«Ինձ համար ամբողջ կյանքում գրադարանը եղել է երկրորդ հայրենի տունը, իսկ օտարության մեջ, մանավանդ Վենետիկում, առաջինը: Այն փաստը, որ իմ անունն է կրում քաղաքի առաջին մասսայական գրադարանը, անչափ ուրախացնում է ինձ: Ես միշտ գիրքը սրբություն եմ համարել, գրադարանը` յուրատեսակ սրբավայր: Ես կանեմ ամեն ինչ, որ Ձեր այս հրաշալի գրադարանում մշտապես զգացվի հայ բազմադարյան գրական շունչը: Ձեր գրադարանին մաղթում եմ երկար ու բարի ուղի, թող այն լինի հավիտյան, ինչպես որ հավիտյան է գիրքը»:
Ավետիք Իսահակյան

Ավետիք Իսահակյանի անվան կենտոնական գրադարանը հիմնադրվել է 1935 թ. օգոստոսի 15-ին, Ամիրյան 26 հասցեում՝ որպես Երևանի առաջին հանրային գրադարան: 1938 թ. բացվել է գրադարանի ընթերցասրահը՝ 1100 ընթերցողներով:
1955 թ. գրադարանն անվանակոչվում է Ավետիք Իսահակյանի անունով` Վարպետի ծննդյան 80-ամյակի առթիվ: 1964 թ. գրադարանում ստեղծվում է Մշակույթի ժողովրդական համալսարան` 4 ֆակուլտետներով: 1979 թ. Երքաղխորհրդի գործկոմի մայիսի 16-ի որոշմամբ զանգվածային գրադարանների հենքով ստեղծվում է Երևանի մեծահասակներին սպասարկող գրադարանների կենտրոնացված համակարգը` ԳԿՀ, որի կենտրոնական գրադարան է դառնում Ավետիք Իսահակյանի անվան գրադրանը՝ 47 գրադարան-մասնաճյուղերով:
1993 թ. բացվում են գրադարանի արվեստի, մամուլի, օտար լեզվի և տեխնիկական գրականության բաժինները և Ավ. Իսահակյանի անվան հանդիսությունների դահլիճը: 
1995 թ. Երքաղխորհրդի գործկոմի դեկտեմբերի 22-ի որոշմամբ միավորվում են մեծահասակներին /ԳԿՀ/ և երեխաներին /ՄԳԿՀ/ սպասարկող գրադարանների կենտրոնացված համակարգերը, և Ավ. Իսահակյանի անվան գրադարանը դառնում է միավորված համակարգի կենտրոնական գրադարան:
1998 թ. Երևանի քաղաքապետարանի հոկտեմբերի 27-ի որոշմամբ գրադարանը դառնում է համայնքային գրադարանների համար մեթոդ-մատենագիտական համակարգող կենտրոն: 
2002 թ. ՀՀ կառավարության նոյեմբերի 28-ի որոշմամբ Ավ. Իսահակյանի անվան գրադարանը վերակազմակերպվում է «Ավետիք Իսահակյանի անվան ԿԳ» ՊՈԱԿ-ի` 7 գրադարան-մասնաճյուղերով: 
Ավ. Իսահակյանի անվան կենտրոնական գրադարանում պարբերաբար կազմակերպվում են «Պատանի և երիտասարդ ստեղծագործողների և կատարողների» հանրապետական մրցույթ-փառատոներ, «Նռան հատիկ» հանրապետական մանկապատանեկան թատերական փառատոնը (2000 թ.-ից)՝ «Նախաբեմ» կրթամշակութային ասոցիացիայի հետ համատեղ, «Ազգային գրադարանային շաբաթ» միջոցառումների շարքը: 
2005 թ. առաջին անգամ Հայաստանում գրադարանում հիմնադրվում է «Ամերիկյան անկյունը»` ՀՀ-ում ԱՄՆ դեսպանության աջակցությամբ, իսկ 2008 թ.-ից՝ «Բրիտանական կենտրոնը»՝ ՀՀ-ում գործող «Բրիտանական խորհրդի» աջակցությամբ: Անկյունները պարբերաբար համալրվում են նոր գրականությամբ, հագեցած են տեղեկատվական ժամանակակից սարքավորումներով, ապահովում են էլեկտրոնային պարբերականների բաժանորդագրություն և անվճար համացանցային ծառայություններ: 2019 թ.-ից «Ամերիկյան անկյունում» գործում է նաև «ՏեխնոԼաբ» ենթաբաժինը:
Երևանի քաղաքապետարանի և Ֆրանկոֆոնիայի միջազգային կազմակերպության                 համագործակցության շնորհիվ գրադարանում գործում է «Ֆրանկոֆոնիայի  կենտրոն» բաժինը, որը հագեցած է տեղեկատվական ժամանակակից սարքավորումներով, ֆրանսերեն մեծարժեք գրականությամբ և էլեկտրոնային այլ բազաներով:
2011 թ. Կենտրոնական գրադարանը ՀՀ-ում առաջինը ավարտում է ֆոնդերի մուտքագրումը՝ «Ալեֆ» ծրագրով, ներդրվում է էլէկտրոնային գրադարանների «ԷԼԳՐԱԴ» համակարգը` 2 ենթահամակարգերով: 2012 թ. գրադարանում սկսվում է /ՀՀ-ում հանրային գրադարաններից առաջինը/ ընթերցողների էլեկտրոնային սպասարկում և իրականացվում է գրադարանային գործառույթների ավտոմատացում:
Ավ․ Իսահակյանի անվան կենտրոնական գրադարանը համագործակցում է Սանկտ-Պետերբուրգի Վ.Վ․ Մայակովսկու անվան կենտրոնական և Մ․ Յու․ Լերմոնտովի անվան միջշրջանային գրադարանների, Մոսկվայի «Կենտրոնական վարչական շրջանի կենտրոնացված գրադարանային համակարգի» հետ: Ունի հուշագրեր Իսպանիայի հայկական համայնքի «Արարատ» միության, Ֆրանսիայի Լիոն քաղաքի քաղաքային գրադարանների հետ: Ոլորտային համագործակցության հուշագրեր են կնքվել նաև Լոռու և Շիրակի մարզային գրադարանների հետ:
2021 թ. Ավ. Իսահակյանի անվան քաղաքային գրադարանը հաղթող է ճանաչվել ՀՀ ԿԳՄՍ նախարարության և «Հայկական գրադարանային ասոցիացիա» ՀԿ-ի կողմից կազմակերպված «Լավագույն գրադարան» մրցույթի «Լավագույն նորարար գրադարան» անվանակարգում:
2022 թ․ ՀՀ ԿԳՄՍ նախարարի 2022 թվականի հուլիսի 7-ի N 1245-Ա հրամանով 5 տարի ժամկետով հանրային գրադարանի կարգավիճակ է ստացել Երևանի «Ավ. Իսահակյանի անվան Կենտրոնական գրադարան» ՀՈԱԿ-ը:
Ավ. Իսահակյանի անվան գրադարանը «Հայաստանի գրադարանների կոնսորցիումի» հիմնադիր անդամներից մեկն է:

Տնօրենի ժ/պ` Ռուզաննա Բարսեղյան

Աշխատանքային ժամեր՝ երկուշաբթիից ուրբաթ, ժ. 9։00 - 17։00
Հասցեներ՝ 
Կենտրոն գրադարան՝ Նալբանդյան 4/1
Թիվ 15 մասնաճյուղ՝ Սայաթ-Նովա 37
Թիվ 21 մասնաճյուղ` Բաղրամյան 20
Թիվ 27 մասնաճյուղ` Նորքի 5-րդ փողոց, 65 ԱՀԿ շենք
Թիվ 28 մասնաճյուղ` Մամիկոնյանց 21
Թիվ 29 մասնաճյուղ` Կոմիտաս 6
Թիվ 33 մասնաճյուղ` Կիևյան 1
Թիվ 36 մասնաճյուղ` Ն. Զարյան 19

Հեռախոս՝ +37410 589 610
Կայք՝ www.isahakyanlibrary.am

Աջափնյակ վարչական շրջանի գրադարանների կենտրոնացված համակարգը ստեղծվել է 1998 թվականին՝ համայնքային 5 գրադարանների վերամիավորման արդյունքում: 2021 թվականին անվանակոչվել է Շառլ Ազնավուրի անունով: Գրադարանն ունի երեք մասնաճյուղ:
 
Տնօրեն՝ Էլմիրա Պողոսյան
Աշխատանքային ժամեր՝ երկուշաբթիից ուրբաթ, ժ. 9։00 - 17։00
Հասցեներ՝ 
Կենտրոն գրադարան՝ Մարգարյան փողոց. 1-ին նրբ., 11 շենք
Թիվ 1 մասնաճյուղ՝ Մարգարյան փողոց, 35 շենք /Աջափնյակ վարչական շրջանի երեխաների սոցիալական հոգածության կենտրոն/
Թիվ 2 մասնաճյուղ` Սիլիկյան թաղամաս (3-րդ գյուղ), 10-րդ փողոց /108 միջնակարգ դպրոց/
Թիվ 3 մասնաճյուղ` Նորաշեն, 2-րդ շենք (16 թաղամաս) /Աջափնյակի գեղագիտական կենտրոն/
Հեռախոս՝ (+374 11) 554 560
էլ. փոստ՝ gkh.ajapnyak@gmail.com
Կայք՝ gkhajapnyak.wixsite.com/gkh-aznavour

