Ծնվել է 1959թ. մայիսի 23-ին, Երևանում:
1966-1976թթ. սովորել է Երևանի հ.138 միջնակարգ դպրոցում:
1981թ. ավարտել է Երևանի պոլիտեխնիկական ինստիտուտը և ստացել ինժեներ-մեխանիկի մասնագիտություն:
Հեռակա սովորել է նաև Երևանի պետական համալսարանում, որն ավարտել է 1980 թվականին:
1981-1991թթ. աշխատել է «Պոլիվինիլացետատ» արտադրական միավորումում՝ որպես հերթափոխի պետ, մեխանիկ, արտադրամասի պետ:
1984-1988թթ. եղել է միավորման կոմերիտական կազմակերպության առաջին քարտուղարը:
1992-2008թթ. Մոսկվայում (ՌԴ) զբաղվել է անհատ ձեռներեցությամբ և հասարակական գործունեությամբ:
2001-2008թթ. եղել է «Հայորդիք» հայկական երգի-պարի համույթի տնօրենը:
2005թ. Մոսկվայում ստեղծել է «Հայ մշակույթի զարգացման հիմնադրամը», հիմնադրամի փոխնախագահն է և «Կարոտ» համահայկական փառատոնի գեղարվեստական ղեկավարը:
2006-2010թթ. «Կարոտ» համահայկական փառատոնում՝ Մոսկվայում և Երևանում, իրականացրել է շուրջ 100 խոշորածավալ մշակութային միջոցառում, որոնց մասնակցել են երաժշտախմբեր, պարախմբեր, երգչախմբեր ու անհատ կատարողներ Հայաստանից և աշխարհի բազմաթիվ երկրներից:
2009թ. Հայաստանում կազմակերպել է մշակութային միջոցառումներ:
2011թ. ստեղծել է «Գրպանի երգահան» յոթհատորյա երգահանը, որտեղ ընդգրկված են հայկական ամենասիրված 223 երգերը:
2012-2015թթ. աշխատել է ՀՀ սփյուռքի նախարարությունում՝ որպես «Իմ Հայաստան» համահայկական փառատոնի ղեկավար:
2013 թվականից ղեկավարել է ՀՀ սփյուռքի նախարարության «Կոմիտաս Վարդապետ» համահայկական փառատոնը:
2013թ. ստեղծել է «Կոմիտաս վարդապետ. մատենագիտական ժողովածու» գիրքը:
2015թ. հրատարակել է «Ազգային երգարան» 21-հատորյա ժողովածուն (նոտային հավելվածով)՝ հայ երգարվեստի բոլոր ժանրերի 659 սիրված երգերով:
Հայաստանի ազգային պարարվեստի միության գեղարվեստական խորհրդի անդամ է: Կազմակերպել է 200-ից ավելի մեծածավալ մշակութային միջոցառումներ Հայաստանում, ՌԴ-ում և այլ երկրներում:
2016թ. ստեղծել է «Նաիրի» համահայկական երաժշտական փառատոն-հիմնադրամը. Հանքավանում հիմնադրվել է «Նաիրի» երաժշտական այգին, ինչպես նաև ամենամյա «Նաիրի» համահայկական երաժշտական փառատոնը՝ Երևանում:
2016թ. ստեղծել է «Մաեստրո» գիրքը՝ նվիրված կոմպոզիտոր Գևորգ Մանասյանի կյանքին ու գործունեությանը:
2016-2017թթ. եղել է «Արարատ» հեռուստաընկերության «Հայկական գաղթօջախներ» հաղորդաշարի խմբագիրը և տնօրենը:
2018թ. եղել է Հայաստանի կոմպոզիտորների միության «Նաիրյան երգեր» ժողովածուի խմբագիրը:
2018թ. մայիսին կազմել և հրատարակել է «Ազգային երգահան-365 երգ» ժողովածուն (նոտային հավելվածով):
2018թ. եղել է Հայաստանում առաջին ինտերակտիվ «LIVING’S» ամսագրի մշակութային բաժնի վարիչն ու սրբագրիչը:
2019թ. հունվարից «Պարարվեստի համահայկական Նաիրյան մրցանակաբաշխության» տնօրենն է:
2019թ. հունիսին հրատարակել է «Ամենայն հայոց բանաստեղծը» և «Ամենայն հայոց երգի վեհափառը» մատենագիտական ժողովածուները՝ նվիրված Հովհ. Թումանյանի և Կոմիտաս վարդապետի ծննդյան 150-ամյա հոբելյաններին:
2020թ. փետրվարին ընտրվել է ՀՀ հանրային խորհրդի մշակույթի ենթահանձնաժողովի նախագահ:
2020թ. նոյեմբերին ստեղծել է և մինչ օրս համակարգում է մշակույթի գործիչների և մտավորականների «Ձայն հայրենեաց» շարժումը:
2023թ. լույս է ընծայել «ԱՆԳԻՆԷ» մոր և մանկան ալբոմը:
Խմբագրել է «Արվեստ և հեղինակային իրավունք» և քսանից ավելի այլ գրքեր:
Պարգևատրվել է ՌԴ Մ. Լոմոնոսվի անվան 2-րդ աստիճանի շքանշանով (2008թ.)՝ ՌԴ և ՀՀ միջև մշակութային կապերի ակտիվացման գործում ունեցած մեծ ծառայությունների համար, ՀՀ սփյուռքի նախարարության «Կոմիտաս» մեդալով (2013թ.), Հայաստանի երաժշտական ընկերության հիմնադրման 60-ամյակի հուշամեդալով (2019թ.), 30-ից ավելի դիպլոմներով, պատվոգրերով և հավաստագրերով:
2023թ. սեպտեմբերի 17-ին կայացած Երևանի ավագանու հերթական ընտրություններում «Մայր Հայաստան» դաշինքի համամասնական ցուցակով ընտրվել է Երևանի ավագանու անդամ։
Անկուսակցական է:
Ունի երեք զավակ:
Փակել
