«Մեզ համար ամեն այց Արցախ շատ մեծ կարևորություն ունի». Հայկ Մարության

01.09.2019

Արցախի Հանրապետությունում գտնվող Երևանի քաղաքապետ Հայկ Մարությանն այցելել է Շուշի: Երևանյան պատվիրակության անդամները նախ ծաղիկներ են խոնարհել Սպարապետ Վազգեն Սարգսյանի հուշարձանին: Ստեփանակերտի քաղաքապետ Սուրեն Գրիգորյանի և Շուշիի շրջանի վարչակազմի ղեկավար Վլադիմիր Կասյանի ուղեկցությամբ քաղաքապետ Մարությանը շրջել է նաև քանդակների պուրակում, որտեղ աշխարհի տարբեր ծայրերից հավաքված են 62 աշխատանքներ:
***
Պաշտոնական հանդիպման ժամանակ կողմերն անդրադարձել են Շուշիի և Երևանի Աջափնյակ վարչական շրջանի միջև ձևավորված համագործակցությանն ու նախանշել առաջիկա անելիքները: Երկուստեք կարևորվել է նոր ծրագրերի իրականացումը` մշակույթի և մարզական ոլորտներում: Շուշիի վարչակազմի ղեկավար Վլադիմիր Կասյանը նաև Երևանի քաղաքապետին է ներկայացրել քաղաքի առաջնահերթ խնդիրներն ու իրականացվող ծրագրերը:

Տեսանյութ

«Մեզ համար ամեն այց Արցախ շատ մեծ կարևորություն ունի». Հայկ Մարության
Տեսնել ավելին