ԵՐԵՎԱՆԻ ՔԱՂԱՔԱՊԵՏԱՐԱՆ

ՊԱՇՏՈՆԱԿԱՆ ԿԱՅՔ

ընդլայնված որոնում

Համագործակցություն

Դպրոցական բաժին

 

Աշխատակազմի հանրակրթության վարչությունը, ուղղորդվելով Երևանի քաղաքապետարանի և քույր քաղաքների համագործակցության պայմանագրերի կրթության ոլորտի ծրագրերով, շարունակել է միջմշակութային կապերի ամրապնդման ուղղությամբ աշխատանքները Հայաստանում Ռուսաստանի, Ֆրանսիայի, Գերմանիայի, Պարսկաստանի, Չինաստանի և այլ երկրների դեսպանատների, դրանց կից մշակույթի կենտրոնների հետ:
Երևան-Սանկտ Պետերբուրգ համագործակցության շրջանակում շարունակվել են դպրոցական պատվիրակությունների փոխադարձ ընդունելություններ: Երևանյան դպրոցների բարձր առաջադիմությամբ ութ աշակերտներ, երկու մանկավարժներ և հանրակրթության վարչության մեկ մասնագետ հունիսին Սանկտ Պետերբուրգում մասնակցել են «Алые паруса» միջոցառմանը:
«Սանկտպետերբուրգյան օրերը Երևանում» ծրագրի շրջանակում Երևանի հ.55 դպրոցում անցկացվել են Սանկտ Պետերբուրգի հհ. 619 և 235 դպրոցների տնօրենների «Վարպետաց դասերը»՝ Երևանի գործընկերներին ղեկավարման իրենց փորձը և «Ներառական կրթության սանկտպետերբուրգյան փորձը» ներկայացնելու նպատակով:
• Համագործակցություն է իրականացվել «Հայկական Ալիանս Ֆրանսեզ» կրթամշակութային կազմակերպության հետ: Իրականացվել են ֆրանս-հայկական բարեկամությանը նվիրված միջոցառումներ, ֆրանկաֆոնիայի միամսյակի շրջանակում՝ հեռուստակամուրջներ՝ ֆրանսախոս երկրների դպրոցների միջև (հհ.1,31,32,37,48, 52, 56, 78,93,125,158 և այլն):
• Մայրաքաղաքի ֆրանսերեն ուսումնասիրող թվով հիսուն դպրոցներում ֆրանկաֆոնիայի միամսյակի և Երևանում ֆրանկաֆոն երկրների միջազգային կազմակերպության 17-րդ գագաթնաժողովի անցկացման առիթով կազմակերպվել են ֆրանս-հայկական բարեկամությանը, Շառլ Ազնավուրին և ֆրանսիացի հայազգի այլ արվեստագետներին նվիրված միջոցառումներ:
Գերմաներեն ուսումնասիրող դպրոցներում (հհ.6,60) «Գերմաներենի դիպլոմ» ծրագրի շրջանակում իրականացվել է գերմաներենի խորացված ուսուցում:
ՀՀ Իրանի Իսլամական Հանրապետության, Գերմանիայի Դաշնային Հանրապետության, Չինաստանի Ժողովրդական Հանրապետության դեսպանատների մշակույթի բաժինների համագործակցությամբ կազմակերպվել են դպրոցականների և մանկավարժների ճանաչողական փոխայցելություններ:
Իրականացվել է «Փոփոխության սերունդ» կրթական ծրագիրը՝ Բրիտանական խորհրդի համագործակցությամբ: Ծրագրում ընդգրկված հ.162 դպրոցում կահավորվել է ժամանակակից տեխնոլոգիաներով հագեցած, անգլերեն գրքերի (100 անուն) առկայությամբ կաբինետ: Մասնագետները վերապատրաստվել են Շոտլանդիայի Էդինբուրգ քաղաքում:


Հուշագրեր


Շարունակվել է նախորդ տարիներին կնքված հուշագրերով նախատեսված ծրագրերի իրականացումը (Երևանի քաղաքապետարանի և Խ.Աբովյանի անվան մանկավարժական համալսարանի, «Հույսի կամուրջ», «Վորլդ Վիժըն», «Առաքելություն Արևելք» ՀԿ-ների համագործակցություն):

Կնքվել են նոր հուշագրեր՝
Երևանի Ստ. Զորյանի անվան հ.56 դպրոց և Փարիզի «Դպրոցասեր»-վարժարան,
Երևանի Ս.Բյուրատի անվան հ.125 դպրոց և Վալանսի «Դավիթյան» մեկօրյա դպրոց,
Երևանի Սիամանթոյի անվան հ.162 դպրոց և Իսպանիայի «Արարատ» հայկական միության կիրակնօրյա դպրոց,
Երևանի Հ.Պողոսյանի անվան հ.82 դպրոց և Ուսպալայի մեկօրյա հայկական դպրոց,
Երևանի Մ.Մանուշյանի անվան հ.48 դպրոց և Մարսելի «Համազգային դպրոց»,
Երևանի Ա.Սախարովի անվան հ.69 դպրոց և ՌԴ Դոմոդեդովոյի «Մեր տուն» կիրակնօրյա դպրոց:
Երևանի Ալ.Պուշկինի անվան հ.8, Ա.Չեխովի անվան հ.55, Ալ.Բլոկի անվան հ.122, Հովհ. Իսակովի անվան հ.132, հ.181 և հ.6 հատուկ դպրոցներ և Սանկտ Պետերբուրգի համապատասխանաբար հ.619, հ.232, հ.235, հ.574, հ.489 դպրոցների և հոգեբանամանկավարժական կենտրոնի հետ:
Թվով 17 դպրոցներ համագործակցում են «Արմաթ» ինժեներական լաբորատորիաներ ներդնող ինֆորմացիոն տեխնոլոգիաների միություն (ԻՏՁՄ) կազմակերպության հետ:

 

Նախադպրոցական բաժին


Երևանի քաղաքապետարանի աշխատակազմի հանրակրթության վարչության նախադպրոցական բաժինը մշտապես համագործակցել է տարբեր կազմակերպությունների հետ՝ իրականացնելով սեմինար-քննարկումներ և վերապատրաստման դասընթացներ.

 

- «Սեյվ դը չիլդրն» ՀԿ

Թեմա՝
• «Հանուն երեխայի կրթության և առողջության» ծրագրի շրջանակում՝ «Վաղ մանկական և նախադպրոցական տարիքում խաղի, ուսուցման և մասնակցության զարգացումը ներառման ինդեքսի միջոցով»,
• «Հայաստանում նախադպրոցական կրթության մատչելիության հետազոտություն»,
• «Վաղ մանկության շրջանի խնամքի և զարգացման ներառական համակարգը Հայաստանում» հայեցակարգ,
• «Աղետների ռիսկի նվազեցման և արտակարգ իրավիճակներում գործելու պլանի» լրամշակում,

 

- «Վորլդ վիժն ինթերնեյշնլ» ԲԿ

Թեմա՝
• «Ներառական կրթությունը նախադպրոցական հաստատությունում»,


- «ՀՕՖ» երեխաների աջակցության կենտրոն

Թեմա՝
• «Աջակցություն փախստական ընտանիքների երեխաներին»


- «Հույսի կամուրջ» ՀԿ

Թեմա՝
• « Սահուն անցում՝ մանկապարտեզից-դպրոց»

 

Լուսանկարներ