Երևանի պաշտոնական զբոսաշրջային երթուղային ծրագիրը մեկնարկել է 2011 թ. սեպտեմբերի 17-ին՝ Հայաստանի անկախության 20-ամյակին նվիրված տոնակատարությունների առիթով: Այն բնույթով միակն էր տարածաշրջանում:
«Երևան սիթի տուր» ծրագրի 90 րոպե տևողությամբ շրջագայության հիմնական նպատակն է՝ զբոսաշրջիկներին, մայրաքաղաքի հյուրերին և հանրությանը ծանոթացնել Երևանի պատմությանը, մշակույթին, ճարտարապետությանը, պատմամշակութային հուշարձաններին և տեսարժան վայրերին:
Ծրագրով իրականացվում են բազմաբնույթ սոցիալական միջոցառումներ և նախագծեր՝ համագործակցելով բազմաթիվ հասարակական կազմակերպությունների, նախաձեռնությունների, կառույցների, հանրակրթական դպրոցների, հաշմանդամություն ունեցող անձանց իրավունքները պաշտպանող միությունների հետ՝ «Յուրօրինակ անակնկալ առաջին դասարանցիների համար», «Մշակութային շրջայց», «Զբոսանք զինծառայողների համար», «Երևան սիթի տուր»-ը՝ մայրաքաղաքի տարեցներին», «Երևան սիթի տուր»-ը` բոլորի համար» և այլ կարգախոսներով:
Կարևորելով նմանատիպ ծրագրերի սոցիալական բաղադրիչը` Երևանի քաղաքապետարանը ձգտում է նպաստել հաշմանդամություն ունեցող և սոցիալապես անապահով երեխաների հանրությանը ինտեգրմանը:

2017 թվականին «Արմենիա տուրիստական» մրցանակաբաշխության ժամանակ «Երևան սիթի տուր»-ն արժանացել է «Տարվա լավագույն զբոսաշրջային նախագիծ» մրցանակին։

 

Երևանի զբոսաշրջային երթուղին գործում է նախնական պատվերով

-    Երթուղու մեկնարկը և ավարտը՝ Ֆրանսիայի հրապարակ,
-    երկհարկանի բացօթյա ավտոբուսի երթի մեկնարկի ժամերը. 
ապրիլ – հոկտեմբեր՝ ժ. 11:00, 15:00, 18:00,
նոյեմբեր – մարտ՝ ժ. 11:00, 15,00, 17:00,
-    բացօթյա տեղերի քանակ՝ 50,
-    Խումբը՝ 8 – 60 անձ:
Երթուղին իրականացվում է էքսկուրսավարի ուղեկցությամբ՝ հայերեն, անգլերեն, ռուսերեն:
Ավտոբուսները մատչելի են հաշմանդամություն ունեցող անձանց համար:
Ավտոբուսներում գործում է անվճար wi-fi:
Տոմսերը կարելի է ձեռք բերել զբոսաշրջային ավտոբուսներից:

Տոմսի արժեքը.

• մինչև 7 տարեկան երեխաներ՝ անվճար,
• 7-15 տարեկան երեխաներ՝ 1500 դրամ,
• ուսանողներ՝ 2000 դրամ (ուսանողական տոմսի առկայության պարագայում),
• մեծահասակներ՝ 3000 դրամ (ՀՀ քաղաքացիներ).
• զբոսաշրջիկներ՝ 5000 դրամ,
• հաշմանդամներ՝ անվճար (հասարակական տրանսպորտի անվճար քարտի առկայության պարագայում):

Երևանի պաշտոնական զբոսաշրջային երթուղու ծրագրի վերաբերյալ մանրամասն տեղեկություններ ստանալու  և ամրագրելում համար զանգահարել +374 93 688545 հեռախոսահամարով:

Երթուղի

Մեկնարկը՝  Ֆրանսիայի հրապարակից.
•    Օպերայի և բալետի ազգային ակադեմիական թատրոն,
•    Ժամանակակից արվեստի թանգարան,
•    Կապույտ մզկիթ,
•    Հաղթանակի կամուրջ՝ Սուրբ Սարգիս եկեղեցի,
•    Ծիծեռնակաբերդի խճուղի,
•    Բրազիլիայի հրապարակ՝ «Հրազդան» մարզադաշտ,
•    Աթենքի փողոց՝ «Արարատ» կոնյակի գործարան,
•    Արգիշտիի փողոց՝ «Երևանի Արարատ կոնյակի-գինու-օղու կոմբինատ»,
•    Երևանի քաղաքապետարան և Երևանի պատմության թանգարան,
•    Ռուսաստանի հրապարակ՝ Մոսկվայի տուն,
•    Ալ. Մյասնիկյանի հրապարակ,
•    Իտալիայի փողոց՝ Երևանի 2800-ամյակի այգի,
•    Ստ. Շահումյանի հրապարակ,
•    Հանրապետության հրապարակ, Հայաստանի պատմության թանգարան, Հայաստանի ազգային պատկերասրահ,
•    Տիգրան Մեծի պողոտա՝ «Այրարատ» կինոթատրոն,
•    Խանջյան փողոց՝ Հայկական պետական մանկավարժական համալսարան, Օղակաձև զբոսայգի,
•    Աբովյանի պուրակ
•    «Հաղթանակ» զբոսայգի,
կանգառ 15 րոպե Կասկադի տեսահրապարակում,
•    Կորյունի փողոց՝ Մատենադարան,
ավարտ՝  ֆրանսիայի հրապարակ: 

Երևանի քաղաքապետարան,
տուրիզմի բաժին
Երևան, Արգիշտիի 1
Հեռ.՝  011 514-230
Էլ. փոստ՝ tourism@yerevan.am: