ԵՐԵՎԱՆԻ ՔԱՂԱՔԱՊԵՏԱՐԱՆ

ՊԱՇՏՈՆԱԿԱՆ ԿԱՅՔ

ընդլայնված որոնում

Արժեքային համակարգ

 «Հակոբ Կոջոյան» կրթահամալիրի 20-ամյակին նվիրված ցուցահանդես
/06.09.2018թ./
«Հակոբ Կոջոյան» կրթահամալիրն իրականացնում է ուսումնական տարբեր ծրագրեր, որոնք լրացնում են իրար: Արվեստը, կերպարային մտածողությունն օգնում են աշակերտին ընդգրկուն և ամբողջական յուրացնել հանրակրթական ծրագիրը:

 

Մովսես Ջանբազյանի կիսանդրու տեղադրումը
/04.09.2018թ./
Երևանի հ. 79 հիմնական դպրոցում Ջանբազյան ընտանիքի նախաձեռնությամբ տեղադրվել է անվանատուի՝ Մովսես Ջանբազյանի կիսանդրին:

 

ՀՀ անկախության 27-րդ տարեդարձին նվիրված դպրոցականների մարզական խաղեր
/28.06.2018թ./
Ամփոփվեց ՀՀ անկախության 27-րդ տարեդարձին նվիրված դպրոցականների մարզական խաղերի և Ազգային ժողովի գավաթի խաղարկության երևանյան փուլը: Հաղթող թիմերը պարգևատրվեցին Երևանի քաղաքապետի պատվոգրերով, գավաթներով, մեդալներով և սպորտային հագուստով:

 

Դպրոցականների ամառային հանգստի կազմակերպում
/19.06.2018թ./
Մայրաքաղաքում բնակվող հաշմանդամ, զոհված զինծառայողների, ծնողազուրկ և սակավ ապահովված բազմազավակ ընտանիքների 7-13 տարեկան երեխաներ ՀՀ կառավարության ծրագրով և Երևանի քաղաքապետարանի աջակցությամբ իրենց հանգիստը կանցկացնեն Հանքավանի և Ծաղկաձորի մարզաառողջարանային 5 ճամբարներում:
Հունիսի 19-ին առաջին հերթափոխով 365 երեխաներ մեկնեցին ամառային հանգստի:

 

 

Դպրոցականների ամառային հանգստի կազմակերպում

/06.06.2018թ./
Երևանի քաղաքապետարանում տեղի ունեցավ խորհրդակցություն` վարչական շրջանների կրթության, մշակույթի և սպորտի, ինչպես նաև սոցիալական բաժինների պետերի մասնակցությամբ: Քննարկվեցին մայրաքաղաքում բնակվող հաշմանդամ, զոհված զինծառայողների, ծնողազուրկ և սակավ ապահովված բազմազավակ ընտանիքների 7-13 տարեկան երեխաների ամառային հանգստի կազմակերպմանն առնչվող հարցեր: Տրվեցին համապատասխան հանձնարարականներ:

 

 Ֆրանկոֆոնիան դպրոցներում

/01.03.2018թ.-30.04.2018թ./

Ֆրանկոֆոնիայի երկամսյակի շրջանակում մայրաքաղաքի ֆրանսերեն ուսումնասիրող 50 դպրոցներում իրականացվող միջոցառումները ծավալվում են Շառլ Ազնավուրի. Անրի Վեռնոյի, Միսակ Մանուշյանի սիրո և նվիրվածության դասերով:

 

Արմենակ Ուրֆանյանի անվան հրաձգարան
/05.04.2018թ./

Երևանի քաղաքապետարանի ենթակայության Նիկոլայ Գոգոլի անվան հ. 35 հիմնական դպրոցի բակում բացվել է կրթօջախի նախկին սան, ապրիլյան քառօրյա պատերազմում հերոսաբար զոհված Արմենակ Ուրֆանյանի անվան հրաձգարանը:

 

Տղաների հավերժական ներկայությունը
/01.04.2018թ.-10.04.2018թ./

Մեր հաղթական ոգու և ազգային հպարտության խորհրդանիշ տղաների հավերժական ներկայությունը դպրոցներում հայրենապաշտության յուրօրինակ դաս է: Նրանց անունները դպրոցականներին մղում են ապրել և արարել նաև նրանց փոխարեն:

 

Եռակողմ համագործակցություն
/29.03.2018թ./
Հանրակրթության վարչությունը Երևանի ծննդյան 2800-ամյակին ընդառաջ շախմատի մրցույթի կազմակերպման նպատակով հրավիրել է շախմատի ուսուցիչներին: Եռակողմ համագործակցությունը (հանրակրթության վարչություն, շախմատի ակադիմիա և դպրոցի շախմատի ուսուցիչ) կապահովի արդյունավետ աշխատանք:

 

«Երևանագիտության» բաց դաս-հանդիսություն
/28.03.2018թ./

Երևանի հիմնադրման 2800-ամյակի միջոցառումների շրջանակում աշխատակազմի հանրակրթության նախատեսած «Երևանագիտության» բաց դաս-հանդիսություն՝ Երևանի Ֆ.Նանսենի անվան հ.150 դպրոցում:

 

Շարադրության մրցույթ
/26.03.2018թ./
Երկրապահ կամավորականների միությունում ամփոփվեց Երևանի քաղաքապետարանի ենթակայության հանրակրթական դպրոցներում անցկացված «Վազգեն Սարգսյանի օրինակով» շարադրության մրցույթը՝ նվիրված սպարապետ Վազգեն Սարգսյանի ծննդյան օրվան: 167 մասնակիցներից հաղթող ճանաչվեցին 13-ը, որոնք պարգևատրվեցին ԵԿՄ անդամների կողմից:

 

 ՍԱՐԴԱՐԱՊԱՏԻՑ ԱՐՑԱԽ 

/20.03.2018թ./

Հայաստանի Հանրապետության անկախության 100-ամյա հոբելյանի միջոցառումների շրջանակում «Սարդարապատից Արցախ» նկարչական մրցույթ-ցուցահանդեսի երևանյան փուլը կազմակերպվեց «Հակոբ Կոջոյան» կրթահամալիրում: Դպրոցներից ներկայացված 68 աշխատանքներից 11-ը մասնագետ-գնահատողների կողմից երաշխավորվել են մասնակցելու հանրապետական փուլին:

 

Ծաղիկներ՝ Չարենցին
/13.03.2018թ./

Ամեն գարուն Չարենցի պոեզիայով ոգեշունչ մի նոր սերունդ է մտնում կյանք:
Երևանյան դպրոցներից բազում գանգրահեր տղաներ ու նաիրյան աղջիկներ ծաղիկներ խոնարհեցին Չարենցի արձանախմբին:

 

Մայրենիի տոնը՝ քաղաքապետարանի ենթակայության դպրոցներում
/21.02.2018թ./

Աշխատակազմի հանրակրթության վարչության աշխատակիցները մասնակցել են քաղաքապետարանի ենթակայության դպրոցներում մայրենիի տոնին նվիրված միջոցառումներին: Հարգանքի տուրք են մատուցել նաև Մեսրոպ Մաշտոցին՝ «Ձոներգ մայրենիին» միջոցառմամբ և ծաղկադրումով:

 

Գիրք նվիրելու օրը
/19.02.2018թ./

Գիրք նվիրելու օրը, Երևանի հանրակրթական դպրոցների աշակերտները հյուրընկալվեցին Երևանի քաղաքապետ Տարոն Մարգարյանին: Ջերմ մթնոլորտը հնարավորություն տվեց դպրոցականներին հարցեր ուղղել քաղաքապետին, լսել պատասխանները: Հանդիպումն ավարտվեց միմյանց գիրք նվիրելով:
Դպրոցականներն այցելեցին քաղաքապետի տեղակալներին, ինչպես նաև Երևան քաղաքի ավագանու խմբակցության անդամներին:

 

Գրողների այցը դպրոցներ

/19.02.2018թ./

Երևանի քաղաքապետարանի հանրակրթության վարչության և Հայաստանի գրողների միության համագործակցությունը նպաստում է հանրակրթական դպրոցների սովորողների արժեքային համակարգի ձևավորմանը, օգնում է դպրոցականներին ճանաչելու ժամանակակից հայ գրականությունը և այն ստեղծողներին:
Գիրք նվիրելու օրը մայրաքաղաքի հանրակրթական թվով 32 դպրոց հյուրընկալել են բանաստեղծներ, արձակագիրներ, թարգմանիչներ: Նրանք ներկայացրել են ստեղծագործական իրենց աշխարհը, պատմել հետաքրքիր դեպքեր, գրքեր նվիրել, պատասխանել դպրոցականներին հուզող հարցերին:

 

ՇՆՈՐՀԱՎՈՐ ԾՆՈՒԴԴ, ՀԱՅՈՑ ԲԱՆԱԿ

/28.01.2018թ./

Այսօրվա դպրոցականը «Մեկ ազգ, մեկ բանակ, մեկ մշակույթ» կարգախոսի կրողն է: Մայրաքաղաքի բոլոր դպրոցներում ազգային բանակի 26-րդ տարեդարձին նվիրված միջոցառումները փաստում են այսօրվա դպրոցականների բանակասիրությունը:

 

Այվազովսկու 200-ամյակին նվիրված հոբելյանական միջոցառումներ
/26.01.2018թ./

Երևանի քաղաքապետարանի հանրակրթության վարչության նախաձեռնությամբ Հովհաննես Այվազովսկու 200-ամյակին նվիրված հոբելյանական միջոցառումների շրջանակում անցկացվել է դպրոցականների նկարչական աշխատանքների ցուցահանդես-մրցույթ:
Հայաստանի ազգային պատկերասրահում կազմակերպված մրցանակաբաշխությանը ներկա Երևանի քաղաքապետի տեղակալ Արամ Սուքիասյանը, շնորհավորելով աշակերտներին, ընդգծել է արվեստի և հատկապես Այվազովսկու ստեղծագործությունների նկատմամբ հետաքրքրության մեծացման և գեղագիտական դաստիարակության կարևորությունը: