ՔԱՂԱՔԱՊԵՏԻ ՈՐՈՇՈՒՄՆԵՐ

ԵՐԵՎԱՆԻ   ՔԱՂԱՔԱՊԵՏ  
ՈՐՈՇՈՒՄ   

28-Ա  11.01.2019թ.   

ԲԱԲԱՋԱՆՅԱՆ ՓՈՂՈՑԻ Հ.21 ՇԵՆՔԻ ՏԱՐԱԾՔՈՒՄ ԳՏՆՎՈՂ ԱՎՏՈՏՆԱԿԻ
ԶԲԱՂԵՑՐԱԾ ՀՈՂԱՄԱՍԻ ՀԱՄԱՐ ԿՆՔՎԱԾ  ՎԱՐՁԱԿԱԼՈՒԹՅԱՆ ՊԱՅՄԱՆԱԳՐԻ ԳՈՐԾՈՂՈՒԹՅԱՆ ԺԱՄԿԵՏԸ ԵՐԿԱՐԱՑՆԵԼՈՒ, ՊԱՅՄԱՆԱԳՐՈՒՄ ՓՈՓՈԽՈՒԹՅՈՒՆՆԵՐ ՈՒ ԼՐԱՑՈՒՄՆԵՐ ԿԱՏԱՐԵԼՈՒ, ՀԱՍՑԵ ՏՐԱՄԱԴՐԵԼՈՒ   ՄԱՍԻՆ

