումը: 2018թ. շինբարեկարգման ծրագրով նախատեսվում է 67 շենքերում նորոգել 147 շքապատշգամբ: Հիշեցնենք, որ դրանք բաժնային սեփականություն են, հետևաբար, ըստ էության, պետք է նորոգվեն բնակիչների կողմից ու միջոցներով, սակայն հաշվի առնելով նորոգման ծախսատարությունը և քաղաքացիների հնարավորությունները, Երևանի քաղաքապետարանը, ընդառաջելով բնակիչների դիմում-խնդրանքներին, Երևանի ավագանու համապատասխան որոշմամբ համայնքային բյուջեից ամեն տարի միջոցներ է հատկացնում ծրագրի փուլային իրագործման համար: 

Տարեկան ծրագրում ներառվում են այն շենքերը, որոնցում նման աշխատանքների իրականացումն ավելի հրատապ է ինչպես շինարարության, այնպես էլ բնակիչների ու անցորդների անվտանգությունն ապահովելու տեսակետից:

Երևանի քաղաքապետարանի տեղեկատվության
և հասարակայնության հետ կապերի վարչություն