Փակել
Վարդավառի ջրառատ մթնոլորտ` Աջափնյակ վարչական շրջանում
Վարդավառի տոնի առիթով Աջափնյակ վարչական շրջանում կազմակերպված մեծ միջոցառումը տեղի է ունեցել «Արմենիա» բժշկական կենտրոնին հարող լողավազանի տարածքում, ուր մասնակիցներին բաժանվել են դույլեր, ջրային խաղալիքներ:
Տեղում վարչական շրջանի աշխատակազմի ներկայացուցիչները երեխաներին զովացուցիչ ըմպելիքներ էլ են հյուրասիրել:
Ջրային տոնի մասնակիցներին դույլեր են բաժանվել նաև Աջափնյակի Հալաբյան փողոցի 21,23 շենքերի լողավազանի և 16-րդ թաղամասի 2-րդ շղթայի տարածքում գտնվող լողավազանի հարակից հատվածում:
Վարդավառին նվիրված ուրախ միջոցառումներ են ընթացել նաև Աջափնյակ վարչական շրջանի բազմաթիվ այլ բակերում:
Երևանի քաղաքապետարանի տեղեկատվության
և հասարակայնության հետ կապերի վարչություն
Լուսանկարներ
