Փակել
Մարտի 8-ին հասարակական տրանսպորտը կանանց համար կլինի անվճար
Երևանում այս տարի Կանանց միջազգային օրը՝ մարտի 8-ին, առաջին անգամ մետրոյով, «ՄԱՆ», «Ժոնգ Թոնգ», «Հիգեր» և «Գազել սիթի» ավտոբուսներով, ինչպես նաև տրոլեյբուսներով կանանց համար երթևեկությունը կլինի անվճար` նրանցից գումար չի գանձնվելու:
***
Պատերազմի մասնակից, զոհված, հաշմանդամություն ձեռք բերած, անհետ կորած, ինչպես նաև Արցախից բռնի տեղահանված ընտանիքների կանանց մարտի 8-ի առթիվ համայնքը հազարից ավելի տոմս կտրամադրի՝ Օպերայի և բալետի ազգային ակադեմիական թատրոնում կայանալիք «Գայանե» բալետին ներկա գտնվելու համար:
Համայնքային կառույցներում աշխատող շուրջ 15 000 կանանց էլ մշակութային տարատեսակ միջոցառումների տոմսեր կտրամադրվեն:
***
Երևանին է վերադարձվել «Կանազ» մշակութային և մարզական համալիրը: Համայնքային ծրագրով մարզամշակութային կառույցը հիմնովին կվերանորոգվի:
***
Երևանին է վերադարձվել «Կասկադ» համալիրի վերին հատվածը՝ 11.5 հա տարածքով: Այդ հատվածի շինարարությունն անավարտ էր մնացել դեռևս խորհրդային տարիներից: Երևանի քաղաքապետարանն այդ տարածքում ևս բարեկարգման ու կառուցապատման լայնածավալ ծրագիր կիրականացնի, որի շնորհիվ «Կասկադ» համալիրը երևանցիներին և քաղաքի հյուրերին կներկայանա ամբողջական ու ավարտուն տեսքով:
***
Այսուհետ շտապ և անհետաձգելի բժշկական օգնության կանչի թերթիկները կլրացվեն էլեկտրոնային եղանակով. բջջային նոր հավելվածը հնարավորություն կտա ներբեռնել բուժառուի տվյալները մեկ ընդհանուր համակարգում: Նոր համակարգով ոչ միայն փոխանցվելու են բուժառուի տվյալները, այլև գրանցվելու է կանչի հրատապության մակարդակը՝ դրանով իսկ բարձրացնելով սպասարկման որակն ու արագ արձագանքման հնարավորությունները:
Լուսանկարներ
