«Երաժշտություն հանուն ապագայի» մշակութային հիմնադրամի նախաձեռնությամբ իրականացված «Կրթական ուղևորություն դեպի ԱՄԷ» ծրագրի մասնակիցները հյուրընկալվել են Երևան քաղաքի պատմության թանգարանում: Պատանի երաժիշտների հետ  հանդիպել է քաղաքապետ Տիգրան Ավինյանը: 

Հիմնադրամի այս ծրագրին մասնակցել են Երևանի տարբեր երաժշտական և արվեստի դպրոցների ու քոլեջների՝ 10-19 տարեկան 34 պատանի շնորհալի երաժիշտներ։ Մերձավոր Արևելքի դասական երաժշտության ակադեմիայի (Middle East Classical Music Academy) և InClassica միջազգային փառատոնի շրջանակում նրանք բացառիկ հնարավորություն են ունեցել մասնակցելու աշխարհահռչակ երաժիշտների և արտիստների հետ վարպետության դասերի, դասախոսությունների, ինչպես նաև ստեղծագործական հանդիպումներ ունեցել հայտնի պրոֆեսորների հետ, ունկնդրել դասական համերգներ աշխարհի լավագույն նվագախմբերի և երաժիշտների մասնակցությամբ: