ԵՐԵՎԱՆԻ ՔԱՂԱՔԱՊԵՏԱՐԱՆ

ՊԱՇՏՈՆԱԿԱՆ ԿԱՅՔ

ընդլայնված որոնում

Շարունակվում են Օպերայի հարակից տարածքի կանաչ գոտու վերականգնման աշխատանքները

15.03.2019

Այսօր վաղ առավոտից վերսկսվել և շարունակվում են Օպերայի հարակից կանաչ գոտու վերականգնման աշխատանքները: Երևան համայնքին պատկանող հողամասերի վրա կառուցված սրճարանների ապամոնտաժման առաջին փուլից հետո տարածքը կբարեկարգվի և կկանաչապատվի: Այժմ կտրում և տեղափոխում են մետաղական կոնստրուկցիաները: Զուգահեռաբար քանդում են բետոնային հարթակները:

«Դեռևս 2013 թվականին, երբ այստեղ շինարարական աշխատանքներ էին տարվում, քաղաքային իշխանությունն ու տնտեսվարողները վստահեցնում էին, որ կանաչ տարածքները չեն վնասվելու: Սակայն ընթացքում ամբողջ հողային հատվածները բետոնապատվեցին: Երևանի քաղաքապետարանի այսօրվա գործողություններն ունեն ամուր իրավական հիմքեր»,- ընդգծել է Երևանի քաղաքապետի մամուլի քարտուղար Հակոբ Կարապետյանը:
Աշխատանքների ընթացքում առկա կանաչ զանգվածը չվնասելու նպատակով կանաչ թփատեսակները տեղափոխվում են:
«Տարիներ շարունակ կանաչ զանգվածը եղել է ստվերում: Հնարավորություն չի եղել կազմակերպելու և ապահովելու նորմալ ոռոգում և ծառերի բուժում: Մենք պետք է փորձենք առողջացնել և հնարավորին պահպանել առկա ծառերը», - նշել է քաղաքապետարանի բնապահպանության վարչության պետի ժ/պ Խաչիկ Հակոբյանը:
Աշխատանքները կշարունակվեն նաև առաջիկա օրերին:

 

x

Alternative content

Get Adobe Flash player