Փակել
Կայացել են «Երևան քաղաքի կանաչապատման արդի հիմնախնդիրները» թեմայով հանրային լսումներ
Երևանի քաղաքի ավագանու «Բարգավաճ Հայաստան» խմբակցության նախաձեռնությամբ Երևանի քաղաքապետարանում տեղի են ունեցել հանրային լսումներ՝ «Երևան քաղաքի կանաչապատման արդի հիմնախնդիրները» թեմայով: Լսումներին ներկա են եղել քաղապետարանի աշխատակազմի բնապահպանության վարչության պետ Խաչիկ Հակոբյանը, վարչության մասնագետները, ավագանու անդամներ, հասարակական կազմակերպությունների և ասոցիացիաների նախագահներ, թեմայով հետաքրքրված այլ անձինք:
Խաչիկ Հակոբյանը ներկայացրել է հաշվետու ժամանակաշրջանում վարչության կողմից իրականացված աշխատանքները ինչպես կանաչապատման, այնպես էլ բնապահպանական ոլորտում: Ներկայացվել են մի շարք ծրագրեր, որոնք կիրականացվեն ընթացիկ կամ հաջորդ տարվա ընթացքում: Ըստ բնապահպանության վարչության պետի՝ այդ աշխատանքներն ուղղված են լուծելու մայրաքաղաքում երկար տարիներ գոյություն ունեցող բազմաթիվ բնապահպանական խնդիրներ, ինչպես նաև որոշակիորեն փոխելու մայրաքաղաքի արտաքինը:
Խաչիկ Հակոբյանը նաև պատասխանեց մասնակիցներին հուզող հարցերին: Եղան նաև առաջարկներ, որոնք կքննարկվեն վարչությունում, և դրանցից լավագույններին մոտ ժամանակներում ընթացք կտրվի:
Լուսանկարներ
