Փակել
Հայտարարություն
ՀՀ Անկախության հռչակման 20-րդ տարեդարձին ընդառաջ` Երևանի քաղաքապետարանը հայտարարում է անվանակարգային մրցույթ և կոչ է անում բոլոր իրավաբանական և ֆիզիկական անձանց ակտիվորեն մասնակցել մայրաքաղաքի բարեկարգման աշխատանքներին: Նախաձեռնությունը նպատակ ունի գնահատել և խրախուսել տարբեր ոլորտներում գործունեություն ծավալող կազմակերպություններին, կառույցներին ու հաստատություններին, որոնք բարեկարգել ու օրինակելի ձևով կանաչապատել են իրենց հարակից տարածքները: Անվանակարգային մրցույթի շրջանակում կներառվեն նաև անտարբեր սուբյեկտների անբարեկարգ տարածքները:
ՄՐՑՈՒՅԹ
Մրցույթը կանցկացվի երկու փուլով.
ա) տարածքային փուլ - վարչական շրջաններ,
բ) քաղաքային փուլ - քաղաքապետարան:
ԱՆՎԱՆԱԿԱՐԳԵՐ
Սահմանված անվանակարգերն են.
- Լավագույն
- Վատ
Անվանակարգերում կարող են ներկայացվել.
- Բակային տարածքները
- Վարձակալած այգիները
- Դպրոցները
- Մանկապարտեզները
- Ուսումնական հաստատությունները
- Գրասենյակները
- Սրճարանները
- Ռեստորանները
- Խանութները
- Գազալցակայանները
- Բենզալցակայանները
- Շուկաները
ՄՐՑԱՆԱԿՆԵՐ
Մրցույթի արդյունքները կամփոփվեն սեպտեմբերի 15-ին: Մրցույթի առաջին փուլի արդյունքները կամփոփվեն վարչական շրջաններում և կներկայացվեն Երևանի քաղաքապետարան: Մրցութային հանձնաժողովի ամփոփումից հետո արդյունքները և մրցանակները կներկայացվեն հանրությանը:
Երևանի քաղաքապետարան