ԵՐԵՎԱՆԻ ՔԱՂԱՔԱՊԵՏԱՐԱՆ

ՊԱՇՏՈՆԱԿԱՆ ԿԱՅՔ

ընդլայնված որոնում

Երևանի փոխքաղաքապետ Գևորգ Սիմոնյանը հյուրընկալել է բուժաշխատողներին

21.06.2022

Երևանի փոխքաղաքապետ Գևորգ Սիմոնյանը Բուժաշխատողի օրվա առթիվ հյուրընկալել է առողջապահության ոլորտի ներկայացուցիչներին: Շնորհավորելով մասնագիտական օրվա առթիվ՝ փոխքաղաքապետը շնորհակալություն է հայտնել նրանց` անմնացորդ աշխատանքի և կարևոր առաքելության համար:


«Ձեր երդմանը հավատարիմ` դուք անմնացորդ նվիրումով ու մեծ պատասխանատվությամբ տասնամյակներ շարունակ ծառայում եք բնակչությանը: Շնորհավորում եմ ձեզ, մաղթում քաջառողջություն, բարօրություն, ուժ ու եռանդ՝ նորանոր կյանքեր փրկելու և մարդկանց առողջությունը վերականգնելու համար: Անգնահատելի է ձեր ավանդը, հոգատարությունն ու սրտացավությունը, ինչպես նաև տարիների դժվարություններով անցած մասնագիտական փորձը»,- նշել է Գևորգ Սիմոնյանը:


Երևանի առողջապահության համակարգում որակյալ բուժծառայությունների մատուցման, երկարատև, բարեխիղճ և անմնացորդ նվիրումի համար համայնքային բուժհաստատությունների մի շարք բժիշկներ արժանացել են Երևանի քաղաքապետի շնորհակալագրերի:

x

Alternative content

Get Adobe Flash player

x