Արաբկիր վարչական շրջանի թիվ 5 գրադարանը հիմնադրվել է 1950 թվականին և ժամանակավորապես գործել է Նար-Դոսի անվան թիվ 33 միջնակարգ դպրոցում ՝ որպես «Թիվ 3 մանկական գրադարան»:
1970 թվականից թիվ 3 մանկական գրադարանը շարունակել է իր գործունեությունը Սունդուկյան 26 հասցեում, որտեղ էլ գործում է մինչ օրս:
1973-ից գրադարանը դարձել է «Մանկական գրադարանային կենտրոնացված համակարգի» (ՄԳԿՀ) «Թիվ 5 գրադարան» մասնաճյուղ: 1997 թվականից գրադարանը շարունակել է իր գործունեությունը Արաբկիր վարչական շրջանի թաղապետարանի ենթակայությամբ:
2009 թվականին գրադարանը վերանվանվել և դարձել է Երևանի քաղաքապետարանի «Թիվ 5 դրադարան» ՀՈԱԿ:
Գրադարանը մշակութային, կրթական և տեղեկատվական հարթակ է, որն իրականացվում է բնակչության գրադարանային-տեղեկատվական սպասարկումը, ապահովում է հանրության գեղագիտական դաստիարակությունը, օժանդակում է կրթական համակարգի գործունեությանը:
Գրադարանում կազմակերպվում են բազմաբնույթ մշակութային, կրթական, գրական-երաժշտական միջոցառումներ, հանդիպումներ գրողների հետ, գրքի քննարկումներ: Գրադարանում գործում է «Գրքասերներ» խմբակը, որի անդամներն ակտիվ ներգրավված են գրադարանի կրթական, մշակութային, հանրային գործունեությանը:
Գրադարանը սերտորեն համագործակցում է շրջակա դպրոցների, նախադպրոցական ուսումնական հաստատությունների և քոլեջների հետ:
2012 թվականից Երևանի քաղաքապետարանի աջակցությամբ գրադարանային ֆոնդը համալրվում է նոր գրականությամբ: Այժմ այն կազմում է 34 317 միավոր գիրք: Գրադարանն ունի շուրջ 1900 ընթերցող: 

Տնօրեն` Սուսաննա Ֆարմանյան
Աշխատանքային ժամեր՝ երկուշաբթիից շաբաթ, ժ. 09:00 - 17:00
Հասցե՝ Սունդուկյան 26
Հեռ.՝ +(374 10) 260 470
 

Արաբկիր վարչական շրջանի թիվ 6 գրադարանը հիմնադրվել է 1976 թվականին: Զբաղեցնում է 175 քմ տարածք:
Գրադարանում առկա է 25 456 միավոր գիրք: 
 
Տնօրեն` Մինիոնա Պետրոսյան
Աշխատանքային ժամեր՝ երկուշաբթիից շաբաթ, ժ. 09:00 - 17:00
Հասցե՝ Քանաքեռ Հէկ 4/1
Հեռ.՝ +(374 10) 232 518
 

Թիվ 1 գրադարանը Ավան վարչական շրջանի միակ գրադարանն է: Հիմնադրվել է 1960 թ․ և զբաղեցնում է 162 ք/մ տարածք: Ունի սպասասրահ և ընթերցասրահ։ 
Գրադարանի ընդհանուր գրքային ֆոնդը կազմում է 34 317 միավոր գիրք, որը յուրաքանչյուր տարի համալրվում է նոր և ժամանակակից գրականությամբ։ Գրադարանում իրականացվում են բազմաբնույթ մշակութային միջոցառումներ, հանդիպումներ գրողների հետ, գրքերի շնորհանդեսներ։ Գրադարանը համագործակցում է մշակութային կառույցների և կրթական հաստատությունների հետ։   

Տնօրեն` Գայանե Զիրոյան
Աշխատանքային ժամեր՝ երկուշաբթիից շաբաթ, ժ. 09:00 - 18:00
Հասցե՝ Խուդյակովի 214
Հեռ.՝ +(374 10) 614 562
 

