Հայտարարություն

                         ԵՐԵՎԱՆ ՍԻԹԻ ՏՈՒՐ                               

Համագործակցության առաջարկ

Հարգելի գործընկերներ,

Երևանի քաղաքապետարանը շահագրգիռ բոլոր կազմակերպություններին հրավիրում է համագործակցության՝  <<Երևան Սիթի Տուր>> ծրագրի շրջանակում։
2011թ. հոկտեմբերից մեկնարկած <<Երևան Սիթի Տուր>> զբոսաշրջային ծրագրի շրջանակում հարմարավետ, երկհարկանի /double-deck/ ավտոբուսներով կազմակերպվում են երկժամանոց էքսկուրսիաներ մայրաքաղաքի տեսարժան վայրերով։
Էքսկուրսիաների կազմակերպման կոլեկտիվ, խմբային պատվերների դեպքում կքննարկվեն զեղչերի և միջնորդավճարների շահավետ տարբերակներ։
Ծրագրի մանրամասներին կարող եք ծանոթանալ զանգահարելով Երևանի քաղաքապետարանի աշխատակազմի տուրիզմի զարգացման ծրագրերի բաժին՝ (010 ) 514-230 հեռախոսահամարով։



Ծրագրի աշխատանքային նկարագրություն՝

•    Երթուղին աշխատում է շաբաթական 6 օր, բացի երկուշաբթի օրվանից

•  <<Երևան Սիթի Տուրը>> նախատեսում է մայրաքաղաքի տեսարժան վայրերն ընդգրկող 8 կանգառներ։ Զբոսաշրջիկների համար ապահովված է 6 լեզուներով աուդիո-էքսկուրսիոն ծրագիր

• Երթուղու սկիզբն ու վերջնականգառը Ֆրանսիայի հրապարակն է

•  Տոմսեր կարելի է ձեռք բերել նախնական շրջանում զբոսաշրջային ավտոբուսներից, իսկ հետագայում <<Երևան Սիթի Տուր>>-ի տոմսերի վաճառքի հատուկ կետերից, ինչպես նաև մայրաքաղաքի հյուրանոցներից, զբոսաշրջային ընկերություններից և այլ դրամարկղերից

• Տոմսի վավերականության ժամկետը 4 ժամ է

<<Երևան Սիթի Տուր>> այցելուներին անվճար կտրամադրվեն ականջակալներ և բուկլետներ

 Աշխատանքային ժամեր՝

• առավոտյան ժամերին՝ 11։00-13։00
• ցերեկային ժամերին՝ 15։00-17։00
• երեկոյան ժամերին՝ 18։00-20:00

Տոմսի արժեքը ՝  3000 դրամ

•   մինչև 7 տարեկան երեխաների համար`  անվճար

•   հաշմանդամների համար` անվճար

• 7-15 տարեկան երեխաների համար` 50% զեղչ` 1500 դրամ

• ուսանողների համար՝ ուսանողական տոմսի առկայության դեպքում` 2000 դրամ

Երևանի քաղաքապետարանի աշխատակազմի
զարգացման և ներդրումային ծրագրերի վարչության
տուրիզմի զարգացման ծրագրերի բաժին