Փակել
2025 թվականի ընթացքում իրականացրած աշխատանքների վերաբերյալ
Սպորտի եվ երիտասարդության հարցերի վարչության կողմից 2025 թվականի ընթացքում անցկացվել են 11 միջազգային մրցաշարեր, որոնց մասնակցել են շուրջ 1415 մարզիկներ հետևյալ մարզաձևերից՝ վոլեյբոլ, բասկետբոլ, սեղանի թենիս, ձյուդո, մարմնամարզություն, բադմինթոն, թենիս, բռնցքամարտ, հունահռոմեական ոճի և ազատ ոճի ըմբշամարտ, գեղասահք։
Անցկացվել են 10 քաղաքային առաջնություններ՝ 453 մարզիկների մասնակցությամբ և 6 համաքաղաքային մասսայական միջոցառումներ՝ 2269 մասնակիցներով:
Փետրվար ամսին Ջերմուկում անցկացվել են Համահայկական ձմեռային 2-րդ խաղերը, որին մասնակցել են աշխարհի 18 երկրից ժամանած ավելի քան 1340 պատվիրակներ։ Երևանը ներկայացնող թիմը ընդհանուր մեդալային հաշվարկով զբաղեցրել է պատվավոր 1-ին հորիզոնականը։
Ուսումնամարզական գործընթացի արդյունավետ կազմակերպման համար համայնքի ենթակայության մարզադպրոցները համալրվել են միջազգային ստանդարտներին համապատասխան մարզագույքով։
Ընդհանուր թվով Երևան համայնքում կառուցվել են թվով 14 Workout մարզահրապարակներ։
Հայաստանի ֆուտբոլի ֆեդերացիայի հետ համատեղ կառուցվել են ՖԻՖԱ-ի ստանդարտներին համապատասխան, 20x40 չափերի արհեստական խոտածածկով 8 ֆուտբոլի դաշտեր։
«ֆուտբոլը դպրոցներում» կրթական ծրագրի շրջանակում Երևան համայնքում անցկացվել են բակային ֆուտբոլի առաջնություններ, որոնց մասնակցել են 7-րդ և 9-րդ դասարանների շուրջ 6000 երեխաներ։
Սպորտի և երիտասարդության հարցերի վարչության կողմից անցկացրած որոշ մարզական միջոցառումներ ընդգրկվել են Եվրոպական մարզական ասոցիացիաների օրացուցային պլանում։
Կայացել են մի շարք հանդիպումներ Երևանի քաղաքապետ Տիգրան Ավինյանի և Միջազգային մի քանի մարզական ֆեդերացիաների ղեկավարների հետ, ինչպես նաև սպորտային հրաձգության Եվրոպայի կոնֆեդերացիայի նախագահ Ալեքսանդր Ռատների հետ։
Բռնցքամարտի միջազգային մրցաշարերը բարձր մակարդակով կազմակերպելու համար EUBC Եվրոպայի բռնցքամարտի կոնֆեդերացիայի նախագահ Ioannis Filippatos-ը Տիգրան Ավինյանին է փոխանցել Շնորհակալական նամակ և հուշանվեր։
2025թ տեղի է ունեցել Ալբերտ Ազարյանի անվան մարմնամարզության օլիմպիական հերթափոխի մանկապատանեկան մարզադպրոցի հիմնարկեքի արարողությունը։ Մարզադպրոցը կառուցվում է «Հրազդան» մարզադաշտի հարևանությամբ և նախատեսվում է շինաշխատանքներն ավարտին հասցնել 2026թ․ նոյեմբերին։
Մենապայքարային մարզաձևերի բարձրագույն վարպետության համալիր մարզադպրոցի նախագծման փուլն արդեն ավարտված է, ներկա պահին գործընթացը գտնվում է համալիր փորձաքննության փուլում։
2026թ Մալաթիա-Սեբաստիա վարչական շրջանում նախատեսվել է կառուցել թեթև աթլետիկայի մարզադպրոց։ Ծրագիրը գտնվում է նախագծման փուլում։
ՀՀ թենիսի և բասկետբոլի ֆեդերացիաների հետ համատեղ նախատեսվում է հիմնել թենիսի և բասկետբոլի ակադեմիաներ։ Նախագիծը քննարկման փուլում է։
Աջափնյակ և Նոր Նորք վարչական շրջաններում նախատեսվում են կառուցել համալիր մարզաձևերի մարզադպրոցներ։ Կազմվել է նախագիծ, որն անցել է պարզ և համալիր փորձաքննություն։ Շինարարության սկիզբը 2026 թվականին է։
2022-2025թթ. ընթացքում Հայկական Կարմիր խաչի հետ համագործակցության շրջանակներում, անց ենք կացրել առաջին հոգեբանական օգնության և առաջին օգնության դասընթացներ՝ համայնքի մարզական կազմակերպությունների մարզիչ-մանկավարժների և աշխատակիցների համար։