Ծառայությունների մատուցման նպատակով «Մեկ պատուհան» գրասենյակներում 2023թ. ընթացքում մուտքագրված փաստաթղթերի վերաբերյալ

Երևանի քաղաքապետարանի և վարչական շրջանների «Մեկ պատուհան»-ի գրասենյակներում էլեկտրոնային փաստաթղթաշրջանառության համակարգ (այսուհետ՝ Համակարգ) մուտքագրվել է 259793 փաստաթուղթ: 
Մասնավորապես, քաղաքապետարանի Արգիշտի 1 և Փ. Բուզանդի 1/3 հասցեներում գտնվող վարչական շենքերի գրասենյակներում Համակարգ է մուտք արվել 120698 փաստաթուղթ, որից՝
• քաղաքացիներից առձեռն կամ առցանց կամ անցանց կամ «Հայփոստ» ՓԲ ընկերության միջոցով՝ 53438 դիմում, 
• ՀՀ գործադիր իշխանության հանրապետական և տարածքային կառավարման մարմիններից, պետական այլ մարմիններից, կազմակերպություններից և իրավաբանական այլ անձանցից՝  67260 գրություն,
բացի վերը նշվածից Երևանի քաղաքապետարանում շրջանառվել է 88976 ներքին փաստաթուղթ: Երևանի քաղաքապետի կողմից ընդունվել է 4403 որոշում և 1823 կարգադրություն:
• Համակարգ մուտքագրված 120698 փաստաթղթերից սուրհանդակային ծառայության միջոցով ստացվել է 940-ը, «Հայփոստ» ՓԲ ընկերության միջոցով՝ 37957-ը, քաղաքացիներից և իրավաբանական անձանց ներկայացուցիչներից առձեռն՝ 43638-ը, էլեկտրոնային ծառայություների միջոցով՝ 38163-ը:
Երևանի քաղաքապետարանի «Թեժ գծի» 1-05 հեռախոսահամարով ստացվել է 229184 հեռախոսազանգ, որից 219759-ը վերաբերել է խորհրդատվության կամ տեղեկատվության տրամադրմանը, իսկ 9425-ն օպերատորների կողմից  մուտքագրվել է  «Mulberry» համակարգ և ստորաբաժանումների ղեկավարներին տրվել համապատասխան հանձնարարականներ:
 ՀՀ Կառավարության 2015թ. հոկտեմբերի 15-ի N 1204-Ն որոշման համաձայն՝ համակարգ մուտքագրված փաստաթղթերի հիմքով քաղաքացիներին, կազմակերպություններին և իրավաբանական այլ անձանց բարենպաստ վարչական ակտով տրամադրված կամ առաքված հիմնական փաստաթղթերի վերաբերյալ ամենամյա վիճակագրական տվյալները ներկայացված են հ. 1 աղյուսակում:
Երևանի 12 վարչական շրջանների ղեկավարների աշխատակազմերի աշխատավայրերի գրասենյակներում մուտքագրվել է 139095 փաստաթուղթ, որից 99077 գրություն և 40018-ը՝ դիմում: «Թեժ գիծ» հեռախոսահամարներով ստացված 58364 զանգերից 7536-ն օպերատորների կողմից մուտքագրվել է «Mulberry» համակարգ և տրվել հանձնարարականներ:
Համակարգ մուտքագրված փաստաթղթերի և Երևանի վարչական շրջանների ղեկավարներին օրենսդրությամբ վերապահված լիազորությունների հիմքով նրանց աշխատակազմերի կողմից քաղաքացիներին և (կամ) իրավաբանական անձանց տրամադրված կամ առաքված թույլտվությունների վերաբերյալ ամենամյա վիճակագրական տվյալները ներկայացված են հ. 2 աղյուսակում: