ԵՐԵՎԱՆԻ ՔԱՂԱՔԱՊԵՏԱՐԱՆ

ՊԱՇՏՈՆԱԿԱՆ ԿԱՅՔ

ընդլայնված որոնում

Սպորտի և երիտասարդության հարցերի վարչություն

Վարչության գործառույթներ
Սպորտի և երիտասարդության հարցերի վարչություն

 

2022 ԹՎԱԿԱՆԻ ՀՈՒՆՎԱՐԻ 1-ԻՑ ՀՈԿՏԵՄԲԵՐԻ 15-Ը ԱՇԽԱՏԱԿԱԶՄԻ ՍՊՈՐՏԻ ԵՎ ԵՐԻՏԱՍԱՐԴՈՒԹՅԱՆ ՀԱՐՑԵՐԻ ԲԱԺՆԻ ԿՈՂՄԻՑ ԿԱՏԱՐԱԾ ԱՇԽԱՏԱՆՔՆԵՐ


Հունվար-մարտ ամիսներին բաժինն իրականացրել է մարզադպրոցների ուսումնամարզական գործընթացի ՀՀ օրենսդրության հետ համապատասխանության վերահսկողություն և աշխատանքների համակարգում, սերտ կապեր է հաստատել հանրակրթական դպրոցների հետ և օժանդակել արտադասարանական աշխատանքներին ու ֆիզկուլտուրային-առողջարարական միջոցառումներին, ապահովել է մարզիկների մասնակցությունը ՀՀ առաջնությունների և միջազգային մրցաշարերի, ինչպես նաև իրականացրել գործուղումներ:
Մարտի 11-12-ին Երևան քաղաքում անցկացվել է ՀՀ Վարչապետի գավաթի համար սեղանի թենիսի Երևանյան փուլը, ձևավորել Երևան քաղաքի հավաքական թիմ, թիմին ապահովել մարզահագուստով ու ապրիլի 18-ին և 19-ին ապահովել թիմի մասնակցությունը Չարենցավան քաղաքում կայանալիք եզրափակիչ փուլին, որի ընթացքում երևանյան ներկայացուցիչները տարբեր տարիքային խմբերում զբաղեցրել են 1-ին, 2-րդ, 3-րդ և 4-րդ մրցանակային տեղերը:
Ապրիլ ամսին Երևան քաղաքում մեկնարկեց ՀՀ ԿԳՄՍ նախարարության կողմից կազմակերպված «ՀՀ մարզերի, Երևանի և Արցախի հանրակրթական դպրոցների 7-12-րդ դասարանի աշակերտների սպարտակիադա» մարզական միջոցառումը, որտեղ հրաձգություն մարզաձևում երևանյան թիմը գրավեց 5-րդ հորիզոնականը, բազկամարտ մարզաձևում՝ 3-րդ մրցանակային տեղը, հնգամարտ մարզաձևում՝ 7-րդ տեղը, ֆուտզալ մարզաձևում՝ 1-ին մրցանակային տեղը:
Մայիսի 7-ին Գյումրի և մայիսի 10-ին Վանաձոր քաղաքներում անցկացվել է ՀՀ ԿԳՄՍ նախարարության կողմից կազմակերպված «ՀՀ մարզերի, Երևանի և Արցախի հանրակրթական դպրոցների 1-3-րդ և 4-6-րդ դասարանների աշակերտների սպորտլանդիա» մարզական միջոցառման եզրափակիչ փուլը, որոնցում երևանյան թիմերը գրավել են 2-րդ մրցանակային տեղերը:
Երևան քաղաքում անցկացվեց ՀՀ Վարչապետի գավաթի համար խճուղավազքի մրցաշարի երևանյան փուլը, որում հաղթած Երևանի Ավան վարչական շրջանի Կարեն Ասրյանի անվան հ. 171 հիմնական դպրոցի թիմը մայիսի 14-ին մասնակցեց Դիլիջանի մերձակայքում կայացած եզրափակիչ փուլին:
«Երևանի սպորտ կոմիտե» ՀՈԱԿ-ի միջոցով երևանյան թիմերը գործուղվել են տարբեր մարզաձևերի առաջնություններին: Ապրիլի 28-ից մայիսի 1-ը վոլեյբոլի հավաքական թիմը գործուղվել է Թբիլիսի քաղաքում անցկացվող վոլեյբոլի «ՔԱՐԹՎԵԼԱ-2022» միջազգային մրցաշարին, որտեղ հավաքական թիմը գրավել է 2-րդ մրցանակային տեղը:

Երևանի գեղասահքի և հոկեյի մարզադպրոցն ունի մոտ 350 սան։ 2015թ. բացված կենտրոնում տարիների ընթացքում կուտակվել են առաջին հայացքից աննկատ, բայց առաջնահերթ լուծում պահանջող մի շարք խնդիրներ։ Արդեն աշնանը դրանք կներկայացվեն երևանցիներին:

Երևանի օղակաձև զբոսայգու սքեյթ-պարկում անցկացվել է «Գեղասահք անվաչմուշկներով» միջոցառումը: Նախագծին մասնակցելու նպատակով Երևան են ժամանել անվանի մարզիկներ ու հայտնի չմշկորդներ Եվրոպայից և Ռուսաստանի Դաշնությունից:
Ծրագիրն իրականացվել է Երևանի քաղաքապետարանի և «ՀՀ անվաչմուշկի և սքեյթբորդինգի ֆեդերացիա»-ի համատեղ նախաձեռնությամբ: Կազմակերպիչները վստահ են, որ այն խթան կհանդիսանա Հայաստանում մարզաձևի մասսայականացման ու առողջ ապրելակերպի զարգացման գործում:
Հուլիսի 24-ին Երևանի քաղաքապետարանի գեղասաքի և հոկեյի մարզադպրոցում երեխաների ու մեծահասակների համար կազմակերպվեց «Ամառային ձնագնդի» ժամանցային միջոցառումը:
Միջոցառման ընթացքում անցկացվեց ձնագնդիկներով խաղ, պլանետարիում շոու, մանկական ինտերակտիվ թատրոն, 360° վիդեոգիֆերի նկարահանում: Ներկարներին հյուրասիրեցին առողջարար սնունդով, պաղպաղակով և զովացուցիչ ըմպելիքներով:
Երևանի գեղասահքի և հոկեյի մարզադպրոցում օգոստոսի 26-ին և 27-ին ներկայացվեց «Ձյունե թագուհին» սառցե շոուն, որտեղ հրավիրված էին համաշխարհային ճանաչում ունեցող գեղասահորդներ՝ տարբեր երկրներից, մասնակցում էին նաև մարզիկներ Հայաստանից:
Սեպտեմբերի 12-ին Մոսկվայի տոնի կապակցությամբ «Երևանի Արաբկիրի խաղային մարզաձևերի մանկապատանեկան մարզադպրոց» ՀՈԱԿ-ի դահլիճում անցկացվեց Սուսերամարտի պատանիների առաջնություն, որի պատվավոր հյուրն էր ռուսաստանաբնակ մեր հայրենակից աշխարհի, Օլիմպիական չեմպիոն Յանա Եգորյանը:
Սեպտեմբերի 27-28-ը «Grand Sport»-ում անցկացված ՀՀ ԿԳՄՍ նախարարության ՀՀ «Լողափնյա վոլեյբոլի» դպրոցականների առաջնության չեմպիոն դարձան Երևանի աղջիկների և տղաների թիմերը, որոնք հաղթեցին իրենց բոլոր մրցակիցներին:
Երևանի գեղասահքի և հոկեյի մարզադպրոցում «Դոմ Մոսկվի» կենտրոնի նախաձեռնությամբ ու Երևանի քաղաքապետարանի աջակցությամբ սեպտեմբեր ամսին մեկնարկել է հոկեյի մրցաշարը: Պաշտոնական բացման արարողությանը մասնակցել են Երևանի քաղաքապետի տեղակալ Գևորգ Սիմոնյանն ու Երևանում «Դոմ Մոսկվի» կենտրոնի տնօրեն Վահրամ Կարապետյանը:
Հայաստանում առաջին անգամ անցկացվող մրցաշարում ներկայանում են «Ереванские львы», Հայաստանում Ռուսաստանի անվտանգության դաշնային ծառայության սահմանապահ վարչության «Акулы» և ՌԴ-ից Հայաստան ժամանած «Перцы» թիմերը։
Կարևորելով մրցաշարի անցկացումը՝ Երևանի փոխքաղաքապետն ու «Դոմ Մոսկվի» կենտրոնի տնօրենը հաջողություն են մաղթել մասնակիցներին:
Մրցաշարի մասնակիցներին իրենց ելույթներով ողջունել են գեղասահքի դպրոցի աշակերտները։ Մրցաշարի ավարտին թիմերը ստացան գավաթներ, մեդալներ և դիպլոմներ։
Հոկտեմբերի 6-ին «Երևանի Արաբկիրի շախմատի մանկապատանեկան մարզադպրոց» ՀՈԱԿ-ում տեղի ունեցավ Երևան քաղաքի և Արցախի Հանրապետության հանրակրթական դպրոցների 7-9-րդ դասարանների աշակերտների միջև սպարտակիադա, որին մասնակցեցին 7 վարչական շրջանների թիմեր:
Թիմային հաշվարկով (աղջիկներ և տղաներ) 1-ին տեղը զբաղեցրեց Արաբկիր վարչական շրջանը, որի թիմի կազմում բոլորը «Երևանի Արաբկիրի շախմատի մանկապատանեկան մարզադպրոց» ՀՈԱԿ-ի սաներն էին:

