Փակել
Երեխաների և սոցիալական պաշտպանության վարչության 2024 թվականի հունվար-դեկտեմբեր ամիսների գործունեությունը
Սոցիալական պաշտպանության ոլորտ
Վարչության կողմից 2024 թվականի հունվար-դեկտեմբեր ամիսների ընթացքում իրականացվել են 2024 թվականի Երևան համայնքի բյուջեով նախատեսված մի շարք ծրագրեր, կազմակերպվել միջոցառումներ, համագործակցություններ միջազգային և տեղական հասարակական կազմակերպությունների հետ։
1. Երևան քաղաքում երեխաների և սոցիալական պաշտպանության համակարգի արդյունավետ կառավարման և շարունակական զարգացման նպատակով՝ վարչական շրջանների համապատասխան բաժինների մասնագետների համար իրականացվել է մշակված մոդուլին համապատասխան շարունակական վերապատրաստման դասընթացներ՝ նեղ մասնագիտական կարողությունների և հմտությունների զարգացման նպատակով: Ծրագիրն իրականացվել է միջազգային կազմակերպության հետ համագործակցության արդյունքում:
2. Տարբեր սոցիալական խմբերի համար Երևան համայնքում որակյալ սոցիալական ծառայությունների կազմակերպման նպատակով՝
- Հաշմանդամություն ունեցող անձանց ուղղված ծրագրերի շրջանակներում՝ սոցիալական տաքսի ծառայության կազմակերպման նպատակով կազմվել է տեխնիկական բնութագիր և ներկայացվել է գնման հայտ: Ծրագրի ձեռքբերման ընթացակարգը հայտարարվել է չկայացած՝ համաձայն «Գնումների մասին» ՀՀ օրենքի 37-րդ հոդվածի 1-ին մասի 3-րդ կետի /ոչ մի հայտ չի ներկայացվել/։
- Տարեցներին ուղղված սոցիալական աջակցության ծառայությունների շրջանակում (համայնքահեն սոցիալ-հոգեբանական ծառայությունների կազմակերպում, օր.՝ ցերեկային կենտրոններ, տնային խնամքի կազմակերպում) շուրջ 1000 տարեցներ հնարավորություն են ունեցել 50 շրջագայությունների ընթացքում այցելել Հայաստանի տեսարժան վայրեր:
- Պատերազմից տուժած ընտանիքներին ուղղված ծրագրի շրջանակներում՝ կենցաղային և բնակարանային պայմանների բարելավման և հարմարեցման նպատակով իրականացվել է կարիքների գնահատում, ընտրվել են ծրագրի շահառուները: Ծրագիրն իրականացվում է «Զինվորի տուն» բարեգործական հասարակական կազմակերպության հետ համագործակցության շրջանակներում՝ հաշվի առնելով վերջինիս կողմից ներկայացված դիմումը և նախկինում ունեցած արդյունավետ համագործակցությունը: «Զինվորի տուն» բարեգործական հասարակական կազմակերպությանն աջակցություն է տրամադրվել զինծառայության ընթացքում հաշմանդամություն ձեռք բերած 8 զինծառայողների բնակարաններում, հարմարեցման աշխատանքներ իրականացնելու նպատակով:
- Հոգեբանական/ հոգեկան առողջության խնդիրներ ունեցող անձանց ուղղված ծրագրի շրջանակներում հոգեբանական և հոգեբուժական ծառայությունների մատուցման կազմակերպման նպատակով իրականացվել են նախապատրաստական աշխատանքներ՝ սահմանվել են շահառուների ընտրության չափորոշիչներ, կազմվել է՝ տեխնիկական բնութագիր: 2 անգամ ներկայացվել է գնման գործընթացի: Գնման ընթացակարգը հայտարարվել է չկայացած «Գնումների մասին» ՀՀ օրենքի 37-րդ հոդվածի 1-ին մասի 1-ին կետով /հայտերից ոչ մեկը չի համապատասխանում հրավերի պայմաններին/:
- Սոցիալական աջակցության կարիք ունեցող ընտանիքներին կայուն եկամուտ ապահովելու նպատակով զբաղվածության ծրագրերի շրջանակում վարչական շրջանների ղեկավարների աշխատակազմերի երեխաների և սոցիալական պաշտպանության բաժինների կողմից իրականացվել են ծրագրի շահառուների հայտնաբերմանն ու նրանց կարիքների գնահատմանն ուղղված նախապատրաստական աշխատանքներ: Կազմվել է տեխնիկական բնութագիր և ներկայացվել գնման հայտ, գնման գործընթացը կայացել է: Ծրագրի իրականացման արդյունքում 20 շահառուներ մասնակցել են տարբեր մասնագիտությունների ձեռքբերման դասընթացներին՝ կարուձև 3, մատնահարդարում 6, դիմահարդարում 5, վարսահարդար 6: Զբաղվածության ծրագրի շրջանակում վարչության կողմից իրականացվել են քննարկումներ, հանդիպումներ շահառուների հետ, ինչպես նաև իրականացվել են վերահսկողական այցեր «Մանանա» ուսումնական կենտրոն՝ իրականացվող վերապատրաստման դասընթացների ընթացիկ գնահատման և դրանց լուծում տալու նպատակով: Ծրագրի ավարտին կազմակերպվել է «Բիզնես կառավարում և մարկետինգ» թեմայով դասընթաց:
3. Հասարակական կազմակերպությունների հետ համագործակցության շրջանակում, Երևան համայնքի հետ համատեղ իրականացվել են սոցիալական ծրագրեր՝ ուղղված սոցիալական աջակցության կարիք ունեցող տարբեր խոցելի խմբերին՝
- «Փրկություն» հաշմանդամ երեխաների և երիտասարդների կենտրոն բարեգործական ՀԿ-ին տրամադրվել է աջակցություն՝ կոմունալ ծառայությունների փոխհատուցման նպատակով:
- «Հանս Քրիստիան Կոֆոեդ» Բարեգործական հիմնադրամ ՀՄԴ-ին /անօթևանների կացարան/ տրամադրվել է աջակցություն՝ կոմունալ ծառայությունների փոխհատուցման նպատակով:
- «Հայաստանի խուլերի միավորում» ՀԿ-ին տրամադրվել է աջակցություն՝ Հայաստանի ամբողջ տարածքում, լսողության խնդիրներ ունեցող անձանց ժեստերի լեզվի թարգմանության հեռավար ծառայություն մատուցելու նպատակով:
- «ՍՈՐՍ» հաշմանդամություն ունեցող երեխաների և նրանց ընտանիքների հիմնադրամ ՀՄԴ-ին տրամադրվել է աջակցություն՝ Երևան համայնքում հաշմանդամություն ունեցող երեխաների սոցիալական ծառայությունների տրամադրման նպատակով:
- «Քայլ առաջ» սոցիալական ՀԿ-ին տրամադրվել է աջակցություն՝ Երևան համայնքում հաշմանդամություն ունեցող երեխաներին, դեռահասներին և նրանց ընտանիքի անդամներին սոցիալ-առողջապահական ծառայությունների մատուցման համար:
- «Կողք կողքի» ներառական կրթամշակութային հասարակական կազմակերպությանն աջակցություն է տրամադրվել՝ «Ներառական Երևան» ծրագրի իրականացմանն աջակցելու նպատակով, որի շրջանակներում կազմակերպվել են ներառական համերգային ծրագրեր, թատերական ներկայացում, կոնֆերանս և ցուցահանդես:
- «Ունիսոն» ՀԿ-ին 06.12.2024թ. տրամադրվել է աջակցություն՝ հաշմանդամություն ունեցող երիտասարդների աշխատանքային զբաղվածությունը խթանելու նպատակով, որի շրջանակներում նախատեսվում է հրապարակել տեղեկատվական բրոշյուրներ, ստեղծել հաշմանդամություն ունեցող անձանց բազա, իրականացնել հաշմանդամություն ունեցող անձանց աշխատանքային ներուժի, աշխատանքային առանձնահատկությունների վերաբերյալ իրազեկում գործատուներին:
4. «ՍՕՍ Մանկական Գյուղեր» ՀԲՀ-ին տրամադրվել է աջակցություն Երևան համայնքում ճգնաժամային խնամատարության ներդրման պիլոտային ծրագրի շրջանակներում համապատասխան բնակարանի վերանորոգման ծախսերի համաֆինանսավորման նպատակով:
5. Երևան համայնքում համայնքային սոցիալական ծառայություններ ներդնելու նպատակով ՅՈՒՆԻՍԵՖ-ի աջակցությամբ այս պահին փորձագետների խմբի կողմից կատարվում են համապատասխան աշխատանքներ:
6. Երևան քաղաքի սոցիալական աջակցության վերաբերյալ կամավոր խնդիրների լուծմանն ուղղված ծրագրերի իրականացման շրջանակներում 24.06.2020թ. 253-Ն Երևանի քաղաքապետին կից հասարակական կարգով գործող սոցիալական աջակցության տրամադրման խորհրդի կազմավորման և գործունեության կարգն ու լիազորությունները սահմանելու մասին որոշման մեջ կատարվել են փոփոխություններ 26.12.2023թ. 38-Ն որոշմամբ՝ ավելացվել է հանձնաժողովի անդամների քանակը՝ սահմանելով 17: 13.03.2024թ. 950-Ա որոշմամբ հաստատվել է Երևանի քաղաքապետին կից հասարակական կարգով գործող սոցիալական աջակցության տրամադրման խորհրդի անհատական կազմը: Խորհրդի 2 նիստերի արդյունքում աջակցություն է տրամադրվել 21 ընտանիքի:
Սոցիալական պաշտպանության ոլորտում իրականացվել են նաև այլ աշխատանքներ, ըստ որի՝
- Սոցիալական պաշտպանության ոլորտում համագործակցություն է իրականացվել ՀՀ աշխատանքի և սոցիալական հարցերի, ՀՀ տարածքային կառավարման և ենթակառուցվածքների, Արդարադատության, Ներքին գործերի նախարարությունների, վարչական շրջանների ղեկավարների աշխատակազմերի, միասնական սոցիալական ծառայության տարածքային կենտրոնների, ինչպես նաև ոլորտում ակտիվ գործունեություն ծավալող միջազգային, հասարակական և այլ կազմակերպությունների հետ:
- Բաժնի կողմից իրականացվել են այցեր վարչական շրջանների ղեկավարների աշխատակազմերի երեխաների և սոցիալական պաշտպանության բաժիններ՝ բարդ դեպքերի, իրականացվող աշխատանքների, ծրագրերի վերահսկողության, սուպերվիզիայի իրականացման նպատակով: Իրականացվել է մեթոդական համակարգում:
- Կազմակերպվել են շահառուների ընդունելություններ՝ իրականացվել կարիքների գնահատում, տրվել համապատասխան խորհրդատվություններ և հանձնարարականներ՝ վարչական շրջանների ղեկավարների աշխատակազմերի համապատասխան բաժիններին:
- 2023թ.-ից իրականացվել են աշխատանքներ և ձեռք են բերվել Ամանորյա տոներին նվիրված Սպենդիարյանի անվան ազգային ակադեմիական օպերայի և բալետի թատրոնի «Մուկ օպերա», «Մարդուկ Ջարդուկ» միջոցառումների 2140 տոմսեր՝ տարբեր խոցելի խմբերին տրամադրելու նպատակով:
- Կանանց տոներին նվիրված միջոցառումներին մասնակցելու նպատակով տարբեր խոցելի խմբերին բաշխվել են 5000 տոմսեր, որոնք վարչությանն է տրամադրել աշխատակազմի մշակույթի և տուրիզմի վարչությունը:
- Վարչության կողմից ձեռք է բերվել «Գայանե» բալետի 1070 տոմս: Նշված տոմսերը բաշխվել են պատերազմից տուժած ընտանիքներին (օր.՝ զոհված, վիրավորում ստացած, անհետ կորած, հաշմանդամություն ձեռքբերած զինծառայողների ընտանիքներ և այլն):
- 2023թ.-ից իրականացվել են աշխատանքներ Չինաստանի դեսպանատան կողմից ստացված աջակցության միջոցով Արցախից տեղահանված ընտանիքների երեխաներին թվով 340 ձմեռային բաճկոններ տրամադրելու նպատակով:
- Արցախում 2023թ-ի սեպտեմբերի 25-ին տեղի ունեցած պայթյունի հետևանքով մահացած անձանց հարազատներին ֆինանսական աջակցություն տրամադրելու նպատակով վարչության կողմից իրականացվել է փաստաթղթերի հավաքագրման, ամփոփման գործընթացը և տվյալները փոխանցվել «Երևան» հիմնադրամին: Ծրագրի մեկնարկից սկսած 98 մահացած անձանց հարազատներին տրամադրվել է ֆինանսական աջակցություն:
- ԱՄՆ միջազգային զարգացման գործակալության ֆինանսավորմամբ, Դեմոքրասի Ինթերնեյշնլ կազմակերպության կողմից իրականացվող «Աղետների արագ արձագանքում» ծրագրի շրջանակներում ձեռք են բերվել ապրանքներ /սպիտակեղեն 2040 հատ, արդուկ 680 հատ, թեյնիկ 680 հատ, կաթսա 680 հատ/: Վարչության հետ համագործակցության արդյունքում սույն ապրանքները տրամադրվել են վարչական շրջանների միջոցով, որոնք բաշխվել են Արցախից տեղահանված միայնակ մայրերին, ինչպես նաև ծայրահեղ ծանր պայմաններում գտնվող ընտանիքներին:
- Հ.Ք.Վ.Օ.Ս.Ե բարեգործական կազմակերպության հետ համագործակցության արդյունքում ձեռք է բերվել 1300 անկողնային պարագաների փաթեթներ՝ Արցախից բռնի տեղահանված ընտանիքներին բաշխելու նպատակով:
Երևան համայնքում սոցիալական աջակցության կարիք ունեցող ընտանիքներին վարչական շրջանների միջոցով տրամադրվել է 12962 ընտանիք (54765 անձի աջակցություն` բնաիրային փաթեթ, գույք, տեխնիկա, անկողնային և խոհանոցային պարագաներ, գրենական պիտույքներ և այլն):
- Բաժնի կողմից իրականացվել են վերահսկողական այցեր ՀԿ-ներ, որոնց վարչության կողմից տրամադրվել են դրամական աջակցություններ՝ խոցելի խմբերին ծառայություններ մատուցելու նպատակով:
- Երեխաների և սոցիալական պաշտպանության վարչության աշխատակիցները մասնակցել են տարբեր քննարկումների, հանդիպումների և դասընթացների, մասնավորապես՝ «Ընտանեկան բռնություն», «Սեռահավասարության բառացանկի քննարկում», «Տարեցների հիմնախնդիրներով զբաղվող միջգերատեսչական հանձնաժողովի նիստ», «Լսողական խնդիրներ ունեցող անձանց համար հեռավար թարգմանության մեխանիզմների մշակում և բարելավում», «Կրթություն և գենդեր զգայունություն», ինչպես նաև վարչության աշխատակիցները սեպտեմբերի 13-14-ը մասնակցել են «Արդյունավետ գենդերային մեխանիզմը որպես գենդերային հավասարության հիմնաքար» արտագնա քննարկմանը և «Կանայք քաղաքականության հանրային կառավարման և քաղաքացիական հասարակության մեջ թեմայի շրջանակներում սեռահավասարության բառացանկի» վերաբերյալ քննարկմանը:
- ՄԱԿ-ի մանկական հիմնադրամի (ՅՈՒՆԻՍԵՖ) հետ համագործակցության շրջանակներում կազմակերպվել է արտագնա աշխատանքային քննարկում արտակարգ իրավիճակներում աշխատանքների կազմակերպման և խնդիրների վերհանում իրականացնելու նպատակով:
- Չինաստանի Ժողովրդական Հանրապետությունում վարչության աշխատակիցները մասնակցել են ՇՀԿ երկրների համար աղքատության կրճատման վերաբերյալ դասընթացին:
- Կայացել է հաշմանդամություն ունեցող անձանց հարցերով զբաղվող Երևանի քաղաքային հանձնաժողովի նիստը, որի արդյունքում Երևանի քաղաքապետ Տիգրան Ավինյանի կողմից քաղաքապետարանի ստորաբաժանումներին տրվել է հանձնարարականներ, որոնց վերաբերյալ տեղեկատվությունը հավաքագրվել է վարչության կողմից՝ հետագա աշխատանքների կազմակերպման նպատակով:
- Իրականացվել են աշխատանքներ Երևանի քաղաքապետին կից հասարակական կարգով գործող սոցիալական պաշտպանության խորհրդի անհատական կազմը հաստատելու ուղղությամբ:
Երեխաների պաշտպանության ոլորտում իրականացված աշխատանքների
նկարագրություն
Կյանքի դժվարին իրավիճակում հայտնված /ԿԴԻՀ/ երեխաների իրավունքների և շահերի պաշտպանության նպատակով երեխաների պաշտպանության բաժինն ապահովել է գործող օրենսդրությամբ իրեն վերապահված լիազորությունների իրականացումը: Վարչական շրջանների խնամակալության և հոգաբարձության հանձնաժողովների հետ քննարկվել են բացահայտված ԿԴԻՀ երեխաների դեպքերը, իրականացվել է ուղղորդում համապատասխան պետական և հասարակական կառույցներ՝ անհրաժեշտ ծառայություններ ստանալու նպատակով:
1. Հանրակրթական դպրոցներում երեխաների իրավունքների վերաբերյալ իրազեկվածության բարձրացում ծրագրի շրջանակներում նախատեսվել է «Երեխաների իրավունքների վերաբերյալ իրազեկում» թեմայով ինտերակտիվ բնույթի ներկայացման/բեմադրության ձեռքբերում /շուրջ 500 երեխայի համար/ և նույն թեմայով դպրոցահասակ երեխաների /շուրջ 500 երեխա/ հետ թեմատիկ զրույցի անցկացման համար փորձագետի ծառայության ձեռքբերում, սակայն գնումները չեն կայացել:
2. Մշակութային և կրթական միջոցառումներ կյանքի դժվարին իրավիճակում հայտնված երեխաների համար
- «Ընտանիքի միջազգային օրվան» նվիրված միջոցառում խնամատար ընտանիքներում գտնվող երեխաների համար ծրագրի շրջանակներում գնման գործընթացով Երևան քաղաքի խնամատար ընտանիքների երեխաների համար ձեռք է բերվել նվերներ, կազմակերպվել է վերջիններիս այցելությունը Երևան քաղաքի պատմության թանգարան, որից հետո երեխաներին տրամադրվել են նվերները:
- Կյանքի դժվարին իրավիճակում հայտնված թվով 30 երեխաների /խնամատար, խնամակալ/հոգաբարձու ընտանիքներում գտնվող/ այցելություն մշակութային և ուսուցողական վայրեր ծրագիրն իրականացվել է գնման գործընթացով և կազմակերպվել է 30 երեխաների այցելություն պլանետարիում և Բյուրականի աստղադիտարան:
- «Ամանորին նվիրված մշակութային և կրթական միջոցառումներում երեխաների ներգրավում» թեմայով ծրագիրն իրականացվել է գնման գործընթացով, որի շրջանակներում ձեռք է բերվել ամանորյա ներկայացում /Հ. Պարոնյանի անվան երաժշտական կոմեդիայի պետական թատրոն, «Ալիսը հայելիների աշխարհում»/, որի բաշխումը ընթացել է վարչական շրջանների միջոցով: Ներկայացումը դիտել են կյանքի դժվարին իրավիճակում հայտնված, այդ թվում՝ խնամատարների, խնամակալների/հոգաբարձուների ընտանիքներում գտնվող երեխաները:
3. Վարչական շրջաններում երեխային լսելու սենյակների ստեղծման համար կազմվել է տեխնիկական բնութագիր: 2 անգամ ներկայացվել է գնման գործընթացի: Գնման ընթացակարգը հայտարարվել է չկայացած:
4. Երևան համայնքի երեխայի պաշտպանության համակարգի մասնագետների, այդ թվում՝ խնամակալության և հոգաբարձության հանձնաժողովների անդամների մասնագիտական գիտելիքներն ու հմտությունները զարգացնելու, փոխգործակցության ապահովմանը, համատեղ գործառույթների իրականացմանը նպաստելու, ինչպես նաև ոլորտային օրենսդրության իմացությունը բարձրացնելու նպատակով՝ իրականացվել է վերապատրաստում «ՍՕՍ-Մանկական Գյուղեր» հայկական բարեգործական հիմնադրամի հետ համագործակցության շրջանակներում ՀՀ աշխատանքի և սոցիալական հարցերի նախարարության «Աշխատանքի և սոցիալական հետազոտությունների ազգային ինստիտուտ» ՊՈԱԿ-ում կազմակերպվել և իրականացվել է Երևան համայնքի երեխայի պաշտպանության համակարգի մասնագետների, այդ թվում՝ խնամակալության և հոգաբարձության հանձնաժողովների անդամների վերապատրաստման դասընթաց, որն իրականացվել է երկու փուլով: Առաջին փուլում իրականացվել է քառօրյա դասընթաց (4 խումբ) վարչական շրջանների ղեկավարների աշխատակազմերի երեխաների և սոցիալական պաշտպանության բաժինների մասնագետների համար, իսկ երկրորդ փուլում՝ երկօրյա դասընթաց խնամակալության և հոգաբարձության հանձնաժողովների անդամների համար:
5. Խնամատարության ընթացակարգով սահմանված ճգնաժամային և արձակուրդային խնամատար ինստիտուտի միջոցով հնարավորություն է տրվում արագ արձագանքման մեխանիզմ կիրառել հաստատություն երեխայի մուտքը կանխարգելելու նպատակով, իսկ մասնագիտացված խնամատարությունը հնարավորություն է տալիս կազմակերպել հատուկ կարիքներ ունեցող երեխաների խնամքը ընտանեկան միջավայրում: Սակայն, հաշվի առնելով, որ արձակուրդային և ճգնաժամային խնամատար ընտանիքներ Երևան քաղաքում դեռևս չեն հաշվառվել, քիչ են մասնագիտացված խնամատար ընտանիքների թիվը՝ նախատեսվում է հանրության լայն շրջանակներում իրականացնել խնամատարության գործընթացի, մասնավորապես վերոնշյալ տեսակների վերաբերյալ իրազեկումներ համապատասխան ընտանիքներ ներգրավելու նպատակով։ Մեկնարկել է «Երևան համայնքում ճգնաժամային խնամատարության ներդրման» պիլոտային ծրագիրը, որի շրջանակներում նախատեսվում է ճգնաժամային խնամատար ընտանիքի մոդելի ներդրում համայնքում՝ Երևանի քաղաքապետարանի, «ՍՕՍ-Մանկական Գյուղեր» հայկական բարեգործական հիմնադրամի և ՀՀ աշխատանքի և սոցիալական հարցերի նախարարության հետ համագործակցությամբ:
Երեխաների պաշտպանության ոլորտում իրականացվել են նաև այլ աշխատանքներ, ըստ որի՝
- Երեխաների պաշտպանության ոլորտում համագործակցություն է իրականացվել ՀՀ աշխատանքի և սոցիալական հարցերի, արդարադատության, ներքին գործերի նախարարությունների, վարչական շրջանների ղեկավարների աշխատակազմերի, միասնական սոցիալական ծառայության տարածքային կենտրոնների, մանկատների, երեխաների խնամքի և աջակցության կենտրոնների, ինչպես նաև ոլորտում ակտիվ գործունեություն ծավալող կազմակերպությունների հետ («ՍՕՍ-Մանկական Գյուղեր», ՀՕՖ, «Առաքելություն Հայաստան» և այլն):
- Հիմք ընդունելով ՀՀ կառավարության 22.06.2006թ. N 962-Ն որոշմամբ հաստատված կարգը՝ վարչական շրջանների կողմից ներկայացված տեղեկատվության համաձայն հաշվառվել է առանց ծնողական խնամքի մնացած 55 երեխա, առանց ծնողական խնամքի մնացած երեխաների թվին պատկանող 31 անձ:
- Հիմք ընդունելով ՀՀ կառավարության 25.09.2015թ. N 1112-Ն որոշմամբ հաստատված կարգը /հավելված 1/՝ 34 երեխայի տրվել է երեխաների խնամքի հաստատությունում տեղավորվելու մասին եզրակացություն, 1 երեխայի՝ երեխաների խնամքի հաստատությունից կենսաբանական ընտանիք վերադարձի մասին:
- Հիմք ընդունելով ՀՀ կառավարության 18.03.2010թ. N 269-Ն որոշմամբ հաստատված կարգը /հավելված 1/՝ քաղաքացիների կողմից ներկայացված փաստաթղթերը և կենսապայմանների ուսումնասիրության ակտերը, ինչպես նաև միասնական սոցիալական ծառայության տարածքային կենտրոնների կողմից ներկայացված եզրակացությունները՝ տրվել է երեխա որդեգրելու հնարավորության մասին 27 դրական եզրակացություն, հաշվառման է վերցվել երեխա որդեգրել ցանկացող 39 անձ: Նշված կարգի համաձայն կազմվել և ՀՀ աշխատանքի և սոցիալական հարցերի նախարարություն է ուղարկվել թվով 32 հարցում՝ երեխային տեսակցելու և որդեգրման հնարավորությունը պարզելու համար, տրվել է որպես որդեգրել ցանկացող հաշվառված անձի և որդեգրման ենթակա երեխայի անձնական շփումների փաստի վերաբերյալ 6 եզրակացություն, հաշվառվել է որդեգրման ենթակա 24 երեխա:
- Հիմք ընդունելով ՀՀ կառավարության 03.10.2019թ. N 1371-Ն և 13.06.2019թ. N 751-Ն որոշումները՝ 7 քաղաքացի հաշվառվել է որպես խնամատար ծնող դառնալ ցանկացող անձ: Որպես խնամատար ծնող դառնալ ցանկացող հաշվառված անձանց դիմումների հիման վրա, ինչպես նաև հիմք ընդունելով Երևանի քաղաքապետի 25.09.2019թ. N 891-Ա կարգադրությունը՝ իրականացվել է խնամատար անձանց և խնամատարության ենթակա երեխաների տվյալների թվով 15 համադրում: Խնամատարության պայմանագրերի ժամկետները երկարաձգելու համար կազմվել է «Խնամատարության պայմանագրերի փոփոխությունների և լրացումներ կատարելու մասին» 17 համաձայնագրերի նախագծեր: Որպես խնամատար ծնող դառնալ ցանկացող անձանց և խնամատարության ենթակա երեխաների տվյալների համադրման արդյունքում կազմակերպված հանդիպումներին մասնակցելու նպատակով իրականացվել են այցելություններ մանկատներ, խնամքի կենտրոններ: Կնքվել է 5 Խնամատարության պայմանագիր, որից 2-ը մինչև 18 տարեկան երեխաների, իսկ 3-ը՝ 18-23 տարեկան անձանց մասնագիտացված խնամատարության, տրվել է խնամքի տրամադրման մասին 4 եզրակացություն:
- Հիմք ընդունելով ՀՀ ընտանեկան օրենսգրքի 128.1 և 139.1 հոդվածը, ինչպես նաև ՀՀ կառավարության 13.06.2019թ. N 751-Ն որոշումը՝ իրականացվել է խնամատար ընտանիքում խնամվող երեխայի՝ հոգեզավակի կյանքի, առողջության, դաստիարակության և կենսապայմանների նկատմամբ 61 վերահսկողություն, ինչպես նաև որդեգրողի ընտանիքում որդեգրված երեխայի խնամքի նկատմամբ 63 վերահսկողություն:
- 110 Կյանքի դժվարին իրավիճակում հայտնված երեխաների տվյալները մուտքագրվել են «Մանուկ» տեղեկատվական համակարգում, ըստ անհրաժեշտության կատարվել են համապատասխան փոփոխություններ:
- Հիմք ընդունելով ՀՀ աշխատանքի և սոցիալական հարցերի նախարարության կողմից տրամադրված 2024 թվականի ՀՀ պետական բյուջեից դրամաշնորհի մրցույթի արդյունքում հաղթող ճանաչված և ՀՀ աշխատանքի և սոցիալական հարցերի նախարարության հետ պայմանագրեր կնքած՝ «Երեխաների խնամքի ցերեկային ծառայություններ» ծրագրի շրջանակներում պատվիրակված ծառայություններ իրականացնող հասարակական կազմակերպությունների /«Առաքելություն Հայաստան» ԲՀԿ-ի և «ՍՕՍ- մանկական գյուղեր» հայկական բարեգործական հիմնադրամ/ ցանկը՝ երեխաների պաշտպանության գործընթացում իրականացվել են համապատասխան ուղղորդումներ:
- Կյանքի դժվարին իրավիճակում հայտնված երեխաների իրավունքների և շահերի պաշտպանության նպատակով բաժինն ապահովել է գործող օրենսդրությամբ իրեն վերապահված լիազորությունների իրականացումը: Վարչական շրջանների խնամակալության և հոգաբարձության հանձնաժողովների հետ քննարկվել են բացահայտված ԿԴԻՀ երեխաների դեպքերը և իրականացվել է ուղղորդում համապատասխան պետական և հասարակական կառույցներ՝ անհրաժեշտ ծառայություններ ստանալու նպատակով: Բաժնի աշխատակիցները մասնակցել են վարչական շրջանների խնամակալության և հոգաբարձության հանձնաժողովների այն նիստերին, որտեղ քննարկվել են երեխայի հետ կապված հատուկ դեպքեր: Պարբերաբար տրամադրվել են մասնագիտական խորհրդատվություն և մեթոդական աջակցություն խնամակալության և հոգաբարձության հանձնաժողովներին և վարչական շրջանների երեխաների և սոցիալական պաշտպանության բաժնի աշխատակիցներին:
- Բաժնի կողմից հունիսի 1-ին՝ Երեխաների պաշտպանության միջազգային օրը, Երևանի քաղաքապետարանի աշխատակազմի երեխաների և սոցիալական պաշտպանության վարչության կողմից երեխաների մասնակցությամբ՝ Երևանի քաղաքապետարանի ավագանու նիստերի դահլիճում իրականացվել է «Երևանի քաղաքապետարանը՝ երեխաների համար» խորագրով միջոցառում: Միջոցառման ձևաչափը՝ Երևան քաղաքի ավագանու նիստ, որն անց է կացվել Երևանի քաղաքապետի առաջին տեղակալի կողմից, իսկ ավագանու փոխարեն հանդես են եկել 64 աշակերտներ:
- ՄԱԿ-ի կայուն զարգացման նպատակների ազգայնացման գործընթացի ապահովման նպատակով իրականացվող ծրագրի շրջանակներում 1-17 տարեկան երեխաների նկատմամբ ծնողների, խնամատարների, օրինական ներկայացուցիչների կողմից ֆիզիկական պատժի և/կամ/ հոգեբանական ագրեսիայի վերաբերյալ վարչական շրջաններից հավաքագրված տեղեկատվությունը ամենամսյա կտրվածքով ներկայացվել է ՀՀ աշխատանքի և սոցիալական հարցերի նախարարություն:
- Պարտադիր կրթությունից դուրս մնացած երեխաների վերաբերյալ ստացված տեղեկատվությունը փոխանցվել է համապատասխան վարչական շրջան՝ ՀՀ կառավարության 11.02.2021թ. N 154-Ն որոշմամբ սահմանված կարգով խնամակալության և հոգաբարձության մարմնի գործառույթների շրջանակներում համապատասխան աշխատանքներ կատարելու նպատակով:
- Հիմք ընդունելով ՀՀ վարչապետի 17.04.2024թ. հ.364-Ա որոշումը, համաձայն որի ընթացիկ տարում ևս կազմակերպվել է առանձնացված թիրախային խմբերի 7-13 տարեկան երեխաների ամառային հանգիստը մանկական առողջարարական ճամբարներում՝ Երևանի քաղաքապետարանի աշխատակազմի երեխաների և սոցիալական պաշտպանության վարչությունը, որպես հանձնարարականի համակատարող, 2024թ. նախաձեռնել է ճամբարներ այցելության, երեխաների իրավունքների և շահերի պաշտպանության համատեքստում ուսումնասիրության իրականացման գործընթաց, որում ընդգրկված են եղել նաև համապատասխան վարչական շրջանների ներկայացուցիչներ: Ուսումնասիրության արդյունքներն ամբողջացվել են ներկայացվել են ՀՀ տարածքային կառավարման և ենթակառուցվածքների նախարարություն:
- Երեխաների պաշտպանության վերաբերյալ տարբեր խնդիրներով Երևանի քաղաքապետարան դիմած քաղաքացիներին տրամադրվել է խորհրդատվություն: Բաժինը մասնակցել է երեխաների պաշտպանության ոլորտին առնչվող հանդիպումներին, քննարկումներին, խորհրդատվություններին: Ոլորտային օրենսդրական նախագծերն ուսումնասիրվել են Բաժնի կողմից և ներկայացվել են համապատասխան առաջարկություններ: