Փակել
Նորոգվում և թարմացվում է ընդհանուր օգտագործման համայնքային գույքը
Երևանյան բակերում, այգիներում, պուրակներում ու այլ վայրերում նախապես կատարված ստուգայցերի հիման վրա մեկնարկել և շարունակվում են ձմռան ընթացքում վնասված կամ կոտրված համայնքային գույքի վերականգնման ու թարմացման աշխատանքները: Մասնավորապես, վերականգնվում և թարմացվում են ինչպես «Երևան» ձուլվածքով նստարանները և փայտե աղբամանները, այնպես էլ մանկական խաղերը, մարզասարքերը, զրուցատաղավարները և գույքի այլ տեսակները: Այս գործընթացը ներառված է քաղաքապետարանի ամենամյա ծրագրերի ցանկում: 2018 թվականին մայրաքաղաքում նախատեսված է նորոգել 7836 միավոր գույք: Այս թիվն ըստ անհրաժեշտության կարող է մեծանալ:
Հարկ է նշել, որ այս տարի ևս մայրաքաղաքի փողոցները, հասարակական վայրերը, այգիներն ու ընդհանուր օգտագործման մյուս վայրերը կհամալրվեն «Երևան» ձուլվածքով նոր նստարաններով և փայտով երեսապատված աղբամաններով:
Երևանի քաղաքապետարանի տեղեկատվության
և հասարակայնության հետ կապերի վարչություն
Լուսանկարներ
