ՔԱՂԱՔԱՊԵՏԻ ՈՐՈՇՈՒՄՆԵՐ

ԵՐԵՎԱՆԻ ՔԱՂԱՔԱՊԵՏ

ՈՐՈՇՈՒՄ

2095-Ա, 06.07.2015թ.

 

ԲԱՇԻՆՋԱՂՅԱՆ ՓՈՂՈՑԻ «ՄԵՏԵՈ ՏՎ»-Ի ԴԻՄԱՑ ՍԵՓԱԿԱՆՈՒԹՅԱՆ
ԻՐԱՎՈՒՆՔՈՎ ՄՀԵՐ ԱՎԱԳՅԱՆԻՆ ՊԱՏԿԱՆՈՂ ՇԻՆՈՒԹՅԱՆ (ԽՈՐՏԿԱՐԱՆԻ) ԶԲԱՂԵՑՐԱԾ ՀՈՂԱՄԱՍՆ ՈՒՂՂԱԿԻ ՎԱՃԱՌՔԻ ՁԵՎՈՎ ՕՏԱՐԵԼՈՒ ԵՎ ՀԱՍՑԵ ՏՐԱՄԱԴՐԵԼՈՒ ՄԱՍԻՆ

Վարչական ակտի ընդունման համար հիմք է հանդիսացել Մհեր Ավագյանի դիմումը՝ Բաշինջաղյան փողոցի «Մետեո ՏՎ»-ի դիմաց, սեփականության իրավունքով իրեն պատկանող շինության (խորտկարանի) (անշարժ գույքի սեփականության (օգտագործման) իրավունքի գրանցման 24.08.2005թ. հ.2656692 վկայական) զբաղեցրած հողամասն ուղղակի վաճառքի միջոցով օտարելու մասին։
Քննարկվող՝ 63.2քմ մակերեսով հողամասը (ծածկագիր՝ 01-001-013-031) ընդգրկված չէ ՀՀ հողային օրենսգրքի 60-րդ հոդվածի սահմանափակումների ցանկում և գտնվում է Երևան քաղաքի հողերի տարածագնահատման 7-րդ գոտում:
Ղեկավարվելով «Երևան քաղաքում տեղական ինքնակառավարման մասին» Հայաստանի Հանրապետության օրենքի 49-րդ հոդվածով, «Վարչարարության հիմունքների և վարչական վարույթի մասին» Հայաստանի Հանրապետության օրենքի 3-րդ, 53-րդ, 59-րդ և 60-րդ հոդվածներով, ՀՀ հողային օրենսգրքի 66-րդ հոդվածի 1-ին մասի 3-րդ կետով, Երևան քաղաքի ավագանու 2014 թվականի դեկտեմբերի 23-ի հ.270-Ն որոշմամբ հաստատված ծրագրի 48-րդ կետով (ծածկագիր՝ 01-001-013-031), հաշվի առնելով ՀՀ քաղաքաշինության նախարարության գրությունը, ինչպես նաև Երևանի քաղաքապե-տարանի աշխատակազմի ճարտարապետության և քաղաքաշինության վարչության 16.02.2015թ. հ.18-06/1-Ա-696 և 23.03.2015թ. h.18-06/2-14738 եզրակացությունները.
1. Բաշինջաղյան փողոցի «Մետեո ՏՎ»-ի դիմաց, Մհեր Ավագյանին սեփականության իրավունքով պատկանող շինության (խորտկարանի) զբաղեցրած 63.2քմ մակերեսով հողամասն ուղղակի վաճառքի ձևով օտարել (վաճառել) իրեն՝ Երևան քաղաքի հողերի տարածագնահատման 7-րդ գոտու կադաստրային արժեքով, որը կազմում է 285 920 (երկու հարյուր ութսունհինգ հազար ինը հարյուր քսան) ՀՀ դրամ և փոխանցել Երևանի քաղաքապետարանի 900015211320 հաշվեհամարին (հողի օտարումից եկամուտներ)։
2. ՀՀ կառավարության 2005թ. դեկտեմբերի 15-ի հ.2330-Ն որոշմամբ հաստատված Երևան քաղաքի գլխավոր հատակագծի համաձայն՝ Բաշինջաղյան փողոցի «Մետեո ՏՎ»-ի դիմաց գտնվող 63.2քմ մակերեսով հողամասի նպատակային և գործառնական նշանակությունները սահմանել համապատասխանաբար բնակավայրերի և խառը կառուցապատման:
3. Լիազորել Երևանի քաղաքապետարանի աշխատակազմի անշարժ գույքի կառավարման վարչության պետ Արսեն Ամյանին` Երևանի քաղաքապետի անունից, հողօգտագործողի հետ կնքել հողամասի ուղղակի վաճառքի պայմանագիր:
4.Հողամասի սահմանները որոշվում են 16.08.2005թ. թողարկված հ.15231-2005 գլխավոր հատակագծով։
5. Ընդունել ի գիտություն, որ հողամասի ուղղակի վաճառքի պայմանագրից ծագող իրավունքը ենթակա է պետական գրանցման անշարժ գույքի պետական ռեգիստրի համապատասխան ստորաբաժանումում:
6. Տեղեկացնել հողօգտագործողին, որ սույն որոշման կայացման օրվանից 15-օրյա ժամկետում հողամասի կադաստրային արժեքը չվճարելու դեպքում՝ որոշումը համարվում է ուժը կորցրած։
7. Սեփականության իրավունքով Մհեր Ավագյանին պատկանող (անշարժ գույքի սեփականության (օգտագործման) իրավունքի գրանցման 24.08.2005թ. հ.2656692 վկայական) շինությանը (խորտկարան) տրամադրել «Ռուստամյան փողոց, հ.34/3» հասցեն։
8. Սույն որոշումը կարող է վարչական կարգով բողոքարկվել Երևանի քաղաքապետին՝ դրա ուժի մեջ մտնելու օրվանից 2(երկու) ամսվա ընթացքում կամ դատական կարգով Հայաստանի Հանրապետության վարչական դատարան՝ երկամսյա ժամկետում:
9.Որոշման կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի ճարտարապետության և քաղաքաշինության, անշարժ գույքի կառավարման վարչությունների պետերի վրա։
10. Սույն որոշման կատարման ընթացքի նկատմամբ հսկողությունն ապահովում է Երևանի քաղաքապետարանի աշխատակազմի քարտուղարը:

 

 

ԵՐԵՎԱՆԻ ՔԱՂԱՔԱՊԵՏ                                                                     Տ.ՄԱՐԳԱՐՅԱՆ