Փակել
Սպորտի եվ երիտասարդության հարցերի վարչության 2026թ. gործունեությունը
Սպորտի եվ երիտասարդության հարցերի վարչության կողմից 2026 թվականի ընթացքում անցկացվել են մի շարք միջազգային մրցաշարեր, քաղաքային առաջնություններ և համաքաղաքային զանգվածային միջոցառումներ։
Ուսումնամարզական գործընթացի արդյունավետ կազմակերպման համար համայնքի ենթակայության մարզադպրոցները համալրվել են միջազգային չափորոշիչներին համապատասխան մարզագույքով։
Փետրվարին անցկացվել է «Երևանի քաղաքապետի գավաթ 2026» մեծահասակների բասկետբոլի միջազգային մրցաշարը։ 1-ին, 2-րդ և 3-րդ տեղերը զբաղեցրած թիմերը պարգևատրվել են, համապատասխանաբար, 3 միլիոն, 2 միլիոն և 1 միլիոն ՀՀ դրամով։
Երևանի քաղաքապետարանը՝ Հայաստանի ըմբշամարտի ֆեդերացիայի հետ համատեղ անցկացրել է Լյովա Վարդանյանի անվան ազատ ոճի ըմբշամարտի միջազգային հուշամրցաշարը, որին մասնակցել են 12 երկրներից ժամանած ազատ ոճի ըմբիշներ, իսկ ընդհանուր հաշվարկով մրցաշարին մասնակցել է շուրջ 270 ըմբիշ։
Երևանի գեղասահքի և հոկեյի մարզադպրոցում կայացել է «Երևանի քաղաքապետի գավաթ» գեղասահքի միջազգային մրցաշարը, որին մասնակցել է շուրջ 150 գեղասահորդ` 7 երկրներից։
«Գազպրոմ Արմենիա» ուսումնամարզական համալիրի մարզադահլիճում անցկացվել է «Երևանի քաղաքապետի գավաթ» վոլեյբոլի մրցաշարը, որին մասնակցել է 5 երկրի շուրջ 75 մարզիկ:
«Արմ Մարաթոն» մարզակրթական հիմնադրամի հետ համատեղ անցկացվել է «Yerevan Spring Run 2026» վազքի մարաթոնը՝ 1, 5, 10, 4*2,5 կմ մրցատարածություններով, որին մասնակցել է շուրջ 800 վազորդ։
Երևանի հեծանվահրապարակում կայացել է հեծանվասպորտի «Երևանի բաց առաջնություն» միջազգային մրցաշարը, որին մասնակցել է շուրջ 60 մարզիկներ՝ 8 մրցաձևերում։
Հայաստանի մարմնամարզության ֆեդերացիայի հետ համատեղ Ալբերտ Ազարյանի անվան մարմնամարզության օլիմպիական հերթափոխի մանկապատանեկան մարզադպրոցում անցկացվել է մարմնամարզության «YEREVAN OPEN» միջազգային մրցաշարը, որին մասնակցել է 5 երկրի շուրջ 40 մարմնամարզիկ:
Երևանի «Դինամո» մարզադաշտում անցկացվել է «Երևանի քաղաքապետի գավաթ» ձյուդոյի միջազգային մրցաշարը, որին մասնակցել է շուրջ 240 մարզիկ:
Անցկացվել է Երևանի ջրագնդակի միջազգային բաց առաջնությունը՝ նվիրված Հենրիկ Հակոբյանի հիշատակին։
ԱՄՆ պետքարտուղարության կրթական ու մշակութային գործերի բյուրոյի «Մարզական բանագնացներ» ծրագրով, ՀՀ-ում ԱՄՆ-ի դեսպանության նախաձեռնությամբ Հայաստան էին այցելել Պարալիմպիական խաղերի և աշխարհի առաջնության չեմպիոններ, ԱՄՆ մարզական բանագնացներ, անվասայլակով բասկետբոլիստներ՝ Ռոզ Հոլերմանն ու Սթիվ Սերիոն: Վերջիններիս մասնակցությամբ Ազատության հրապարակում կազմակերպվել է անվասայլակով բասկետբոլի ցուցադրական խաղ և վարպետության դաս՝ Հայաստանի անվասայլակով բասկետբոլի ֆեդերացիայի, «Այբ» դպրոցի, Շիրակի պետական համալսարանի և Շենգավիթի մանկապատանեկան մարզադպրոցի սաների համար։
Երևանի քաղաքապետարանի և Հայաստանի ըմբշամարտի ֆեդերացիայի հետ համատեղ անցկացվել է աշխարհի, Եվրոպայի բազմակի չեմպիոն Բենուր Փաշայանի անվան հունահռոմեական ոճի ըմբշամարտի միջազգային հուշամրցաշարը, որին մասնակցել է 16 երկրից ժամանած 300-ից ավելի ըմբիշ: Այս մրցաշարն արժանացել է Ըմբշամարտի միջազգային ֆեդերացիայի բարձր գնահատականին և ընդգրկված է ֆեդերացիայի օրացուցային պլանում։
Հայաստանի բռնցքամարտի ֆեդերացիայի հետ համատեղ անցկացվել է «Երևանի քաղաքապետի գավաթ» բռնցքամարտի միջազգային մրցաշարը, որին մասնակցել են Հայաստանի, Մոլդովայի, Լեհաստանի, Իրանի, Իսրայելի, Կամբոջայի, Տաջիկստանի, Ուզբեկստանի և Կիպրոսի բռնցքամարտիկները։ Այս մրցաշարն ընդգրկված է Եվրոպայի բռնցքամարտի միջազգային ֆեդերացիայի օրացուցային պլանում։ Այս տարվա մրցաշարից հետո այն ընդգրկվեց նաև համաշխարհային բռնցքամարտի ասոցիացիայի օրացուցային պլանում։
Երևանում անցկացվել է հաշմանդամություն ունեցող անձանց միջազգային փառատոնը հետևյալ մարզաձևերից՝ սեղանի թենիս, անվասայլակով բասկետբոլ, հոկեյ, պարաաթլետիկա, պարածանրամարտ։
Երևանի քաղաքապետարանի և «Ծիրան» ակադեմիայի համատեղ նախաձեռնությամբ առաջին անգամ անցկացվել է «Երևանի քաղաքապետի գավաթ» անօդաչու թռչող սարքերի մրցաշարը, որի նպատակն էր խթանել տեխնոլոգիական գիտելիքների զարգացումը, նորարարական մտածողությունն ու երիտասարդների հետաքրքրությունը աթսների և ժամանակակից տեխնոլոգիաների նկատմամբ։ Հաղթող մասնակիցները կմասնակցեն նաև աշխարհի առաջնությանը: