Փակել
Գրքի տոնը Երևանում
Երևանի քաղաքապետարանի նախաձեռնությամբ մայրաքաղաքում գրքի տոնը նշվեց Շառլ Ազնավուրի անվան հրապարակում՝ գրքերի բացօթյա տոնավաճառով:
10 հրատարակչությունները տաղավարներում ներկայացրեցին նոր հրատարակված գրականություն՝ հատուկ զեղչերով:
Պոեզիայի անկյունում հայտնի ու սիրված դերասանները ընթերցեցին ժամանակակից և անվանի հեղինակների ստեղծագործությունները: Ձևավորված էր նաև գրադարան՝ բաց երկնքի տակ:
Հատուկ երեխաների համար խամաճիկների շարժական թատրոնն էր ներկայացումներ պատրաստել: Բացի այդ կազմակերպվեցին հեքիաթների ընթերցանություններ, մուլտֆիլմերի դիտումներ՝ բացօթյա կինոթատրոնում:
Համերգային ծրագրում «Կաթիլ», «Նեմրա» և «Թմբաթա» խմբերն էին:
