ԵՐԵՎԱՆԻ ՔԱՂԱՔԱՊԵՏԱՐԱՆ

ՊԱՇՏՈՆԱԿԱՆ ԿԱՅՔ

ընդլայնված որոնում

Ավանդական դարձած սոցիալական ծրագիր՝ մարտի 8-ի կապակցությամբ

08.03.2018

Կանանց միջազգային օրվա՝ մարտի 8-ի առիթով կազմակերպված հերթական միջոցառումը, ավանդույթի համաձայն, նվիրված էր Արցախյան ազատամարտի մասնակից կանանց, Հայրենական մեծ պատերազմի կին վետերանների, զոհված ազատամարտիկների մայրերի և այրիների, միաժամանակ երկու զինծառայող ունեցող և բազմազավակ մայրերի, ինչպես նաև սիրիահայ, անապահովության գնահատման համակարգում հաշվառված և հասարակական կազմակերպություններ ներկայացնող կանանց: Նրանց համար Հ. Պարոնյանի անվան երաժշտական կոմեդիայի պետական թատրոնում ներկայացվել է Երվանդ Օտյանի «Զվարճալի պատերազմ կամ վտանգավոր օտարամոլություն» պիեսի բեմականացումը:

Երևանի քաղաքապետարանի աշխատակազմի սոցիալական ապահովության վարչության պետ Ռուզաննա Զաքարյանը Երևանի քաղաքապետի անունից բոլոր ներկաներին շնորհավորել է կանանց միջազգային տոնի կապակցությամբ, մաղթել առողջություն և երջանկություն:
Ներկայացման ավարտին շուրջ 1500 կանայք արժանացել են անակնկալ նվերների:

 


Երևանի քաղաքապետարանի տեղեկատվության
և հասարակայնության հետ կապերի վարչություն

Լուսանկարներ
x

Alternative content

Get Adobe Flash player