Վարչական ակտի ընդունման համար հիմք է հանդիսացել Նինա, Ջուլետա և  Տիգրան Հովհաննիսյանների դիմումը` Երևանի քաղաքապետի 1998թվականի հոկտեմբերի 2-ի հ.756 որոշման հիման վրա, Բաբաջանյան փողոցի հ.21շենքի տարածքում գտնվող, ըստ օրենքի ժառանգության իրավունքի 2018թվականի դեկտեմբերի 6-ի հ.3695, հ.3696 և հ.3697 վկայագրերով իրենց ավտոտնակի զբաղեցրած հողամասի համար կնքված վարձակալության պայմանագրի գործողության ժամկետը երկարացնելու և անվանափոխություն կատարելու մասին:       
Բաբաջանյան փողոցի հ.21 շենքի տարածքում գտնվող ավտոտնակի կադաստրային արժեքը կազմում է  540 726.0 ՀՀ դրամ:                             
Ղեկավարվելով <<Երևան քաղաքում տեղական ինքնակառավարման մասին>>  օրենքի 49-րդ հոդվածով, <<Վարչարարության հիմունքների և վարչական վարույթի մասին>> օրենքի 3-րդ, 53-րդ, 59-րդ և 60-րդ հոդվածներով, քաղաքացիական օրենսգրքի   466-րդ և 468-րդ հոդվածների 1-ին մասերով և ՀՀ կառավարության 2005 թ. դեկտեմբերի 29-ի  հ.2387-Ն  որոշմամբ, Երևան քաղաքի ավագանու  2018թ. դեկտեմբերի 25-ի  հ.41-Ն որոշմամբ հաստատված հավելվածի դրույթներով, հաշվի առնելով <<Հողի և ունեցվածքի գործառնություններ>> ՓԲԸ-ի 21.12.2018թ. հ.20/2Ե-787 գրությունը.
1.Լիազորել Երևանի Մալաթիա-Սեբաստիա վարչական շրջանի ղեկավար Դ.Կարապետյանին` Հայաստանի Հանրապետության օրենսդրությամբ սահմանված կարգով, Երևանի քաղաքապետի  անունից, Նինա, Ջուլետա և  Տիգրան Հովհաննիսյանների հետ կնքել համաձայնագիր` Բաբաջանյան փողոցի հ.21շենքի տարածքում գտնվող ավտոտնակի զբաղեցրած 34.65քմ մակերեսով հողամասի համար 1998 թվականի հոկտեմբերի 15-ին կնքված վարձակալության հ.07/114 պայմանագրի գործողության ժամկետը երկարացնելու և դրանում փոփոխություններ ու լրացումներ կատարելու մասին` ներառելով պայմանագրի հետևյալ փոփոխություններն ու լրացումները.
1)պայմանագրում «Հակոբ Հովհաննիսյան» բառերը փոխարինել «Նինա Հովհաննիսյան, Ջուլետա Հովհաննիսյան, Տիգրան Հովհաննիսյան» բառերով.
2)պայմանագրի 19-րդ կետում, նոր պարբերությամբ կատարել հետևյալ լրացումը.
<<Կողմերի միջև կնքված համաձայնագրի հիման վրա պայմանագրի գործողության ժամկետը երկարացվել է մինչև 2021 թվականի հունվարի 1-ը:>>.
3)պայմանագրի 4-րդ կետում նշված «1ՀԱ-861.5400» բառը և թվերը փոխարինել «1քմ-4524.0» բառով և թվերով.
4)պայմանագրի 5.2 ենթակետից հանել <<(այդ թվում` իրականացնել կապիտալ շինարարություն)>> բառերը.
5)պայմանագրի 5.5 ենթակետից հանել <<կամ օտարել հողի վրա կատարված բարելավումները և ամրակայված գույքը հօգուտ՝ Վարձատուի>> բառերը.
6)պայմանագրի 7-րդ կետը լրացնել  նոր` 7.6 և 7.7 ենթակետերով, հետևյալ բովանդակությամբ.
<<7.6 Վարձակալված հողամասի օգտագործման նպատակի փոփոխման անհրաժեշտության դեպքում վարձատուն  իրավունք  ունի, նախապես մեկ ամիս առաջ տեղեկացնելով  վարձակալին, սահմանված կարգով հրաժարվել պայմանագրից:>>.
<<7.7. Երևան համայնքի կամ Երևանի քաղաքապետարանի կողմից հավանության արժանացած քաղաքաշինական կամ ներդրումային ծրագրերի իրականացմամբ կամ բակային, միջբակային տարածքների քաղաքաշինական կանոնակարգմամբ, ինչպես նաև Երևան համայնքի կողմից կամ մասնակցությամբ այլ ծրագրերի իրականացման կամ հանրային նշանակության այլ խնդիրների կարգավորմամբ պայմանավորված՝ վարձատուն իրավունք ունի միակողմանի հրաժարվել սույն պայմանագրից, որի դեպքում պայմանագիրը համարվում է լուծված /դադարած/՝ պայմանագրից միակողմանի  հրաժարվելու մասին ծանուցումը վարձակալի կողմից ստանալու պահից երեք ամիսը լրանալուն հաջորդող օրը, իսկ սույն պայմանագրից ծագող վարձակալության իրավունքի պետական գրանցումն ուժը կորցրած է ճանաչվում՝ <<Գույքի նկատմամբ իրավունքների պետական գրանցման մասին>> օրենքի 35-րդ հոդվածի 3-րդ մասի 1-ին կետի համաձայն՝ վարձատուի դիմումի հիման վրա:>>.  
7)պայմանագրի 9-րդ կետը շարադրել  հետևյալ բովանդակությամբ.
<<9. Հողամասի տարեկան վճարը կազմում է տվյալ հողամասի կադաստրային արժեքի 3 տոկոսը, որը 4703 Հայաստանի Հանրապետության դրամ է: Պայմանագրի կնքման պահին հողամասի կադաստրային արժեքը 1քմ-ի  համար կազմում է 4524 Հայաստանի Հանրապետության դրամ:>>.
8)պայմանագրի 13-րդ կետում <<103004220044>> թիվը փոխարինել <<900055040068>> թվով.
9)պայմանագրի 15-րդ և 16-րդ կետերում <<0.25>> թիվը փոխարինել <<0.05>> թվով:
2.Բաբաջանյան փողոցի հ.21 շենքի տարածքում գտնվող ավտոտնակին տրամադրել <<Ա.Բաբաջանյան փողոց, հ.21 շենք, ավտոտնակ հ.5>>  հասցեն:
3.Հանձնարարել Երևանի քաղաքապետարանի աշխատակազմի անշարժ գույքի կառավարման վարչությանը` սույն որոշման հիման վրա տրամադրված անշարժ գույքի հասցեի վերաբերյալ տեղեկատվությունը 3  աշխատանքային օրվա ընթացքում առաքել անշարժ  գույքի պետական  ռեգիստրի Երևանի տարածքային ու ՀՀ ոստիկանության  Երևան քաղաքի համապատասխան ստորաբաժանմանը և բաժնին, Մալաթիա-Սեբաստիա վարչական շրջանի ղեկավարին:              
4.Ընդունել ի գիտություն, որ սույն որոշման 1-ին կետում նշված համաձայնագրից ծագող իրավունքը ենթակա է պետական գրանցման անշարժ գույքի պետական ռեգիստրի համապատասխան ստորաբաժանումում:
5.Սույն որոշումը կարող է վարչական կարգով բողոքարկվել Երևանի քաղաքապետին`  դրա ուժի մեջ մտնելու օրվանից երկու ամսվա ընթացքում կամ դատական կարգով` Հայաստանի Հանրապետության վարչական դատարան` երկամսյա ժամկետում:
6.Որոշման կատարման կազմակերպումն ու պատասխանատվությունը դնել Երևանի Մալաթիա-Սեբաստիա վարչական շրջանի ղեկավարի, Երևանի քաղաքապետարանի աշխատակազմի անշարժ գույքի կառավարման վարչության պետի` վրա:
7.Սույն որոշման կատարման ընթացքի նկատմամբ հսկողությունն ապահովում է Երևանի քաղաքապետարանի աշխատակազմի քարտուղարը:

ԵՐԵՎԱՆԻ ՔԱՂԱՔԱՊԵՏ                        Հ.ՄԱՐՈՒԹՅԱՆ