Դավթաշեն վարչական շրջանի թիվ 40 գրադարանը հիմնադրվել է 1996 թ. մայիսի 3-ին:
Թիվ 29-3.2 որոշման համաձայն միավորվեցին Հովհ. Թումանյանի անվան (Նալբանդյան փողոց 50) և թիվ 2 (Մաշտոցի պողոտա 1) գրադարան- մասնաճյուղերը և ստեղծվեց Դավթաշեն գրադարան մասնաճյուղը` 22 000 միավոր գրքային ֆոնդով: 
2000 թ. գրադարանը համալրվեց Սարի Թաղի թիվ 6 լուծարված գրադարանի շուրջ 17 000 գրքային ֆոնդով, և գրադարանի ընդհանուր ֆոնդը կազմեց 39 000 միավոր գիրք:
Գրադարանում գործում են «Գլոբուս», «Ֆոլկլոր», «Ֆորսա» ինտելեկտուալ խմբակները, ինչպես նաև՝ «Ամառային ընթերցասեր» խմբակը:
Գրադարանը համագործակցում է Դավթաշեն վարչական շրջանի բոլոր դպրոցների և մարզերի որոշ դպրոցների հետ: Գրադարանը հիմնանորոգվել է Երևանի քաղաքապետարանի միջոցներով:
Գրադարանի գրքային ֆոնդը կազմում է շուրջ 48 000 միավոր գիրք:
 
Աշխատանքային ժամեր՝ երկուշաբթիից ուրբաթ, ժ. 09:00 - 17:00
Հասցե՝ Դավթաշեն, 4-րդ թաղամաս
Հեռ.՝ +(374 10) 361 593
 

Էրեբունի վարչական շրջանի Օքրո Օքրոյանի անվան թիվ 3 գրադարանը հիմնադրվել է 1937 թ. նոյեմբերի 15-ին: Սկզբում տեղակայված է եղել Հոկտեմբերյան (այժմ` Տիգրան Մեծի) պողոտայի հ.1 շենքի նկուղային հարկում: 1957 թ. տեղափոխվել է նույն պողոտայի հ. 59 շենքի 1-ին հարկ և մինչ օրս գործում է այդ հասցեով:
2000 թ.-ի հունիսի 7-ի թիվ 41 որոշմամբ` գրադարանն անվանակոչվել է գրող, դրամատուրգ Գարեգին Բեսի անունով, իսկ 2004 թ.՝ վերանվանվել է վիրահայ բանաստեղծ, բարերար Օքրո Օքրոյանի անունով:
Իր բազմամյա գործունեության ընթացքում գրադարանն ունեցել է բազմաթիվ հանրահայտ հյուրեր՝ Ա.Սահակյանը, Հովհ.Շիրազը, Վ.Արամյանը, Ս.Խանզադյանը, Հ.Մելքոնյանը, Ռ.Կարայանը, հումորիստ Ա.Սարգսյանը, Վ.Աբաջյանը, պատմաբան Մանուկյանը, բանասիրական գիտությունների դոկտոր պրոֆեսոր Ս.Մուրադյանը, Հ.Խաչատրյանը, Լ.Սարգսյանը, դերասան Երվ.Մանարյանը, նկարիչ Ռուխիկյանի դուստրերը, Ռ.Դավոյանը, Ա.Ղազարյանը, Ե.Պետրոսյանը և այլ գրողներ:
2013 թ-ից` գրադարանը համագործակցում է Էրեբունի վարչական շրջանի դպրոցների, մանկապարտեզների, ԵԹԱ պետական քոլեջի, Չուխաջյանի անվան երաժշտական դպրոցի և Մանկապատանեկան ստեղծագործական կենտրոնի հետ:
Պարբերաբար տեղի են ունենում հանդիպումներ գրողների հետ: Գրադարանը համագործակցում է նաև մանկական ամսագրերի հետ` հնարավորություն տալով ստեղծագործող ընթերցողների աշխատանքները տպագրել ամսագրերում: 
Գրադարանի գրքային ֆոնդը կազմում է 51 309 միավոր գիրք:
 
Տնօրեն` Սյուզաննա Կարապետյան
Աշխատանքային ժամեր՝ երկուշաբթիից շաբաթ, ժ. 09:00 - 17:00
Հասցե՝ Տիգրան Մեծի պող. 59
Հեռ.՝ +(374 10) 553 529
 

Էրեբունի վարչական շրջանի թիվ 10 գրադարանը հիմնադրվել է 1956 թվականին  երկաթգծի կայարանի շենքում:
1974 թվականին գրադարանը տեղափոխվել է Նոր Արեշ 24 փողոց: 1979 թվականին ստեղծվել է գրադարանների կենտրոնացված համակարգ (ԳԿՀ): Գրադարանը գործել է ԳԿՀ-ի համակարգում:
1986 թվականին տեղափոխվել է Էրեբունի զանգված՝ նոր կառուցված շենք: 1997 թվականին անցել է Էրեբունի վարչական շրջանի ենթակայության տակ, միաժամանակ միանալով թիվ 12 մանկական գրադարանին և դառնալով թիվ 10 գրադարան:
Էրեբունի վարչական շրջանի թիվ 10 գրադարանի գրքային ֆոնդը կազմում է 37 080 միավոր գիրք: Գրադարանում առկա է մասնագիտական և գեղարվեստական գրականություն:
Գրադարանը սպասարկում է Երևանի թիվ 160, 178 և այլ հանրակրթական դպրոցների աշակերտներին, վարչական շրջանի բնակիչներին: 2022 թվականին գրադարանում հիմնադրվել է «Կամուրջ» գրական ակումբը,  հիմնադիր՝ Զեփյուռ Սարդարյան։ 
 
Տնօրեն՝ Զեփյուռ Սարդարյան
Աշխատանքային ժամեր՝ երկուշաբթիից ուրբաթ, ժ. 09:00 - 17:00
Հասցե՝ Խաղաղ Դոնի 13, 10 տարածք
Հեռ.՝ +(374 10) 471 031
 

Էրեբունի վարչական շրջանի թիվ 11 գրադարանը հիմնադրվել է 1964 թվականին: Զբաղեցնում է 600 քմ տարածք: 
Գրադարանը ունի 3 բաժին, 7 պահոց: Առկա է ընթերցասրահ:
2014 թվականին Երևանի քաղաքապետարանի զարգացման ծրագրով գրադարանը հիմնանորոգվել է: Գրադարանի գրքային ֆոնդը պարբերաբար համալրվել է: Կատարվել են բազմաթիվ նվիրատվություններ գրողների և գրադարանի ընթերցողների կողմից:  Գրադարանի գրքային ֆոնդը կազմում է 86 177 միավոր գիրք՝ այդ թվում մասնագիտական, գեղարվեստական, մանկական գրքեր հայերեն և օտար լեզուներով:
Գրադարանը համագործակցում է Էրեբունի վարչական շրջանի դպրոցների, մակապարտեզների և մանկապատանեկան ստեղծագործական կենտրոնների հետ:
Գրադարանում կազմակերպվում են բազմաբնույթ միջոցառումներ, հանդիպումներ գրողների և մշակութային գործիչների հետ, գրքերի շնորհանդեսներ, հեքիաթի ժամ երեխաների համար, դպրոցականների շրջայցեր:

Տնօրեն` Քրիստինե Թումաղյան
Աշխատանքային ժամեր՝ երկուշաբթիից շաբաթ, ժ. 09:00 - 17:00
Հասցե՝ Էրեբունի փ., 3-րդ շենք
Հեռ.՝ +(374 10) 430 491
 

Էրեբունի վարչական շրջանի թիվ 25 գրադարանը հիմնադրվել է 1951 թ. թիվ 64 դպրոցի շենքում: Զբաղեցնում է 260 քմ տարածք:
Գրադարանում գործում է «Պատանի բնասերի» խմբակը: 

Աշխատանքային ժամեր՝ երկուշաբթիից շաբաթ, ժ. 09:00 - 17:00
Հասցե՝ Վարդաշեն 3 փ., 2 շենք
Հեռ.՝ +(374 93) 473 567
 

Կենտրոն վարչական շրջանի թիվ 22 գրադարանը հիմնադրվել է 1947 թվականին:
1972 թվականից գրադարանը գտնվում է Իսակովի 4 հասցեում: Գրադարանն ունի երկու գրապահոց, մեկ ընթերցասրահ և սպասարկման բաժին:

Գրադարանի գրքային ֆոնդը կազմում է 40650 միավոր գիրք:

Աշխատանքային ժամեր՝ երկուշաբթիից շաբաթ, ժ. 10:00 - 17:00
Հասցե՝ Իսակովի 4
Հեռ.՝ +(374 10) 564 198
 

Մալաթիա-Սեբաստիա վարչական շրջանի գրադարանների համակարգը ստեղծվել է 1997 թվականի մայիսի 21-ին թիվ 20, 30 և 37 գրադարանների բազայի հիման վրա: 2007 թ.-ին Մալաթիա-Սեբաստիա համայնքի ավագանու որոշմամբ գրադարանների համակարգին անհատույց և անժամկետ օգտագործման իրավունքով համայնքի թիվ 169 և 215 մանկապարտեզ ՀՈԱԿ-ների տարածքներից տրամադրվել է 379.1 քմ և 150 քմ տարածքներ:
Գրադարանային համակարգն ունի 2 գրադարան՝ Կենտրոնական գրադարան և թիվ 1 գրադարան-մասնաճյուղ: 
Կենտրոնական գրադարանում գործում են ընթերցարանի, սպասարկաման՝ մեծահասակների և երեխաների սպասարկաման բաժիններով, մատենագիտության և գրացուցակների բաժիններ: Ընթանում են անվճար թատերական խմբակի ստեղծման աշխատանքներ:
Գրադարանը համագործակցում է Մալաթիա-Սեբաստիա վարչական շրջանի դպրոցների, մանկապարտեզների, մշակութային հաստատությունների, Գրողների միության և համայնքային գրադարանների հետ: 
«Գրադարանային համակարգ» ՀՈԱԿ-ի գրքային ֆոնդը կազմում է 67 911 միավոր գիրք: Ֆոնդի համալրումը կատարվում է Երևանի քաղաքապետարանի, անհատների, ընթերցողների նվիրատվությունների շնորհիվ:

