Փակել
Ամբողջությամբ վերաբնակեցվել է 4-րդ կարգի վթարային Բրյուսովի 66 շենքը
Երևանի քաղաքապետի տեղակալ Վահե Նիկոյանը Բրյուսովի 66 հասցեի չորրորդ կարգի վթարային շենքի բնակիչներին է հանձնել նորակառույց շենքերում բնակարան հատկացնելու մասին Երևանի քաղաքապետի որոշումներն ու բնակարանների բանալիները: Քաղաքապետի տեղակալը շնորհավորել է նոր բնակարանների տերերին և նշել, որ սահմանված կարգով անհրաժեշտ է որոշման մեջ առկա ժամկետներում ազատել հին, վթարային բնակարանները: Նոր բնակարաններ ստացած քաղաքացիները շնորհակալություն են հայտնել քաղաքային իշխանություններին` տարիներ շարունակ անլուծելի թվացող բնակարանային խնդրին լուծում տալու համար և նշել, որ նոր բնակարաններ ունենալն իրենց համար երազանք էր, որն իրականություն է դարձել:
Երևանի քաղաքապետարանի տեղեկատվության
և հասարակայնության հետ կապերի վարչություն
Լուսանկարներ
