ԵՐԵՎԱՆԻ ՔԱՂԱՔԱՊԵՏԱՐԱՆ

ՊԱՇՏՈՆԱԿԱՆ ԿԱՅՔ

ընդլայնված որոնում

Կրթական գործընթաց

«Տարվա լավագույն ուսուցիչ» մրցույթի քաղաքային փուլ
/12.06.2018թ./

Երևանի քաղաքապետարանի հանրակրթության վարչությունում մեկնարկեց «Տարվա լավագույն ուսուցիչ» մրցույթի քաղաքային փուլը։ Երևանի քաղաքապետի կարգադրությամբ ստեղծված հանձնաժողովը լսեց դպրոցներից 8 հայտ ներկայացրած ուսուցիչների։
Մրցույթի արդյունքը կամփոփվի Ուսուցչի մասնագիտական օրվան նվիրված միջոցառմանը:

 

 

Քննությունները դպրոցներում
/02.06.2018թ.-26.06.2018թ./


Երևանի քաղաքապետարանի հանրակրթական դպրոցներում հունիսի 2-26–ն ընկած ժամանակահատվածում սահմանված կարգով կազմակերպվեցին և անցկացվեցին չորրորդ դասարանցիների գիտելիքների ստուգումը և հիմնական ու միջնակարգ դպրոցների շրջանավարտների պետական ավարտական քննությունները:

 

Պարգևների հանձնում
/15.05.2018թ./


Պարգևատրվեցին 2017-2018 ուստարվա ՀՀ դպրոցականների առարկայական օլիմպիադայի Երևանի քաղաքային փուլում II և III կարգերի արժանացած դպրոցականները:

 

Բաց դասեր՝ փորձի փոխանակման նպատակով

/18.04.2018թ./


Երևանի քաղաքապետարանի հհ. 77, 79, 128 ,169 դպրոցներում շարունակվում են փորձի փոխանակման նպատակով կազմակերպված բաց դասերը:

 

Ամփոփվել է 2017-2018 ուստարվա դպրոցականների առարկայական օլիմպիադայի քաղաքային փուլը
/13.04.2018թ./


Երևան քաղաքի պատմության թանգարանում հանդիսավոր միջոցառմամբ ամփոփվել են 2017-2018 ուսումնական տարվա դպրոցականների առարկայական օլիմպիադայի քաղաքային փուլի արդյունքները: Ամենաբարձր արդյունք ցուցաբերած 44 աշակերտ պարգևատրվել է առաջին կարգի դիպլոմով:

 

Փորձի փոխանակման հերթական հանդիպումը
/13.04.2018թ./


Աշխատակազմի հանրակրթության վարչությունը, արժևորելով մայրաքաղաքի վաստակաշատ տնօրենների ներուժը, նրանց փորձը գործընկերների սեփականությունը դարձնելու կարևորությունը, փորձի փոխանակման հերթական հանդիպումը կազմակերպեց Երևանի Մ. Մելքոնյանի անվան հ.11 դպրոցում:

 

«Նույն արևի տակ» լրագրողական մրցույթ
/10.04.2018թ./


«Սեյվ դը չիլդրեն» կազմակերպության կողմից ամփոփվեց «Այո՛, երեխաները կարող են» հաշմանդամություն ունեցող երեխաների ճանաչման «Նույն արևի տակ» լրագրողական մրցույթի արդյունքը։

 

 Թռչունների պաշտպանության միջազգային oր
/01.04.2018թ./


Երևանի հ.181 հիմնական դպրոցը մասնակցել է Երևանի կենդանաբանական այգում կազմակերպված Թռչունների պաշտպանության միջազգային օրվան նվիրված միջոցառմանը և արժանացել առաջին մրցանակին:

 

Փորձի փոխանակում 

/20.03.2018թ./


Աշխատակազմի հանրակրթության վարչությունը, արժևորելով մայրաքաղաքի վաստակաշատ մանկավարժների ներուժը, երևանյան դպրոցներում կազմակերպում է փորձի փոխանակում, վարպետաց դասեր՝ տարվա լավագույն տնօրենների, ուսուցիչների, վաստակավոր մանկավարժների, Խորենացու մեդալակիրների, տարակարգ ունեցող ուսուցիչների ուժերով՝ համաձայն ժամանակացույցի:
Երևանի հ.հ.12,69,132 դպրոցներում հյուրընկալվել են մայրենիի և մաթեմատիկայի ուսուցիչները և լսել իրենց գործընկերների դասերը: Ավարտից հետո կատարված վերլուծությունը օգտակար և արդյունավետ է երկուստեք:

 

ASML հիմնադրամի նախագիծ
Ոգեշնչե՛ք երեխաներին հետաքրքրվել գիտությամբ և տեխնոլոգիաներով
/13.03.2018թ./

«ASML և գյուտարարները» կազմակերպությունը Երևանի Ռ. Իշխանյանի անվան հ. 153 հիմնական դպրոցին հրավիրել է մասնակցելու «Գյուտարարները և արևի անիվը» կրթական ծրագրին։ Հիմնադրամի նպատակն է երեխաներին տեղափոխել երևակայական աշխարհ, որտեղ նորարար լինելու մարտահրավեր է նետվում նրանց։

 

Աստվածաշնչային գիտելիքների վիկտորինա
/28.02.2018թ./


Ս. Սպանդարյանի անվան համար 24 հիմնական դպրոցում տեղի ունեցավ Մայր Աթոռ Սուրբ Էջմիածնի Քրիստոնեական դաստիարակության կենտրոնի Հայաստանի Աստվածաշնչային ընկերության և Երևանի քաղաքապետարանի աշխատակազմի հանրակրթության վարչության կողմից կազմակերպված Աստվածաշնչային գիտելիքների վիկտորինա:

 

ՀՀ դպրոցականների առարկայական օլիմպիադայի տարածքային փուլի մեկնարկը տրված է

/21.02.2018թ./


Օլիմպիադայի դպրոցական փուլում հաղթած և մանկավարժական խորհրդի երաշխավորությունը ստացած՝ 8-12-րդ դասարանների աշակերտները 30.01.2018թ.-19.02.2018թ. իրենց գիտելիքները ստուգեցին առարկայական օլիմպիադայի տարածքային փուլում:
Օլիմպիադան արտակարգ կարողությունների դրսևորման հնարավորություն է, օժտված դպրոցականները կշարունակեն իրենց մասնակցությունը հաջորդ փուլերին:

 

 

Միջոցառում՝ նվիրված հ. 7 հիմնական դպրոցի հիմնադրման 80-ամյակին 
/25.01.2018թ./


Մայրաքաղաքի Վլ. Մայակովսկու անվան հ. 7 հիմնական դպրոցի հիմնադրման 80-ամյակի առթիվ Երևանի պետական կամերային թատրոնում կազմակերպվել է կրթօջախի հոբելյանին նվիրված միջոցառում:
Ցերեկույթի ընթացքում դպրոցի ուսուցչական անձնակազմն ու աշակերտները ներկայացրել են դպրոցի 80-ամյա պատմությունը, անցած ուղին, հաջողություններն ու այս տարիների ձեռքբերումները: