Փակել
Քաղաքացիների ընդունելությունները՝ Երևանի քաղաքապետի տեղակալների և այլ պատասխանատուների մասնակցությամբ
Երևանի քաղաքապետ Տարոն Մարգարյանի հանձնարարությամբ յուրաքանչյուր հինգշաբթի վարչական շրջաններում կազմակերպվող քաղաքացիների հերթական ընդունելությանը մասնակցել են քաղաքապետի տեղակալները, Երևանի գլխավոր ճարտարապետը, աշխատակազմի քարտուղարի տեղակալները, քաղաքապետի խորհրդականներն ու վարչությունների պետերը:
Բարձրացված հարցերի զգալի մասին տեղում տրվել են սպառիչ պատասխաններ և համապատասխան պարզաբանումներ: Իսկ քաղաքապետարանի լիազորություններից դուրս հարցերի դեպքում՝ բնակիչներին ուղղորդվել է համապատասխան իրավասու կառույցներ: Նշենք, որ քաղաքապետարանի ղեկավար կազմի ներկայացուցիչների` վարչական շրջաններում կազմակերպվող ընդունելություններին մասնակցությունը շարունակական է:
Երևանի քաղաքապետարանի տեղեկատվության
և հասարակայնության հետ կապերի վարչություն
Լուսանկարներ
