Աշխատակազմի անշարժ գույքի կառավարման վարչության 2023 թվականի ամփոփ գործունեությունը

Երևանի քաղաքապետարանի աշխատակազմի անշարժ գույքի կառավարման վարչության կողմից իրականացվում են Երևան համայնքի սեփականությունը հանդիսացող բնակելի և ոչ բնակելի տարածքների ուսումնասիրման, գույքագրման, տեղում փաստացի իրավիճակի ուսումնասիրման, ինչպես նաև Երևան համայնքի անվամբ իրավունքի պետական գրանցման աշխատանքներ: Վարչության գործառույթներից է Երևանում քանդման ենթակա 4-րդ կարգի վթարային շենքերից բնակիչների վերաբնակեցման գործընթացի կազմակերպումը՝ համապատասխան ֆոնդի առկայության պարագայում, որն իրականացվում է յուրաքանչյուր տարի հաստատվող համայնքային սեփականություն հանդիսացող գույքը օգտագործման տրամադրելու և օտարման տարեկան ծրագրով սահմանված դրույթներին համապատասխան:
Աշխատակազմի անշարժ գույքի կառավարման վարչության կողմից 2023 թվականի ընթացքում իրականացվել է Արցախի պողոտայի 4-րդ նրբ., հ.10, հ.10/1 հանրակացարանային շենքերի բնակիչների մասնակի, իսկ  Արցախի պողոտայի 4-րդ նրբ., հ.10 /նախկին 5-րդ ուսումնարանի մարզադահլիճի մասնաշենք/ հանրակացարանային շենքի բնակիչների ամբողջական վերաբնակեցումը:

Ներկայումս Երևանում առկա 4-րդ կարգի վթարային շենքերն են. 
1. Կողբացի փողոցի հ.41
2. Արցախի պողոտայի 4-րդ նրբանցքի հ.10
3. Արցախի պողոտայի 4-րդ նրբանցքի հ.10/1
4. Շիրակի փողոցի հ.60
5. Արզումանյան փողոցի հ.10
6. Արզումանյան փողոցի հ.12 (3-րդ մուտքը՝ 4-րդ կարգի, 1-ին մուտքը՝ 3-րդ կարգի, 2-րդ մուտքը՝ 3-4-րդ կարգի)
7. Արզումանյան փողոցի հ.17 (3-րդ մուտքը՝ 4-րդ կարգի, 1-2 մուտքերը՝ 2-րդ կարգի)
8. Ֆուչիկի փողոցի հ.23:
9. Վարդաշենի 6-րդ փողոցի հ.68ա
10. Վարդաշենի 6-րդ փողոցի հ.66/1:
11.Մարգարյան փող., 2-րդ նրբանցքի հ. 2 շենքի 3-րդ և 4-րդ մուտքեր:

***

Աշխատակազմի անշարժ գույքի կառավարման վարչության կողմից իրականացվել են hետևողական աշխատանքներ Երևան համայնքի սեփականությունը հանդիսացող զբոսայգիներում, այգիներում, գետնանցումներում, բենզալցակայաններում, հանքավայրերում վարձակալության և/կամ կառուցապատման իրավունքով տրամադրված հողամասերի համար կնքված պայմանագրերով ֆիզիկական և իրավաբանական անձանց կողմից պայմանագրով նախատեսված պարտավությունների կատարման և վարձավճարները Երևան քաղաքի ավագանու 2022 թվականի դեկտեմբերի 27-ի N 694-Ն որոշմամբ սահմանված չափորոշիչներին համապատասխանեցնելու նպատակով: Աշխատանքներ են իրականացվել շենք-շինությունների և հողամասերի գործառնական և նպատակային նշանակությունների փաստացի օգտագործմանը համապատասխանեցնելու նպատակով։ Ճշտվել են Երևանի Հաղթանակ, Չարբախ, Նորագավիթ, Նուբարաշեն, Սիլիկյան և Մուշավան, ինչպես նաև այլ թաղամասերում տնամերձ, բնակարանային շինարարության համար հատկացված հողամասերի սահմանները։ 
ՀՀ կառավարության 2005 թվականի դեկտեմբերի 29-ի հ.2387-Ն որոշման շրջանակներում, աշխատակազմի անշարժ գույքի կառավարման վարչության կողմից Երևանում գտնվող 7902 գույքերի (շենք-շինություններ և հողամասեր) տրամադրվել են հասցեներ:
Վարչության համապատասխան մասնագետների կողմից իրականացված Երևան համայնքի սեփականություն հանդիսացող գույքերի (բնակելի, ոչ բնակելի տարածքներ, հողամասեր) հաշվառման, գույքագրման և համապատասխան ցանկերը կազմելու շնորհիվ կազմվել է Երևան համայնքի սեփականություն հանդիսացող գույքի ցանկը, որը հաստատվել է Երևան քաղաքի ավագանու 15.03.2023թ. հ.726-Ա որոշմամբ:
Անշարժ գույքի կառավարման վարչության կողմից իրականացվել են աշխատանքներ՝ կապված Երևան քաղաքի սեփականությունը հանդիսացող, դեռևս չգրանցված գույքերի հայտնաբերման, ուսումնասիրման և Երևան համայնքի անվամբ իրավունքի պետական գրանցման հետ:
Իրականացվել են Հայաստանի Հանրապետության կառավարության 2018 թվականի դեկտեմբերի 6-ի հ.1419-Ն որոշմամբ հաստատված կարգի համաձայն Երևանի քաղաքապետին առաջարկված և բնակարանային հարցերի հանձնաժողովի քննարկմանը ներկայացված՝ հաշմանդամության զինվորական կենսաթոշակի իրավունք ունեցող նախկին զինծառայողների և զոհված (մահացած) զինծառայողների ընտանիքների բնակարանային հաշվառման գործերի փաստաթղթերի հավաքման և դրանց համապատասխանեցման գործողություններ: Հաշվետու ժամանակաշրջանում Երևանի քաղաքապետի կողմից կայացվել է բնակպայմանների բարելավման հաշվառման վերաբերյալ 38 որոշում:

***

Անշարժ գույքի կառավարման վարչության կողմից շարունակվում է ֆիզիկական և իրավաբանական անձանց ընդունելությունը՝ ամեն երկուշաբթի՝ ժամը 16:00-ից մինչև 18:00: Ընդունելությանը մասնակցելու համար անհրաժեշտ է նախապես՝ Երևանի քաղաքապետի 30.07.2013թ. հ 1870-Ա որոշման դրույթներին համաձայն դիմում-հայտ ներկայացնել Երևանի քաղաքապետարանի «Մեկ պատուհան»-ում: