ԵՐԵՎԱՆԻ ՔԱՂԱՔԱՊԵՏԱՐԱՆ

ՊԱՇՏՈՆԱԿԱՆ ԿԱՅՔ

ընդլայնված որոնում

Սպորտ

Վարչության գործառույթներ
Սպորտ

2019թ. ամփոփ գործունեությունը

 

*Ապրիլի 2-7-ը Շախմատի ակադեմիայում անցկացվեց «ՀՀ դպրոցականների շախմատի 13-րդ օլիմպիադայի» երևանյան փուլը: Մրցանակակիրները Երևանի քաղաքապետարանի կողմից պարգևատրվեցին գավաթներով, մեդալներով և առաջին, երկրորդ ու երրորդ կարգի դիպլոմներով։
*Ապրիլի 15-29-ը Շենգավիթի համալիր մարզաձևերի մանկապատանեկան մարզադպրոց», «Երևանի Ավանի մանկապատանեկան համալիր մարզադպրոց», «Երևանի Արաբկիրի համալիր մարզաձևերի մանկապատանեկան մարզադպրոց» ՀՈԱԿ-ների մարզադահլիճներում անցկացվեց «Հայաստանի Հանրապետության անկախության 28-րդ մարզական խաղեր» մարզական միջոցառման երևանյան փուլը: Կազմակերպվեցին աղջիկների և պատանիների մրցաշարեր հանդբոլ, վոլեյբոլ, բասկետբոլ մարզաձևերից ու ֆուտբոլի պատանիների մրցաշար:
Մրցաշարերի ավարտից հետո նշանակվեցին վերոհիշյալ և աթլետիկա, սեղանի թենիս, ֆուտզալ, բադմինթոն, լողափնյա վոլեյբոլ մարզաձևերի 2002թ. ծնված պատանիների Երևանի հավաքական թիմերի գլխավոր մարզիչներ, որոնց էլ հանձնարարվեց կազմել Երևանի հավաքական թիմեր, նախապատրաստվել պատշաճ մակարդակով մասնակցելու եզրափակիչ փուլին, որն անցկացվեց սեպտեմբերին և Երևանյան թիմերի մարզիկ-մարզուհիները տարբեր մարզաձևերից զբաղեցրեցին մրցանակային տեղեր:
*Ապրիլի 16-18-ը «Հայաստան» մարզական միության մարզադաշտում տեղի ունեցավ «Ազգային ժողովի գավաթ» մարզական միջոցառման երևանյան փուլը, որին մասնակցում էին Երևանի 12 վարչական շրջաններում հաղթած հիմնական դպրոցների 1-6–րդ դասարանների աշակերտների թիմերը: 1-ին, 2-րդ և 3-րդ դասարանցիների մրցապայքարում հաղթող ճանաչվեցին Էրեբունու (1-ին) և Ավանի (2-րդ և 3-րդ) դասարանների թիմերը: 4-րդ, 5-րդ և 6-րդ դասարանցիների մրցապայքարում հաղթեցին, համապատասխանաբար, Մալաթիա-Սեբաստիա, Դավթաշեն և Շենգավիթ վարչական շրջանները ներկայացնող թիմերը, որոնք էլ իրավունք նվաճեցին մասնակցելու եզրափակիչ փուլին, որը անցկացվեց սեպտեմբերին և ընդհանուր հաշվով երևանյան թիմի ներկայացուցիչները զբաղեցրեցին 4-րդ տեղը:
*2019թ. հունիսի 2-6 ը անցկացվեց բասկետբոլի Երևանի առաջնությունը:
*2019թ. հունիսի 19-20 ը անցկացվեց հեծանվասպորտի Երևանի առաջնությունը:
*2019թ հունիսին Երևանի վարչական շրջաններում անցկացվեցին բակային առաջնություններ ֆուտբոլ, վոլեյբոլ, բասկետբոլ, հանդբոլ, երկամարտ, հեծանվասպորտ, շախմատ և շաշկի մարզաձևերից, որից հետո ձևավորվոցին վարչական շրջանների հավաքական թիմերը, որոնք էլ հուլիսի 1-31-ը մասնակցեցին միջոցառման եզրափակիչ փուլին: Մարզաձևերում հաղթողներն ու մրցանակակիրները պարգևատրվեցին գավաթներով, մեդալներով, համապատասխան կարգի դիպլոմներով ու շնորհակալագրերով, իսկ ընդհանուր թիմային հաշվարկով 1-ին տեղը գրաված Երևանի Շենգավիթ վարչական շրջանը արժանացավ Երևանի քաղաքապետի փոխանցիկ գավաթին:
*2019թ. օգոստոսի 8-17ը Արցախի Հանրապետության մայրաքաղաք Ստեփանակերտում և Հայաստանի Հանրապետության մայրաքաղաք Երևանում կայացան Համահայկական ամառային 7-րդ խաղերը, որոնց պատշաճ մակարդակով մասնակցեց Երևանի 348 անձից բաղկացած մարզական պատվիրակությունը: 19 մարզաձևերից անցկացված միջազգային մրցաշարում մայրաքաղաքի մարզական պատվիրակությունը կրկին զբաղեցրեց 1-ին տեղը:
*2019թ. օգոստոսի 16-18-ը Ծաղկաձորի գլխավոր մարզահամալիրում անցկացվել է «Հաշմանդամություն ունեցող լավագույն մարզիկ» համապետական մրցույթի եզրափակիչ փուլը՝ բասկետբոլ, սեղանի թենիս, շախմատ, շաշկի և բազկամարտ մարզաձևերից: Երևանի մարզական պատվիրակությունը գրավեց 2-րդ տեղը:
*2019թ.սեպտեմբերի 30-ից հոկտեմբերի 4-ը ՌԴ մայրաքաղաք Մոսկվայում անցկացվեցին Մոսկվա-Երևան պատանեկան մարզական խաղերը՝ ազատ և հունահռոմեական ոճի ըմբշամարտ ու շախմատ մարզաձևերից:
*2019թ. ընթացքում անցկացվեցին Երևանի առաջնությունները.
Մարտի 30-ին և 31-ին «Հայաստան» մարզական միության մարզադաշտում անցկացվեց աթլետիկայի Երևանի 2019թ. ձմեռային բաց առաջնությունը աղջիկների և պատանիների միջև՝ 50մ., 400մ., 800մ. վազք, փոխանցումավազք, հեռացատկ, եռացատկ, գնդի հրում, սկավառակի նետում մրցաձևերից: Առաջնության հաղթողներն ու մրցանակակիրները պարգևատրվեցին մեդալներով, համապատասխան կարգի դիպլոմներով և պատվոգրերով։
*Ապրիլի 8-10-ը «Գեղասահքի և հոկեյի մարզադպրոց» ՀՈԱԿ-ում կայացավ գեղասահքի Երևանի 2019թ բաց առաջնությունը՝ 8 տարիքային խմբերի միջև: Մրցանակակիրները պարգևատրվեցին գավաթներով, մեդալներով, համապատասխան կարգի դիպլոմներով ու պատվոգրերով:
*Ապրիլի 13-15-ը Երևանի օլիմպիական հերթափոխի քոլեջում կայացավ ազատ ոճի ըմբշամարտի Երևանի 2019թ. առաջնությունը, որին մասնակցեցին մայրաքաղաքի մարզական կազմակերպությունների թիմերը: Մրցանակակիրները պարգևատրվեցին մեդալներով, համապատասխան կարգի դիպլոմներով ու պատվոգրերով ։
*Ապրիլի 14-ին Ծիծեռնակաբերդի խճուղու հատվածում անցկացվեց կրոսավազքի Երևանի 2019թ առաջնությունը: Մրցանակակիրները պարգևատրվեցին մեդալներով, համապատասխան կարգի դիպլոմներով ու պատվոգրերով։
*Ապրիլի 25-29-ը «Երևանի Ավանի մանկապատանեկան համալիր մարզադպրոց» ՀՈԱԿ-ի մարզադահլիճում կայացավ վոլեյբոլի Երևանի 2019թ. պատանեկան առաջնությունը: Առաջնության աղջիկների մրցաշարում հաղթող ճանաչվեց «Ավան 1», իսկ տղաների մրցաշարում՝ «Աջափնյակ» թիմերը: Հաղթողներն ու մրցանակակիրները պարգևատրվեցին գավաթներով, մեդալներով և առաջին, երկրորդ ու երրորդ կարգի դիպլոմներով։
*Ապրիլի 28-ից 30-ը «Կիլիկիա» մարզադահլիճում կայացավ բադմինթոնի Երևանի 2019թ. առաջնությունը, որն անցկացվեց պատանիների և աղջիկների մենախաղեր ու զուգախաղեր մրցաձևերով: Մրցանակակիրները պարգևատրվեցին մեդալներով ու համապատասխան կարգի դիպլոմներով։
*Ապրիլի 20-ից մայիսի 3-ը «Երևանի մարզատրամաբանական խաղերի մանկապատանեկան մարզադպրոց» ՀՈԱԿ-ի մարզասրահում անցկացվեց Երևանի մարզատրամաբանական խաղերի 2019թ. փառատոնը՝ շաշկի և ռենձյուի մարզաձևերից: Մրցանակակիրները պարգևատրվեցին մեդալներով ու համապատասխան կարգի դիպլոմներով։
*2019թ. մայիսի 16-17-ը անցկացվեց ձյուդոյի Երևանի առաջնությունը:
*2019թ. մայիսի 25-30-ը անցկացվեց բռնցքամարտի Երևանի առաջնությունը:
*2019թ. հունիսի 2-6ը անցկացվեց բասկետբոլի Երևանի առաջնությունը:
*2019թ. հունիսի 16-20-ը անցկացվել է ծովափնյա վոլեյբոլի Երևանի առաջնությունը:
*2019թ. հունիսի 19-20-ը անցկացվեց հեծանվասպորտի Երևանի առաջնությունը:
*2019թ. հուլիսի 5-7-ը անցկացվել է ֆուտզալի Երևան քաղաքի առաջնություն:
*2019թ. սեպտեմբերի 11-13-ը անցկացվեց սեղանի թենիսի Երևանի առաջնությունը:
*2019թ. սեպտեմբերի 15-16-ը անցկացվեց լողի Երևանի առաջնությունը:
*2019թ. սեպտեմբերի 15-17-ը անցկացվեց վինդսերֆինգի (առագաստային սպորտ) Երևանի առաջնությունը:
*2019թ. սեպտեմբերի 14-17-ը Ծաղկաձորի գլխավոր մարզահամալիրում անցկացվեց «Տարեցների հանրապետական մրույթի» եզրափակիչ փուլը: Մրցանակակիրները Երևանի քաղաքապետարանի կողմից պարգևատրվեցին մեդալներով և առաջին, երկրորդ ու երրորդ կարգի դիպլոմներով։
*2019թ. սեպտեմբերի 20-22-ը Ծաղկաձորի գլխավոր մարզահամալիրում անցկացվեց «Լավագույն մարզական ընտանիք» համապետական մրցույթը:
*2019թ. սեպտեմբերի 23-24-ը Երևանի Ազատության հրապարակում անցկացվեց Երևանի հատուկ դպրոցների մրցաշար:
*2019թ. սեպտեմբերի 22-24-ը Երևանի Ազատության հրապարակում անցկացվեց «Հաշմանդամություն ունեցող անձանց մարզական սպարտակիադան»: Մրցանակակիրները Երևանի քաղաքապետարանի կողմից պարգևատրվեցին գավաթներով, մեդալներով և առաջին, երկրորդ ու երրորդ կարգի դիպլոմներով։
*2019թ. հոկտեմբերի 4-6-ը «Մարզաձևերի զարգացման հանրապետական համալիր կենտրոնի» մարզաբազայում անցկացվեց «Ռուդոլֆ և Եղիշե Կարապետյաններին նվիրված» ազատ ոճի ըմբշամարտի միջազգային մրցաշարը:
*2019թ. հոկտեմբերի 19-ին «Էրեբունի-Երևան» տոնակատարության ժամանակ Երևան համայնքի ենթակայության 40 մարզական կառույցների մարզիկները մասնակցեցին շքերթին և հանդես եկան ցուցադրական ելույթներով: Շքերթին մասնակցեցին նաև օլիմպիական, աշխարհի և Եվրոպայի բազմակի չեմպիոններ Ռաֆայել Վահանյանը, Ալբերտ Ազարյանը, Երևանի քաղաքապետարանի աշխատակազմի սպորտի և երիտասարդության հարցերի բաժնի պետի ժամանակավոր պաշտոնակատար Լևոն Ջուլֆալակյանը:
*2019թ. հոկտեմբերի 19-21-ը անցկացվեց թենիսի Երևանի առաջնությունը:
*2019թ. հոկտեմբերի 20-21ը անցկացվեց աթլետիկայի Երևանի առաջնությունը:
*2019թ. հոկտեմբերի 27-28-ը անցկացվեց ակադեմիական թիավարության Երևանի առաջնությունը:
*2019թ. հոկտեմբերի 27-28-ը անցկացվեց թիավարության՝ բայդարկաներով ու կանոեներով Երևանի առաջնությունը:
*2019թ. հոկտեմբերի 29-30-ը անցկացվեց գոլֆի Երևանի առաջնությունը:
*2019թ. հոկտեմբերի 31-ից նոյեմբերի 2-ը կայացավ սուսերամարտի Երևանի առաջնությունը:
*2019թ. նոյեմբերի 2-3-ը անցկացվեց սպորտային պարերի Երևանի առաջնություն: Մրցանակակիրներին քաղաքապետարանը պարգևատրեց մեդալներով և առաջին, երկրորդ ու երրորդ կարգի դիպլոմներով։
*2019թ. նոյեմբերի 13-15-ը անցկացվեց նետաձգության Երևանի առաջնությունը:
*2019թ. նոյեմբերի 15-17-ը անցկացվեց հրաձգության Երևանի առաջնությունը:
*2019թ.նոյեմբերի 19-22-ը Շախմատի տանը անցկացվեց շախմատի Երևանի առաջնությունը:
*2019թ. նոյեմբերի 24-26-ը անցկացվեց ՀՀ վաստակավոր մարզիչ Տիգրան Թերզիյանի հիշատակին նվիրված հանդբոլի կանաց մրցաշարը:
*2019թ. նոյեմբերի 24-26-ը անցկացվեց ակրոբատիկական մարմնամարզության Երևանի առաջնություն:
*2019թ. նոյեմբերի 25-ին տեղի ունեցավ ավիացիոն մարզաձևի Երևանի առաջնությունը:
*2019թ. դեկտեմբերի 7-9-ը անցկացվեց գեղարվեստական մարմնամարզության Երևան քաղաքի առաջնությունը:
*2019թ. դեկտեմբերի 9-11-ը կայացավ ջրագնդակի Երևանի առաջնությունը:
*2019թ. դեկտեմբերի 11-16-ը անցկացվեց հանդբոլի Երևանի առաջնությունը:
*2019թ. դեկտեմբերի 15-17-ը անցկացվեց սպորտային մարմնամարզության Երևանի առաջնությունը:
*2019թ. դեկտեմբերի 17-18-ը անցկացվեց ըմբշամարտի (ՀՀ ոճ) Երևանի առաջնությունը:
*2019թ. դեկտեմբերի 23-24-ը անցկացվեց սամբո ըմբշամարտի Երևանի առաջնությունը:
*2019թ. դեկտեմբերին Հաշմանդամների միջազգային օրվա կապակցությամբ տեղի ունեցավ հաշմանդամություն ունեցող անձանց ստեղծագործությունների ցուցահանդեսը, որի մասնակիցները պարգևատրվեցին քաղաքապետարանի դիպլոմներով և շնորհակալագրերով:
*Կայացավ նաև «Կարապի լիճ» սահադաշտի բացման արարողությունը՝ «Գեղասահքի և հոկեյի մարզադպրոց» ՀՈԱԿ-ի մարզիկների ցուցադրական ելույթներով:
*2019թ. դեկտեմբերին կայացան տարբեր մարզաձևերից Երևանի առաջնություններ:

Լուսանկարներ