Տնօրենի՝ Ժ/Պ  Տաթևիկ Սարգսյան 
Աշխատանքային ժամեր՝ երկուշաբթիից շաբաթ, ժ. 09:00 - 17:00

Հասցեներ՝ 
Կենտրոնական գրադարան՝ Շերամի 75
Թիվ 1 մասնաճյուղ՝ Հաղթանակի 12 փ., 32 շենք
Հեռ.՝ +(374 10) 723 470
 

Նոր Նորք վարչական շրջանի Համո Սահյանի անվան գրադարանը հիմնադրվել է 1997 թվականին: Մինչև 2021 թվականը կոչվել է Նոր Նորք համայնքի Կենտորնական գրադարան: 
Գրադարանը ստեղծվել է նախկին մանկական գրադարանների միավորման արդյունքում: Ունենալով ավելի քան 110 000 միավոր գիրք՝ գրադարանն այսօր համարվում է Նոր Նորք վարչական շրջանի մշակութային կարևորագույն կենտրոններից մեկը: 
Գրադարանն ունի ընթերցասրահ, սպասարկման, մասսայական  միջոցառումների, գրացուցակների  և ֆոնդերի պահպանման բաժիններ: Ունի 3 մասնաճյուղ, խմբակներ (նկարչության, գրական ստուդիա):            
Համո Սահյանի անվան գրադարանի գրական ստուդիան հիմնադրվել է 1999 թվականին: Այն ղեկավարել է բանաստեղծ Յուրի Սահակյանը, այժմ՝ Ռաֆայել Մեջլումյանը: Գրական ստուդիայի նախաձեռնությամբ գրադարանում տպագրվել են   «Լուսաբաց» խորագրով ավելի քան մեկ տասնյակ ժողովածուներ, որոնցից 2-ը՝ մանկական, 11-ը՝ թաղաբնակ ստեղծագործողների:
2014 թվականին Երևանի քաղաքապետարանի զարգացման ծրագրով գրադարանը հիմնանորոգվել է:
2016 թվականից գրադարանում գործում է Ֆրանկոֆոնիայի կենտրոնը: 
Գրադարանն ունի շուրջ 10 000 ընթերցող: 
Գրադարանը կազմակերպում է բազմաբնույթ միջոցառումներ և արդյունավետ համագործակցում է անվանի մտավորականների հետ՝ Նաիրի Սահյան, Հրանտ  Թաթոս, Լևոն  Բլբուլյան, Սերխաչ, Արևշատ  Ավագյան, Հարություն Չալիկյան, Հարություն Ֆոդուլյան, Անահիտ Նավասարդյան, Կարեն Վարդանյան, Ջուլիետա Բաբայան ևն:
Գրադարանը սերտորեն համագործակցում է ոչ միայն այն դպրոցների հետ, որտեղ տեղակայված են 3 գրադարան-տարացքակետերը, այլև Նոր Նորք վարչական շրջանի բոլոր ավագ և հիմնական դպրոցների, քոլեջների, ինչպես նաև մանկապարտեզների  հետ: 
Գրադարանի գրական ֆոնդը մշտապես հարստացնում են մի շարք հրատարակչություններ՝ «Տիգրան Մեծ», «Ոսկան  Երևանցի», «Էդիտ Պրինտ», «Զանգակ»: Գրադարանը համագործակցում է նաև «Համո Սահյան պոեզիայի կենտրոնի», Ազգային, Խնկո  Ապոր, Իսահակյանի անվան և մի շարք գրադարանների հետ: 
 
Տնօրեն՝   Նազենի  Արզումանյան
Աշխատանքային ժամեր՝ երկուշաբթիից ուրբաթ, ժ. 10:00 - 18:00
Հասցե՝ Ֆ. Նանսենի 20
Հեռ.՝ +(374 10) 647 198
 

Նուբարաշեն վարչական շրջանի թիվ 34 գրադարանը հիմնադրվել է 1936 թվականին, ունի շուրջ 1000 ընթերցող: Գրադարանում առկա գրքերի թիվը 27 442 է:
Տնօրեն` Փառանձեմ Մարգարյան
Հասցե՝ Նուբարաշեն, 9-րդ փողոց, 1 շենք
Հեռ.՝ +(374 10) 475 487
 

Շենգավիթ վարչական շրջանի թիվ 16 գրադարանը հիմնադրվել է 1945 թ., սկզբնական շրջանում գործել է Հովհ. Թումանյանի անվան դպրոցի շենքում, իսկ 1950 թ.-ից տեղափոխվել է Արշակունյաց 42 հասցե, որտեղ էլ գործում է մինչ օրս:
Գրադարանն ունի ընթերցասրահ, աբոնեմենտային և մանկական բաժիններ:
Գրադարանում գործում են նաև հայերենի, անգլերենի, ֆրանսերենի, ռուսերենի, ինչպես նաև՝ թատերական, տիկնիկային, խոսքի վարպետության, ձևավորման, ասեղնագործության, հուլունքագործության և նկարչության խմբակներ:

Գրադարանի գրքային ֆոնդը կազմում է շուրջ 40 000 միավոր գիրք:

Աշխատանքային ժամեր՝ երկուշաբթիից շաբաթ, ժ. 10:00 - 18:00
Հասցե՝ Արշակունյաց 42
Հեռ.՝ +(374 10) 440 821
 

Շենգավիթ վարչական շրջանի Շուշանիկ Կուրղինյանի անվան թիվ 17 գրադարանը հիմնադրվել է Ստալինյան շրջանում, Քիմիական կոմբինատի բանավանում՝ որպես 2-րդ մանկական գրադարան։
1948 թվականից գրադարանը տեղափոխվել է նախկին Թամանցիների, իսկ այժմ՝ Բագրատունյանց 1-ին նրբանցք, 9-րդ  շենքի առաջին հարկ, տարածքը կազմում է 148 քմ։
1958 թվականին մանկական գրադարանը վերանվանվել է թիվ 17 մասսայական գրադարան, իսկ 1964 թվականին գրադարանի հիմնադրման 25-ամյակի առթիվ պարգևատրվել ՍՍՌ մշակույթի նախարարության պատվոգրով  և անվանակոչվել հեղափոխական բանաստեղծուհի Շուշանիկ Կուրղինյանի անվամբ։
1974 թ.-ից եղել է ԳԿՀ-ի հենակետային գրադարանը։
1997 թվականից գրադարանը համայնքային ոչ առևտրային կազմակերպություն է։

Շ.Կուրղինյանի անվան թիվ 17 գրադարանն ունի ընթերցարան, աբոնեմենտային, տեղեկատու մատենագիտական և մանկական բաժիններ։ Գրադարանը իր նախաձեռնությամբ ստեղծել է հայատառ գրականության էլեկտրոնային գրացուցակ։
Գրադարանը համագործակցում է մի շարք դպրոցների և մսուր-մանկապարտեզների հետ։
Գրադարանի գրքային ֆոնդը կազմում է 63 606 միավոր գիրք։

Տնօրենի  պ/կ` Անահիտ Պողոսյան

Աշխատանքային ժամեր՝ երկուշաբթիից ուրբաթ, ժ. 10:00 - 18:00
Հասցե՝ Բագրատունյաց 1-ին նրբ., 9֊րդ շենք
Հեռ.՝ +(374 10) 421 292‬
Էլ. հասցե` 17gradaran@gmail.com ‬
 

Շենգավիթ վարչական շրջանի թիվ 18 գրադարանը հիմնադրվել է 1970-ական թթ. Աջափնյակ վարչական շրջանի թիվ 11 մշակույթի տանը, 1980 թ.: Գրադարանի մյուս մասնաճյուղը բացվում է Շենգավիթ վարչական շրջանի Չարբախի տարածքում: 1984 թ. գրադարանը տեղափոխվում է Չեխովի 52 հասցե՝ գրադարանին հատկացված  220 քմ տարածքով տիպային շենք: 1996 թ. գրադարանին վերամիավորվում է նաև Չարբախում գործող թիվ 11 գրադարան-մասնաճյուղը: 2007 թ. Գրադարանի տանիքը հիմնանորոգելու պատճառով,այն տեղափոխվում է  ՊՈԱԿ, որտեղ էլ գործում է  մինչ այժմ: 
Գրադարանը  սպասարկում է ինչպես վարչական շրջանի, այնպես էլ մյուս համայնքների բնակիչներին: 
Գրադարանի հիմնական նպատակն է մասսայական միջոցառումների, գրքային ցուցահանդեսների, գրքային քննարկումների, բաց դասերի միջոցով, գրադարաններ ներգրավել ընթերցողներին և ծանոթացնել գրադարանում առկա գրականությանը և ժամանակակից գրողների ստեղծագործություններին: 
Գրադարանի գրքային ֆոնդը կազմում է 34 297 միավոր գիրք՝ հայերեն, ռուսերեն անգլերեն լեզուներով: Ֆոնդը պարբերաբար համալրվում է վարչական շրջանի ֆինանսավորմամբ, Երևանի քաղաքապետարանի նվիրատվությամբ և ընթերցողների կողմից:
 