Հոկտեմբերի 11-ին մեկնարկեց «Հայաստանի Հանրապետության մարզերի, Երևան քաղաքի և Արցախի Հանրապետության հանրակրթական դպրոցների 7-12-րդ դասարանների աշակերտների միջև սպարտակիադա» մարզական միջոցառումը՝ շախմատ մարզաձևից:
ՀՀ ՊՆ Վազգեն Սարգսյանի անվան ռազմական համալսարանում տեղի ունեցավ նախազորակոչային և զորակոչային տարիքի երիտասարդության հանրապետական ռազմամարզական խաղերի 2022 թվականի մրցումների երևանյան փուլը:
Առաջին տեղը գրավեց Երևանի Աջափնյակի հ. 108 միջնակարգ դպրոցը, որը կմասնակցի հանրապետական փուլին: Երկրորդ տեղը գրավեց Երևանի Նուբարաշենի հ. 175 միջնակարգ դպրոցը, իսկ երրորդ տեղը՝ Երևանի Մալաթիա-Սեբաստիայի հ. 113 միջնակարգ դպրոցը:
Հաղթողներին շնորհավորեց և հավաստագրերով պարգևատրեց Երևանի քաղաքապետարանի աշխատակազմի սպորտի և երիտասարդության հարցերի վարչության պետ Արսեն Մակվեցյանը:

 

 ԵՐԵՎԱՆԻ ՔԱՂԱՔԱՊԵՏԱՐԱՆԻ ԵՆԹԱԿԱՅՈՒԹՅԱՆ ՄԱՐԶԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆՆԵՐ

 

ԵՐԵՎԱՆԻ ՔԱՂԱՔԱՊԵՏԻՆ ԿԻՑ ԵՐԻՏԱՍԱՐԴՈՒԹՅԱՆ ՀԱՐՑԵՐԻ ԽՈՐՀՐԴԻ ԳՈՐԾՈՒՆԵՈՒԹՅՈՒՆԸ

 

Երևանի քաղաքապետի 2020 թվականի մայիսի 14-ի հ. 1651-Ա որոշմամբ ստեղծվել է Երևանի քաղաքապետին կից, երիտասարդության հարցերի խորհուրդ (այսուհետ՝ Խորհուրդ): Խորհրդի կազմում ընդգրկված են քաղաքապետարանի, հասարակական տարբեր կազմակերպությունների ներկայացուցիչներ, ինչպես նաև անհատ քաղաքացի: Խորհրդի անհատական կազմը՝ 11 կին, 9 տղամարդ (Խորհրդի անհատական կազմը կցվում է):
2021 թվականի մարտ-մայիս ամիսներին Խորհուրդը գումարել է 3 նիստ:


ԵՐԵՎԱՆԻ ՔԱՂԱՔԱՊԵՏԻՆ ԿԻՑ, ՍՊՈՐՏԻ ԵՎ ԱՌՈՂՋ ԱՊՐԵԼԱԿԵՐՊԻ ԽՈՐՀՐԴԻ ԳՈՐԾՈՒՆԵՈՒԹՅՈՒՆԸ

Երևանի քաղաքապետի 2021 թվականի hհունիսի 30-ի N 2253-Ա որոշմամբ ստեղծվել է Երևանի քաղաքապետին կից, սպորտի և առողջ ապրելակերպի խորհուրդը (այսուհետ՝ Խորհուրդ): Խորհրդի կազմում ընդգրկված են քաղաքապետարանի, տարբեր հասարակական կազմակերպությունների ներկայացուցիչներ, ինչպես նաև անհատ քաղաքացիներ: Խորհրդի անհատական կազմը՝ 4 կին, 15 տղամարդ:
2021 թվականի հուլիսի 20-ին Խորհուրդը գումարել է առաջին նիստը (Խորհրդի նիստերի արձանագրությունը կցվում է):