ՔԱՂԱՔԱՊԵՏԻ ՈՐՈՇՈՒՄՆԵՐ

ԵՐԵՎԱՆԻ ՔԱՂԱՔԱՊԵՏ
ՈՐՈՇՈՒՄ

1306-Ա   14.04.2016թ.

ԱՇՈՏ  ՄԽԻԹԱՐՅԱՆԻ  ՀԵՏ  ԿՆՔՎԱԾ  ՀՈՂԱՄԱՍԻ
ՎԱՐՁԱԿԱԼՈԻԹՅԱՆ  ՊԱՅՄԱՆԱԳՐԻ  ԳՈՐԾՈՂՈԻԹՅԱՆ  
ԺԱՄԿԵՏԸ  ԵՐԿԱՐԱՑՆԵԼՈԻ ՄԱՍԻՆ

Վարչական  ակտի  ընդունման  համար  հիմք է հանդիսացել Աշոտ Մխիթարյանի  դիմումը` Երևանի    քաղաքապետի  2004  թվականի  սեպտեմբերի 17-ի  հ. 1819-Ա  և  2012թ.  հունվարի   25-ի հ. 529-Ա որոշումների  հիման վրա, Կոմիտասի պողոտայի   հ. 63 շենքի, իր սեփականությունը հանդիսացող հ.28 մետաղյա ավտոտնակի (անշարժ գույքի նկատմամբ իրավունքների պետական գրանցման հ. 14032012-01-1366 վկայական) զբաղեցրած հողամասի համար կնքված վարձակալության պայմանագրի  գործողության  ժամկետը  երկարացնելու  մասին։
Կոմիտասի պողոտայի   հ.63 շենքի հ.28  մետաղյա ավտոտնակի  կադաստրային  արժեքը   կազմում   է   669469 ՀՀ դրամ։
Ղեկավարվելով <<Երևան քաղաքում տեղական ինքնակառավարման մասին>> Հայաստանի Հանրապետության օրենքի 49-րդ հոդվածով, <<Վարչարարության  հիմունքների      և վարչական վարույթի մասին>> Հայաստանի Հանրապետության օրենքի 3-րդ, 53-րդ, 59-րդ և    60-րդ հոդվածներով, ՀՀ քաղաքացիական օրենսգրքի 466-րդ և 468-րդ հոդվածների 1-ին մասերով, Երևան քաղաքի ավագանու 2015թ. դեկտեմբերի 23-ի հ.451-Ն որոշմամբ   հաստատված հավելվածի 4-րդ գլխի կետերով, հիմք ընդունելով 2012 թվականի մարտի 7-ին  կնքված <<Պայմանագրում փոփոխություններ  և  լրացումներ  կատարելու մասին >> հ. 25/01-Մ-1070  համաձայնագիրը.
1.Լիազորել Արաբկիր  վարչական շրջանի ղեկավար Հովհաննես  Վարդանյանին` Հայաստանի   Հանրապետության  օրենսդրությամբ   սահմանված    կարգով, Երևանի  քաղաքապետի անունից, Աշոտ Մխիթարյանի  հետ  կնքել    համաձայնագիր` Կոմիտասի պողոտայի հ.63 շենքի հ.28 մետաղյա ավտոտնակի  զբաղեցրած 24,7քմ  մակերեսով   հողամասի    համար  2006   թվականի  փետրվարի 16-ին կնքված վարձակալության  հ. 106/6-ՊՓ պայմանագրի գործողության ժամկետը  երկարացնելու մասին.
1) պայմանագրի 16-րդ կետում, նոր պարբերությամբ կատարել հետևյալ լրացումը.
<<Կողմերի միջև կնքված համաձայնագրի հիման վրա պայմանագրի գործողության ժամկետը երկարացվել  է  մինչև  2018 թվականի  դեկտեմբերի  31-ը :>>:
2. Ընդունել ի գիտություն, որ սույն որոշման առաջին կետում  նշված համաձայնագիրը ենթակա է պետական գրանցման` անշարժ գույքի պետական ռեգիստրի  համապատասխան տարածքային  ստորաբաժանումում։
3.Սույն որոշումը  կարող  է վարչական կարգով բողոքարկվել Երևանի քաղաքապետին` դրա ուժի մեջ մտնելու օրվանից երկու ամսվա ընթացքում կամ դատական կարգով Հայաստանի Հանրապետության վարչական դատարան` երկամսյա  ժամկետում։
4. Որոշման  կատարման  կազմակերպումն  ու  պատասխանատվությունը  դնել  Երևանի   Արաբկիր  վարչական  շրջանի    ղեկավարի  վրա:
5.Սույն որոշման կատարման  ընթացքի նկատմամբ հսկողությունն ապահովում է  Երևանի քաղաքապետարանի աշխատակազմի քարտուղարը։

ԵՐԵՎԱՆԻ  ՔԱՂԱՔԱՊԵՏ                                                             Տ.ՄԱՐԳԱՐՅԱՆ