Երևանի քաղաքապետարանի աշխատակազմի անշարժ գույքի կառավարման վարչության կողմից իրականացվում են Երևան համայնքի սեփականությունը հանդիսացող բնակելի և ոչ բնակելի տարածքների ուսումնասիրման, գույքագրման, տեղում փաստացի իրավիճակի ուսումնասիրման, ինչպես նաև Երևան համայնքի անվամբ իրավունքի պետական գրանցման հետ կապված աշխատանքներ:
Վարչության գործառույթներից է Երևանում քանդման ենթակա 4-րդ կարգի վթարային շենքերից բնակիչների վերաբնակեցման գործընթացի կազմակերպումը՝ համապատասխան ֆոնդի առկայության պարագայում, որն իրականացվում է յուրաքանչյուր տարի հաստատվող համայնքային սեփականություն հանդիսացող գույքը օգտագործման տրամադրելու և օտարման տարեկան ծրագրով սահմանված դրույթներին համապատասխան:
Երևանի քաղաքապետարանում հաշվառվել են 4-րդ կարգի վթարային 12 շենք:

Հ/Հ ՇԵՆՔԵՐԻ ՀԱՍՑԵՆԵՐԸ

Կենտրոն վարչական շրջան
1 Կողբացի փողոցի հ.41
Շենգավիթ վարչական շրջան
2 Արցախի պողոտայի 4-րդ նրբանցքի հ.10
3 Արցախի պողոտայի 4-րդ նրբանցքի հ.10/1
4 Արցախի պողոտայի 4-րդ նրբանցքի հ.10 շենքի (նախկին 5-րդ ուսումնարան) սպորտ դահլիճի մասնաշենք
5 Շիրակի փողոցի հ.60
Աջափնյակ վարչական շրջան
6 Արզումանյան փողոցի հ.10
7 Արզումանյան փողոցի հ.12 (3-րդ մուտքը՝ 4-րդ կարգի, 1-ին մուտքը՝ 3-րդ կարգի, 2-րդ մուտքը՝ 3-4-րդ կարգի)
8 Արզումանյան փողոցի հ.17 (3-րդ մուտքը՝ 4-րդ կարգի, 1-2 մուտքերը՝ 2-րդ կարգի)
9 Ֆուչիկի փողոցի հ.23:

Էրեբունի վարչական շրջան
10 Վարդաշենի 6-րդ փողոցի հ.68ա
11 Վարդաշենի 6-րդ փողոցի հ.66/1:

Աջափնյակ Վարչական շրջան

Մարգարյան փող., 2-րդ նրբանցքի հ. 2 շենքի 3-րդ և 4-րդ մուտքեր:

2022թ. վարչության գործունեությունը

 
Աշխատակազմի անշարժ գույքի կառավարման վարչության կողմից իրականացվել են hետևողական աշխատանքներ Երևան համայնքի սեփականությունը հանդիսացող զբոսայգիներում, այգիներում, գետնանցումներում, բենզալցակայաններում, հանքավայրերում վարձակալության և/կամ կառուցապատման իրավունքով տրամադրված հողամասերի համար կնքված պայմանագրերով ֆիզիկական և իրավաբանական անձանց կողմից պայմանագրով նախատեսված պարտավությունների կատարման և վարձավճարները Երևան քաղաքի ավագանու 28.12.2021թ. հ.498-Ն որոշմամբ սահմանված չափորոշիչներին համապատասխանեցնելու ուղղությամբ:
 Աշխատանքներ են իրականացվել շենք-շինությունների և հողամասերի գործառնական և նպատակային նշանակությունների փաստացի օգտագործմանը համապատասխանեցնելու ուղղությամբ։
Կատարվել են Երևան քաղաքի Հաղթանակ, Չարբախ, Նորագավիթ, Նուբարաշեն, Սիլիկյան և Մուշավան, ինչպես նաև այլ թաղամասերում տնամերձ, բնակարանային շինարարության համար հատկացված հողամասերի սահմանների ճշտման աշխատանքներ։
ՀՀ կառավարության 2005 թվականի դեկտեմբերի 29-ի հ.2387-Ն որոշման շրջանակներում, աշխատակազմի անշարժ գույքի կառավարման վարչության կողմից Երևան քաղաքում գտնվող  5962 գույքերի (շենք-շինություններ և հողամասեր) տրամադրվել են հասցեներ:
Աշխատակազմի անշարժ գույքի կառավարման վարչության համապատասխան մասնագետների կողմից իրականացված Երևան համայնքի սեփականություն հանդիսացող գույքերի (բնակել, ոչ բնակելի տարածքներ,հողամասեր) հաշվառման, գույքագրման և համապատասխան ցանկերի կազմման արդյունքում կազմվել է Երևան համայնքի սեփականություն հանդիսացող գույքի ցանկը, որը հաստատվել է Երևան քաղաքի ավագանու 15.03.2022թ. հ.548-Ա որոշմամբ:
Անշարժ գույքի կառավարման վարչության կողմից իրականացվել են աշխատանքներ՝ կապված Երևան քաղաքի սեփականությունը հանդիսացող, դեռևս չգրանցված գույքերի հայտնաբերման, ուսումնասիրման և Երևան համայնքի անվամբ իրավունքի պետական գրանցման հետ:
Իրականացվել են Հայաստանի Հանրապետության կառավարության 2018 թվականի դեկտեմբերի 6-ի հ.1419-Ն որոշմամբ հաստատված կարգի շրջանակներում Երևանի քաղաքապետին առաջարկված և բնակարանային հարցերի հանձնաժողովի քննարկմանը ներկայացված՝ հաշմանդամության զինվորական կենսաթոշակի իրավունք ունեցող նախկին զինծառայողների և զոհված (մահացած) զինծառայողների ընտանիքների բնակարանային հաշվառման գործերի փաստաթղթերի հավաքագրման և դրանց համապատասխանեցման գործողություններ: Հաշվետու ժամանակաշրջանում Երևանի քաղաքապետի կողմից կայացվել է բնակպայմանների բարելավման հաշվառման վերաբերյալ թվով 42 որոշում:
 Երևան համայնքի սեփականությունը հանդիսացող Բուզանդի փողոցի հ.1/3 հասցեում գտնվող վարչական շենքում ընթացիկ տարում վարձակալության շուկայական արժեքի գնահատմամբ թվով 13 սուբյեկտների հետ կնքվել են համաձայնագրեր, որոնցից ծագող իրավունքները ստացել են պետական գրանցումներ:
 

Անշարժ գույքի կառավարման վարչության կողմից շարունակվում է ֆիզիկական և իրավաբանական անձանց ընդունելությունը՝ ամեն երկուշաբթի ժամը 14:00-16:00: Ընդունելությանը մասնակցելու համար անհրաժեշտ է նախապես հերթագրվել Երևանի քաղաքապետարանի «Մեկ պատուհան» -ում՝ ներկայացնելով անձը հաստատող փաստաթուղթ: