ՀՀ քաղաքացի Հովհաննես Հովհաննեսյանի՝ ս.թ. հուլիսի 29-ին հավաք և երթ անցկացնելու մասին իրազեկման վերաբերյալ

1. Երևանի քաղաքապետի լիազոր ներկայացուցչի 04.07.2022 թվականի որոշմամբ ի գիտություն է ընդունվել ՀՀ քաղաքացի Հովհաննես Հովհաննեսյանի կողմից ս.թ. հուլիսի 29-ին՝ ժամը 00.00-24.00-ն Մատենադարանին հարող տարածքում հավաքի և հավաքի ընթացքում՝ ժ.18.00-21.00 Մատենադարանին հարող տարածք–Մաշտոցի պողոտա- Սայաթ Նովայի պողոտա - Աբովյան փողոց - Հանրապետության հրապարակ - Ամիրյան փողոց - Մաշտոցի պողոտա – Մատենադարանին հարող տարածք երթուղով երթի անցկացումը:

2. ՀՀ քաղաքացի Հովհաննես Հովհաննեսյանի կողմից ս.թ. հուլիսի 29-ին Մատենադարանին հարող տարածքում նախատեսվող հավաքի ընթացքում վրանների տեղադրումը մերժվել է:

Երևանի քաղաքապետարան