Երևանի քաղաքապետարանը և ՀՀ Մշակույթի նախարարությունը հայտարարում են Համո Սահյանի հուշարձանի բաց մրցույթ

ԵՐԵՎԱՆԻ ՔԱՂԱՔԱՊԵՏԱՐԱՆԸ ԵՎ

ՀՀ ՄՇԱԿՈՒՅԹԻ ՆԱԽԱՐԱՐՈՒԹՅՈՒՆԸ ՀԱՅՏԱՐԱՐՈՒՄ ԵՆ

    ՀԱՅ ՆՇԱՆԱՎՈՐ ԲԱՆԱՍՏԵՂԾ, ՔՆԱՐԵՐԳՈՒ ՀԱՄՈ ՍԱՀՅԱՆԻ

ՀԻՇԱՏԱԿԸ ՀԱՎԵՐԺԱՑՆՈՂ ՀՈՒՇԱՐՁԱՆ – ԿՈԹՈՂԻ ՆԱԽԱԳԾԻ

Բ Ա Ց   Մ Ր Ց Ո Ւ Յ Թ

Մ Ր Ց ՈՒ Յ Թ Ի Պ Ա Յ Մ Ա Ն Ն Ե Ր Ը

• Հուշարձանը պետք է մարմնավորի հայ նշանավոր բանաստեղծի կերպարը, արտահայտի նրա հայրենասիրական և ազգային – գաղափարախոսական   արժեքները։
• Հուշարձանը տեղադրվելու է Օղակաձև զբոսայգու 5–րդ հատվածում գտնվող շատրվաններին հարակից տարածքում: Առանձնացված հողատարածքի սահմանները նշված են Օղակաձև զբոսայգու հատակագծում։
• Հուշարձանի տեղադրման համար հատկացվող հողատարածքը չպետք է գերազանցի 16 քմ։  
• Հուշարձանի գաղափարական հորինվածքը, չափերը և նյութի ընտրությունը թողնվում են հեղինակի հայեցողությանը։
• Հուշարձանի դիրքն ու չափսերը պետք է նպաստեն տարածության մեջ մասշտաբի առումով դրա ճիշտ ընկալմանը։  

ՄՐՑՈՒԹԱՅԻՆ ՀԱՆՁՆԱԺՈՂՈՎԻՆ ՆԵՐԿԱՅԱՑՎՈՂ ՊԱՐՏԱԴԻՐ ՆՅՈՒԹԵՐՆ ԵՆ

• Տարածքի գլխավոր հատակագիծը -- Մ 1։500
• Ճարտարապետական փռվածքները, հուշարձանի մասշտաբը, ձևը և նյութը արտահայտող գծագրերը -- Մ 1։50
• Հուշարձանի մանրակերտը -- Մ 1։10
• Ֆիգուրատիվ կոմպոզիցիայի պարագայում՝ դիմաքանդակը                          
• Բացատրագիրը -- 2 օրինակից։

Անհրաժեշտության դեպքում կարելի է ներկայացնել առաջարկը պարզաբանող լրացուցիչ նյութեր։

ՄՐՑԱՆԱԿՆԵՐԸ

Հանձնաժողովի կողմից լավագույնը ճանաչված գործն իրականացվում է։

ԾԱՆՈԹՈՒԹՅՈՒՆ

•     Մրցութային առաջարկությունները ներկայացվում են ոչ ուշ, քան 2016թ. ապրիլի20 –ը հետևյալ հասցեով. Երևանի քաղաքապետարան՝ Արգիշտի փողոց N 1, 1–ին հարկ։
•     Գծագրերի աջ կողմի վերևի անկյունում վեցանիշ թվով նշվում է նախագծի ծածկագիրը, շրիֆտի բարձրությունը՝ 10 մմ։
•     Գործը ներկայացնելիս, փակ ծրարի մեջ համապատասխան ծածկագրով ներկայացվում է հեղինակը կամ հեղինակային կազմը և մասնակցության տոկոսը։  
•     Ներկայացված աշխատանքներից և ոչ մեկը իրականացմանը արժան չհամարելու դեպքում, հանձնաժողովը իրավասու է հայտարարել մրցույթի 2–րդ փուլ։
•     Մանրամասների համար այցելեք Երևանի քաղաքապետարանի www.yerevan.am   պաշտոնական կայքը:

   Հուշարձան-կոթողի տեղադրման համար նախատեսվող հողատարածքի սխեմա

Երևանի քաղաքապետարան