Տնօրենի ժ/պ ՝ Հռիփսիմե Խրիմյան 
Աշխատանքային ժամեր՝ երկուշաբթիից կիրակի, ժ. 10:00 - 18:00
Հասցե՝ Բագրատունյաց 5 
Հեռ.՝ +(374 10) 420 148
 

Շենգավիթ վարչական շրջանի թիվ 32 գրադարանի շենքը կառուցվել է 1946 թվականին: Սկզբում գրադարանն ունեցել է մեկ ընդհանուր բաժին, իսկ 1980-ական թթ.-ից առանձնացվել են երկու բաժին՝ ընթերցարան և աբոնեմենտ: 1994 թ.-ին ստեղծվել է նաև մանկական բաժինը, որը համագործակցում է դպրոցների և մանկապարտեզների հետ: 
Թիվ 32 գրադարանն այսօր Երևանում գործող ամենաակտիվ գրադարաններից է: Այստեղ կազմակերպվում են բազմաթիվ միջոցառումներ, հանդիպումներ, գրքի շնորհանդեսներ: Գրադարանում գործում են մայրենի լեզվի, ասմունքի և թատերական խմբակներ, ինչպես նաև ինտելեկտուալ մրցույթների և բանավեճի ակումբ: Գրադարանը կամուրջ է հանդիսանում ժամանակակից գրողների, ստեղծագործողների և ընթերցողների միջև: Գրադարանը սերտորեն համագործակցում է շրջակա դպրոցների, նախադպրոցական ուսումնական հաստատությունների և քոլեջների հետ:  
Գրադարանի գրքային ֆոնդը կազմում է 21 000 միավոր գիրք:
 
Տնօրեն՝ Սուսաննա Խաչատրյան 
Աշխատանքային ժամեր՝ երկուշաբթիից կիրակի, ժ. 10:00 - 18:00
Հասցե՝ Խոստիկյան 15
Հեռ.՝ +(374 10) 480 601
 

Քանաքեռ-Զեյթուն վարչական շրջանի «Կենտրոնացված գրադարանների համակարգ» ՀՈԱԿ-ը հիմնադրվել է 1948 թվականի հոկտեմբերի 25-ին: Տեղակայված է եղել Վերին Զեյթունի շենքերից մեկում: 
1949 թ. տեղափոխվել է Կուլտուրայի տուն և անվանվել Կիրզայի մասսայական գրադարան:
1967 թ. տեղափոխվել է Զեյթունի ուսանողական ավան: 
1969 թ. վերանվանվել է Երևանի թիվ 1 տեխնիկական գրադարան: 
2002 թ. Քանաքեռ-Զեյթուն համայնքի ավագանու 25․02․2002  թիվ 2 որոշմամբ թիվ 1 տեխնիկական գրադարանը օտարվել և անհատույց հատկացվել է «Եվրոպական Ակադեմիա» կրթահամալիրին։ Նույն թվականի վերջին Երևանի Քանաքեռ-Զեյթուն համայնքի թաղապետի թիվ 185 որոշման համաձայն, ելնելով համայնքի բնակչությանը սպասարկելու անհաժեշտությունից,  Զ․ Քանաքեռցու 39 հասցեում գործող թիվ 249 մանկապարտեզի մասնաշենքում նույն գրադարանային ֆոնդի  հիման վրա ստեղծվել է համայնքային կենտրոնական գրադարնն իր մասնաճյուղերով։ 
2005 թ. գրադարանը թիվ 249 մանկապարտեզի մասնաշենքից տեղափոխվել է թիվ 235 մսուր-մանկապարտեզ (այժմ թիվ 158), և առ այսօր շարունակում է իր գործունեությունը Դրոյի 16ա հասցեում։

«Կենտրոնացված գրադարանների համակարգ» ՀՈԱԿ-ի ընդհանուր տարածքը 442 քմ է, որից կենտրոնական գրադարանը՝ 233,58քմ, թիվ 1 մասնաճյուղը՝ 125,31քմ, թիվ 2 մասնաճյուղը՝ 83,87քմ:
Կենտրոնական գրադարանն ունի ֆոնդերի պահպանման և համալրման բաժին, ընթերցասրահ և աբոնեմենտային սպասարկման բաժին: Թիվ 1 և թիվ 2 մասնաճյուղերն ունեն ընթերցասրահ և աբոնեմենտային սպասարկման բաժին:
Գրքային ֆոնդը կազմում է 132 734 միավոր գիրք:

Տնօրեն` Լուսինե Ղալեչյան
Աշխատանքային ժամեր՝ երկուշաբթիից ուրբաթ, ժ. 09:00 - 18:00

Հասցեներ՝ 
Կենտրոնական գրադարան՝ Դրոյի 16ա
Թիվ 1 մասնաճյուղ՝ Մելիքյան
Թիվ 2 մասնաճյուղ՝ Վարշավյան 2 
Հեռ.՝ +(374 10) 284 266