Մայրաքաղաքի կանաչ տարածքները համալրվում են ծաղկային ձևավորումներով

24.07.2014

Մայրաքաղաքում ընթացող կանաչապատման և ծաղկապատման աշխատանքների շրջանակում կանաչապատման համար նախատեսված տարածքները համալրվում են նաև ծաղկային նոր ու հետաքրքիր ձևավորումներով:

2014 թվականի մայրաքաղաքում նախատեսված է տեղադրել ծաղկային 112 կոմպոզիցիա:
Մինչ օրս վարչական շրջաններում արդեն իսկ տեղադրվել է մոտ 80 նման կոմպոզիցիա:

Նշենք նաև, որ Երևանն այս տարի ձևավորվել է ավելի քան 2 մլն ծաղիկներով, որոնց մի մասը տեղ են գտել կոմպոզիցիաներում:
Մայրաքաղաքի ծաղկապատման հարցում ընդհանուր մոտեցում ցուցաբերելու նպատակով ծաղկապատման և մասնավորապես ծաղկային ձևավորման լուծումները նախապես համաձայնեցվում են Երևանի գլխավոր դիզայների հետ:

 

Երևանի քաղաքապետարանի տեղեկատվության
և հասարակայնության հետ կապերի վարչություն

Լուսանկարներ