Երևանի քաղաքապետարանում առանձին գործառույթների և խնդիրների իրականացման նպատակով խորհրդատու ներգրավելու մասին

Աշխատանքների համառոտ նկարագրությունը՝ 

Խորհրդատուի ներգրավման նպատակն է «Երևան քաղաքում տեղական ինքնակառավարման մասին» ՀՀ օրենքով սահմանված շրջակա միջավայրի պահպանության և էլեկտրամատակարարման բնագավառում Երևանի քաղաքապետի (այսուհետ՝ քաղաքապետ) կողմից իրականացվող լիազորությունների շրջանակներում առանձին գործառույթների իրականացումը.

Խորհրդատուին ներկայացվող պահանջները՝
•    ՀՀ քաղաքացիություն,
•    Բարձրագույն կրթություն, 
•    Առնվազն 1 տարվա հանրային ծառայության ստաժ և առնվազն 3 տարվա էներգետիկ ոլորտի աշխատանքային փորձ 
•    Երևանի քաղաքապետարանի գործառույթների և կիրառվող ընթացակարգերի իմացություն,

Խորհրդատուի պարտականությունների համառոտ շրջանակը՝

1)    մասնակցում է Երևան քաղաքի տարածքում շրջակա միջավայրի՝ մթնոլորտի, ջրերի, հողերի, կենդանական ու բուսական աշխարհի պահպանության, բարելավման բնագավառում պետական ծրագրերի մշակմանը. 
2)    ուսումնասիրում և բացահայտում է բնական երևույթների կամ մարդածին ազդեցության հետևանքով Երևան քաղաքի շրջակա միջավայրի փոփոխությունները՝ արդյունքների մասին զեկուցում քաղաքապետին.
3)    քաղաքապետին առաջարկություններ է ներկայացնում Երևան քաղաքի կանաչ գոտիների խնմաքին և սպասարկմանն ուղղված աշխատանքների վերաբերյալ.
4)    Աջակցում է սպասարկման տեղամասերին Երևան քաղաքի արտաքին լուսավորության ցանցի պլանային կանխարգելիչ վերանորոգման աշխատանքների պլանների կազմման, որակյալ շահագործման և ցանցերի վերանորոգման տեխնիկական աշխատանքներն իրականացնելու գործում.
5)    հետևում է արտաքին լուսավորության ցանցի գույքագրման աշխատանքների ընթացքին՝ դիտողություններն ու առաջարկությունները ներկայացնում քաղաքապետին.
6)    ուսումնասիրում է շրջակա միջավայրի պահպանության  և էլեկտրամատակարարման բնագավառներում միջազգային փորձը.
7)    բացահայտում, վերլուծում և գնահատում է իր գործառույթներից բխող մասնագիտական նշանակության խնդիրները, ինչպես նաև դրանց տալիս է ստեղծագործական և այլընտրանքային լուծումներ կամ աջակցում է այդ աշխատանքների կատարմանը։

Թեկնածուները պետք է մինչև 2025 թվականի դեկտեմբերի 5-ը ժամը՝ 17:00-ը Երևանի քաղաքապետարանի մարդկային ռեսուրսների կառավարման վարչության margarita.petrosyan@yerevan.am էլեկտրոնային փոստի հասցեին ներկայացնեն հետևյալ փաստաթղթերը.
1.    դիմում.
2.    ինքնակենսագրությունը,  
3.    անձնագրի կամ նույնականացման քարտի լուսապատճենները (եթե անձը նույնականացման կամ սոցիալական քարտ չի ներկայացնում, ապա անհրաժեշտ է ներկայացնել անձին հանրային ծառայության համարանիշ տրամադրելու մասին տեղեկանքի կամ հանրային ծառայության համարանիշի տրամադրումից հրաժարվելու մասին տեղեկանքի լուսապատճենը),
4.    բարձրագույն կրթությունը հավաստող փաստաթղթի լուսապատճենը,
5.    աշխատանքային գործունեությունը հավաստող փաստաթուղթ (եր)ի լուսապատճեն (ներ)ը.
6.    Արական սեռի անձինք ներկայացնում են զինվորական գրքույկի (բոլոր գրառում ունեցող էջերի) լուսապատճենը կամ դրան փոխարինող ժամանակավոր զորակոչային տեղամասից կցագրման վկայականի լուսապատճենը.
7.    Մեկ լուսանկար՝ 3x4 սմ չափսի: