Երևանի քաղաքապետարանի նախաձեռնությամբ տպագրվում են զբոսաշրջային ամենամյա քարտեզներ՝ հայերեն, անգլերեն, ռուսերեն, գերմաներեն և պարսկերեն:
Այս քարտեզները ներկայացնում են մայրաքաղաքի զբոսաշրջային տեսարժան վայրերը` պատմամշակութային հուշարձանները, թանգարանները, պատկերասրահները, եկեղեցիները, զբոսայգիները և մի շարք ուշագրավ վայրեր:
Քարտեզը զբոսաշրջիկների համար պարունակում է օգտակար տեղեկություններ և բազմաթիվ առաջարկություններ:
 Մայրաքաղաքում կողմնորոշվելուն աջակցող քարտեզներում նշված են նաև Երևանի մետրոպոլիտենի կայարանները, կենտրոնի հեծանվային կանգառները: Առանձին՝ օգտակար տեղեկատվություն սյունակով ներկայացված են օգտակար խորհուրդներ, պարտադիր այցելության 12  վայրեր և այլ անհրաժեշտ տեղեկավություն զբոսաշրջիկների համար:
Հաշվի առնելով վերջին տարիներին մայրաքաղաք այցելող զբոսաշրջիկների մեծ հոսքը՝ մեծացվել է քարտեզների տեսակների թիվն ըստ լեզուների և բովանդակության:
Ժամանակակից թվային տեխնոլոգիաներ ներառող նոր տեսակի թեմատիկ քարտեզում ներառված է հակիրճ տեղեկատվություն Երևանի զբոսաշրջային վայրերի, զբոսաշրջային գրավչությունների մասին, անհրաժեշտ տեղադիրքով ներկայացված են նաև մայրաքաղաքում գործող «12 պարտադիր այցելության թանգարանները», պատկերասրահները, թատրոնները, կինոթատրոնները, գրադարանները, եկեղեցիները, այգիներն ու պուրակները, հուշարձանները, առևտրային կենտրոնները, կրթական և մարզական հաստատությունները, հասարակական զուգարանները: Յուրօրինակ կերպով քարտեզում ներկայացված են նաև մայրաքաղաք Երևանի զբոսաշրջային և պատմամշակութային վայրերը, որոնք ներկայացված են իբրև բազմաֆունկցիոնալ ամբողջական ուղեցույց:
Քարտեզներն անվճար տրամադրվում են «Երևան քաղաքի զբոսաշրջային տեղեկատվական աջակցություն և քաղաքացիների սպասարկման կենտրոններում:
«Yerevan in your pocket» («Երևանը՝ քո գրպանում») անվանումով անգլերեն ուղեգիրքը տպագրվել է 2019 թվականին: 2021 թ․ հրատարակվել է ռուսերեն Карманный путеводитель «Ереван» ուղեցույցը։

Այն իր տեսակով յուրօրինակ է և հնարավորություն է տալիս ամբողջովին բացահայտել Երևանը, պարունակում է հակիրճ տեղեկատվություն մայրաքաղաքի պատմամշակութային հուշարձանների, եկեղեցիների, կամուրջների, պանթեոնների, թանգարանների, մշակութային կենտրոնների, թատրոնների, համերգասրահների, կինոթատրոնների, հյուրանոցների, ժամանցի և զվարճանքի վայրերի, առևտրի կենտրոնների, մարզական համալիրների, հրապարակների և այգիների, դպրոցների, համալսարանների, միջազգային կազմակերպությունների, դեսպանատների և հյուպատոսարանների, ինչպես նաև ազգային յուրահատկությունների, ռեստորանների, սրճարանների և այլ տեսարժան վայրերի մասին: Ուղեգրքում ներկայացված են քարտեզներ, անհրաժեշտ զբոսաշրջային օբյեկտների հասցեներ, հեռախոսահամարներ, կայքեր, էլ. հասցեներ, աշխատանքային ժամեր, որոշ բաժիններ ներկայացված են նաև QR կոդերով: