Փակել
Սեմինար-քննարկում՝ Երևանի շտապբուժօգնության մեքենաների վարորդների համար
Երևանի քաղաքապետարանի «Շտապբուժօգնություն» ՓԲԸ վարչական համալիրում շտապօգնության մեքենաների վարորդների համար կազմակերպվել էր սեմինար-քննարկում` ՃՈ ղեկավար կազմի ներկայացուցիչների մասնակցությամբ: Քննարկումը վարել են «Շտապբուժօգնություն» ՓԲԸ տնօրեն Թագուհի Ստեփանյանը, ՀՀ ՃՈ պետ Եգոր Կարապետյանը, ՀՀ ՃՈ պետի տեղակալ Նորիկ Սարգսյանն ու ՃՈ 1-ին սպայական գումարտակի հրամանատարի տեղակալ Հայկազ Մաթևոսյանը:
Սեմինար-քննարկման նպատակը շտապօգնության մեքենաների վարորդների հետ համագործակցությունը սերտացնելն ու վերջիններին իրենց իրավունքների և պարտականությունների մասին առավել մանրամասն տեղեկացնելն էր:
Քննարկվել են նաև շտապօգնության մեքենաների վարորդների և երթևեկության մյուս մասնակիցների միջև հնարավոր հակասությունները բացառելու նպատակով ՃՈ աշխատակիցների կողմից ակնկալվող աջակցության հնարավորությունները:
Երևանի քաղաքապետարանի տեղեկատվության
և հասարակայնության հետ կապերի վարչություն
Լուսանկարներ
