ԵՐԵՎԱՆԻ ՔԱՂԱՔԱՊԵՏԱՐԱՆ

ՊԱՇՏՈՆԱԿԱՆ ԿԱՅՔ

ընդլայնված որոնում

Մարտի 8. կանանց տոնը շնորհավորել են Դիլիջանի միջազգային դպրոցի ուսանողները

08.03.2018

Երևանի քաղաքապետարանի նախաձեռնությամբ Կանանց միջազգային օրվան նվիրված միջոցառումներին այս տարի առաջին անգամ միացել էր «UWC Դիլիջան» միջազգային դպրոցը: Ազատության հրապարակում դպրոցի ուսանողների կողմից կազմակերպվել է աշխարհի շատ երկրներում մարտի 8-ին անցկացվող պարային ֆլեշմոբ: 

Այնուհետ ուսանողները հանդես են եկել անհատական և խմբային երաժշտական ու պարային համարներով: Միջոցառմանը մասնակցել է շուրջ 500 հոգի: Նախաձեռնությանը միացել են նաև տասնյակ քաղաքացիներ, հասարակական կազմակերպություններ և մայրաքաղաքում գտնվող օտարազգի զբոսաշրջիկներ:
Շնորհակալություն հայտնելով Երևանի քաղաքապետարանին ընձեռած հնարավորության համար՝ նախաձեռնության կազմակերպիչներն ընդգծել են, որ իրենց համար հնամենի 2800-ամյա Երևանի սրտում նման ծավալի միջոցառման անմիջական մասնակից լինելը անմոռանալի և պատմական իրադարձություն է:

 

Երևանի քաղաքապետարանի տեղեկատվության
և հասարակայնության հետ կապերի վարչություն

Լուսանկարներ
x

Alternative content

Get Adobe Flash player