Երևանի քաղաքապետ Տարոն Մարգարյանի նախաձեռնությամբ Երևան քաղաքի և ՀՀ մարզերի միջև ձևավորված համագործակցության շրջանակում Սևան քաղաքի քաղաքապետարանի աշխատակիցներն այցելել էին Էրեբունի վարչական շրջանի աշխատակազմ: Փորձի փոխանակման նպատակով կազմակերպված քննարկման ընթացքում կողմերը ներկայացրել են մանկապարտեզներում իրականացվող տարաբնույթ աշխատանքները, կազմակերպել քննարկում դրանց արդյունավետության բարձրացման ուղղությամբ: Հանդիպման վերջում Էրեբունի վարչական շրջանի ղեկավարի անունից Սևանի մանկապարտեզներին նվիրաբերվել է մեթոդական գրականություն:

Երևանի քաղաքապետարանի տեղեկատվության
և հասարակայնության հետ կապերի վարչություն