AIMF-ին անդամակցում է 42 երկրի 88 քաղաք, որոնց թվում են Երևանի հետ համագործակցող Լիոնը, Մարսելը, Փարիզը և Մոնրեալը:

AIMF-ին Երևանի անդամակցելու մասին որոշումն ընդունվել է 1998թ. մայիսի 30-ից հունիսի 1-ը Բեյրութում կայացած 18-րդ գլխավոր ասամբլեայի ժամանակ:
2004թ. Ուագադուգուի (Բուրկինա Ֆասո) գագաթաժողովում Հայաստանը դարձավ այդ կազմակերպության դիտորդ, իսկ 2008թ. հոկտեմբերին` ասոցացված անդամ։
Երևանի քաղաքապետի գլխավորած պատվիրակությունը  2009թ. սեպտեմբերի 29-ին  մասնակցեց Փարիզում   տեղի ունեցած  ապակենտրոնացված համագործակցության հայ-ֆրանսիական խորհրդակցությունների նախապատրաստական ժողովին, իսկ հոկտեմբերի 2-ին` Ֆրանսախոս քաղաքապետների միջազգային ասոցիացիայի (AIMF) 30-րդ գլխավոր վեհաժողովի բացման արարողությանը
Ասոցիացիայի բյուրոյի որոշմամբ AIMF-ի ամենամյա 31-րդ գագաթաժողովը 2011թ. հոկտեմբերի 24-27-ը հյուրընկալվեց Երևանում: «Տարածքների միջև կապերի ամրապնդում» թեմայով գագաթնաժողովի աշխատանքներին մասնակցեցին շուրջ 45 երկրների մոտ 300 պատվիրակներ, այդ թվում` 117 քաղաքապետներ: Քննարկումների գլխավոր առանցքը տեղական կառավարման ծառայությունների որակի բարելավումն էր:

2013թ. նոյեմբերի 14-16-ը Երևանի քաղաքապետի գլխավորած պատվիրակությունը Փարիզում մասնակցել է Ֆրանսախոս քաղաքապետների միջազգային ասոցիացիաի /AIMF/ 33-րդ գլխավոր համաժողովին։ Այս տարվա համաժողովի թեման է եղել «Ֆրանկոֆոն տեղական դերակատարները. նրանց գործողությունները՝ ի օգուտ հասարակական և համերաշխ տնտեսության»:

2014թ. նոյեմբերին Կինշասայում կայացած AIMF 34–րդ գլխավոր համաժողովի ժամանակ բյուրոն իր համաձայնությունն է տվել ֆինանսական աջակցություն ցուցաբերել Երևանի Նոր Նորքի կենտրոնական գրադարանին՝ ֆրանսախոսների անկյուն ստեղծելու նպատակով։ 2015թ. մայիսի 13-17-ը Երևան էր ժամանել Ֆրանսախոս քաղաքապետների միջազգային ասոցիացիայի մշտական քարտուղար Պիեր Բայեն՝ երկկողմ հարցեր քննարկելու և Նոր Նորքի կենտրոնական գրադարանին աջակցության համաձայնագրի ստորագրման նպատակով։

Փարիզի քաղաքապետ, Ֆրանսախոս քաղաքապետների միջազգային ասոցիացիայի նախագահ Ան Իդալգոյի հրավերով Երևան քաղաքի պատվիրակությունը 2015 թվականի հոկտեմբերի 6-10-ը Թունիսի մայրաքաղաք Թունիսում մասնակցել է Ֆրանսախոս քաղաքապետների միջազգային ասոցիացիայի հերթական գլխավոր համաժողովին:

Երևանի քաղաղաքապետարանի և Ֆրանսախոս քաղաքապետների միջազգային ասոցիացիայի համագործակցության շրջանակներում Երևանի Նոր Նորք կենտրոնական գրադարանում բացվել է ֆրանկոֆոնիայի անկյուն, ինչպես նաև Երևանի հ. 48 և հ. 78 հիմնական դպրոցներում բացվել են լինգաֆոնային դասասենյակներ, վերանորոգվել և տեխնիկայով են համալրվել Երևանի Ալ. Սպենդիարյանի անվան երաժշտական մասնագիտական դպրոցի գրադարանը, Ղ. Սարյանի անվ. արվեստի դպրոցի և Ավ. Իսահակյանի անվան կենտրոնական գրադարանի ֆրանսիական անկյունները։

Փարիզի քաղաքապետ, Ֆրանսախոս քաղաքապետների միջազգային ասոցիացիայի նախագահ Ան Իդալգոյի հրավերով Երևան քաղաքի ավագանու ադամ Նատալյա Լափաուրին 2016 թվականի սեպտեմբերի 28-30-ը Լիբանանի Հանրապետության մայրաքաղաք Բեյրութում մասնակցել է Ֆրանսախոս քաղաքապետների միջազգային ասոցիացիայի հերթական գլխավոր համաժողովին:

Երևանի քաղաքապետարանի և AIMF-ի համագործակցության շրջանակներում նախատեսվում էր իրականացնել «Էրեբունի հնավայրի պահպանման, պատմամշակութային արժևորման, զբոսաշրջության խթանման և տուրիստական ծառայությունների ընդլայնում» ծրագիրը: 2020թ. ասոցիացիայի կողմից տրամադրվել է 50000 եվրոյի ֆինանսական աջակցություն՝ արցախյան պատերազմից տուժած անձանց օժանդակելու համար:
2022թ. ապրիլին ստորագրվել է «Էրեբունի հնավայրի պահպանման, պատմամշակութային արժևորման, զբոսաշրջության խթանման և տուրիստական ծառայությունների ընդլայնում» ծրագրի համաձայնագիրը: