Հայտարարություն

Հայաստանի Հանրապետության կառավարության 2003 թվականի մայիսի 8-ի <<Ավարտված շինարարության շահագործման փաստագրման կարգը հաստատելու մասին>> N 626-Ն որոշմամբ հաստատված կարգի համաձայն` ավարտված շինարարական օբյեկտը շահագործման ընդունող հանձնաժողովը ձևավորում և ղեկավարվում է կառուցապատողը։
Հանձնաժողովի կազմում ներգրավվում են հետևյալ կողմերի ու մարմինների ներկայացուցիչները.

• կառուցապատողի (պատվիրատուի),

• կապալառուի (շինարարական աշխատանքներ կատարողի),

• տեխնիկական հսկողություն իրականացնողի,

•  հեղինակային հսկողություն իրականցնողի,

• ըստ անհրաժեշտության՝ շահագործվող կազմակերպությունների (<<Հայաստանի էլեկտրական ցանցեր>> ՓԲԸ, <<Երևան Ջուր>> ՓԲԸ, Երևանի ԳԳՄ և <<Արմենթել>> ՓԲԸ),

• ՀՀ քաղաքաշինական պետական տեսչության,

• ՀՀ պետական հրդեհային և տեխնիկական անվտանգության տեսչության,

• Երևանի քաղաքապետարանի,

• շահագրգիռ այլ կողմերի (որոնց անհրաժեշտությունը պայմանավորված է կառուցվող օբյեկտի հետագա շահագործման կամ տնօրինելու հանգամանքներով):

Կառուցապատողի կողմից ավարտված շինարարական օբյեկտը շահագործման ընդունելու նպատակով ձևավորվող հանձնաժողովի կազմում համապատասխան ներկայացուցիչներին ներգրավելու նպատակով թեկնածություններ ստանալու և հանձնաժողովի աշխատանքները կազմակերպելու ու օբյեկտը շահագործման ընդունելու (ձև N2-ի ակտը հաստատելու) ժամկետներն ու ընթացակարգը կարգավորվում է ՀՀ կառավարության 2003 թվականի մայիսի 8-ի N626-Ն որոշմամբ հաստատված կարգի 12-ից ներառյալ 17-րդ կետերով։
 
Երևանի քաղաքապետարան